嗱，今日呢将会教大家嘅广东话就係：若然，你发现一样嘢好抵，你点都买嘎嘞，广东话点讲呢。听住咯噃。若然发现样嘢好抵，点都买嘎嘞，广东话就係叫做：‘老虎蟹都掣啊！’。嗱，再讲多次：‘老虎蟹都掣啊！’。开始例子咯噃。如果你有一日去到‘M記’买优惠餐，個店员同你讲话：加两呅，可以换杯特大嘅汽水同物大嘅薯条。噉，喺噉嘅情况，嘩￣咁抵，你就可以指住個店员话：‘老虎蟹都掣啊！’。大声啲！‘老虎蟹都掣啊！’冇错嘞。如果有一日去酒楼饮茶，食完嗮嘢之后呢，宜家好多时候個伙记都话送個甜品畀你嘅，问你要唔要。嘩￣！哩個时候有甜品送，你梗係指住個伙记大嗌：‘老虎蟹都掣啊！’再大嗌：‘老虎蟹都掣啊！’冇错嘞。如果有一日，你去到西关古玩城，就买哩只古董，发现有一個玉如意。老闆话，原价万五，宜家物价五百！噉，喺哩個咁抵嘅情况之下，你就可以指住個玉如意大嗌一句：‘老虎蟹都掣啊！’。大声啲！‘老虎蟹都掣啊！’再大声啲！‘老虎蟹都掣啊！’嗱，点解要讲咁大声同讲咁多次呢，因为原价万五减到五百，就真係：‘老虎蟹都掣啊！’好嘞，点知道你返到屋企嘅时候，发现支玉如意原来係荧光棒嚟嘅！你拎住支荧光棒返番到古玩城谂住退货啦，点知有另外一個广州人同你讲，话万五呅帮你买咗佢！噉，喺哩個时候你梗係指住哩個广州人大喝一声：‘老虎蟹都掣啊！’但係当你卖咗畀個自由人之后，你先发现原来嗰支真系玉如意，噉哎呀！你梗係即刻用两万呅买返番支玉如意返嚟啦。点知，一返到屋企你就发现，原业嗰支真係一支荧光棒嚟嘎！哎呀，噉如果你咁蠢，都有人要你嘅话呢，你就要指住要你嘅伴侣大喝一声：‘老虎蟹都掣啊！’。係嘞，然之后送咗支荧光棒畀佢。好嘞，嗱，若然啊，你发现嗰样嘢比起‘老虎蟹都掣’更加抵，更加想要嘅话呢，就要改一改嘞。哩一個呢，广州人仲未发明嘎，只要你呢係嗰個时候你讲咗出嚟呢，广州人就会对你另眼相看嘎嘞。嗱，记住咯噃，若然你发现嗰样嘢笋过‘老虎蟹都掣’嘅话呢，你就可以大嗌一声：‘大闸蟹都掣啊！’再讲多次：‘大闸蟹都掣啊！’点解呢，因为近排呢啱啱当灶，广州人好中意食大闸蟹嘎，所以你见到一啲嘢好抵嘅时候，就算係十呅六個生果嘅话呢，你都可以对住啲生果大嗌：‘大闸蟹都掣啊！’冇错嘞。