回复：16楼
蒲咗去某个地方上班咯~

今日要同大家讲嘅广东话就系“二打六”喇。嗱，你见到边个唔顺超，冇啲斤两，佢就系传闻中嘅“二打六”啦
     粤语入面呢有好多含有数字嘅词都同打牌、赌术有关,“二打六”都唔例外。按照伊个思路解释嘅有两种,都好复杂。简单咁讲,六同二嘅组合都唔会系庄家或者系对住庄家,比喻“坐唔得正”,即係无关紧要嘅小人物,小角色。另外一种讲法就喺,“二打六”出自牌九入面嘅术语,原本写作“二搭六”,指二板同六点嘅牌组成嘅牌组。伊个牌组点数系零,喺牌九嘅规则里面系最小嘅牌组,引申为冇实力。
     “二打六”仲有同打牌无关嘅源头。有解释话“打”系加嘅意思,二加六系八,八两相当于半斤,即喺“半桶水”,表示冇真本事,唔够格。或者可以解释为八唔够十,所以“未够料”。
     总之,“二打六”就系啲唔重要或者系冇真本事嘅“茄喱菲”。
你对住憎嘅人，就大声咁叫佢“二打六”啦，叫多次，喺“二打六”!

今日要教你嘅广东话，就係当你行街嘅时候，发现啲人成日嘈渊巴闭，好烦！囉囉嗦嗦！噉广东话点讲呢噉？”你唔好喺度叽叽咭咭啊下！”未到啊！”你唔好喺度叽叽咭咭啊下！”好嘞！开始囉噃。如果搭的士去街，落车嘅时候个司机话，18個4！你呢就话，不如噉啦司机，收18呅啦。個的士司机猛话唔得啊￣￣又话政府规定跟表收啊￣￣又话生意难捞啊￣￣又话自己黑社会啊￣￣噉。噉你就即刻可以喝爆佢：”你唔好喺度叽叽咭咭啊下！”若果佢都係要收18個4呢，仲话要报警添。噉你就先喝佢一句：”你唔好喺度叽叽咭咭啊下！”然之后立刻叫你同伴出口，对住你喝一句：”你唔好喺度叽叽咭咭啊下！”咁你宜家有個落台阶，可以落台嘞。噉当然啦，落车就冇咁瘀啦。若果你都係唔忿气嘅话呢，落车嘅时候仲可以闹返佢转头：”你唔好喺度叽叽咭咭啊下！”然之后快啲急急脚走，一路走，一路嗌：”你唔好喺度叽叽咭咭啊下！”。。。。。。
     比如，你谂住参加保粤语。点知嘅人阻住咗条路，搞到佢冇得行。咁就喺度嘈渊巴闭啦。大声咁闹咯噃：“你唔好喺度叽叽咭咭啊下！”噉呢，你就即刻闹返佢转头：“你唔好喺度叽叽咭咭啊下！”当然啦，佢又闹返你：“你唔好喺度叽叽咭咭啊下！”。。。。。。因为行紧嘅关系，所以互相越嚟越远嘞：“你唔好喺度叽叽咭咭啊下！”。。。。。。越嚟越细声：“你唔好喺度叽叽咭咭啊下！”。。。。。。好嘞，行到一半，你先（至）醒起，保粤语，关你四川么事？所以都係嗱嗱霖走好嘞。点知就喺你想走嘅时候，陈sir就走出嚟闹你，问你点解行一半！你就可以指住陈sir大喝一句：“你唔好喺度叽叽咭咭啊下！”。。。。。。好嘞，咁就离开啦＞蛦漳阕邌时候，唔小心撞到人哋停喺度嘅私家车。你呢一撞，哗！成度门笠嗮！你呢谂住架车PARK喺度冇司机嘎，梗係唔使理啦，快快脆脆走人啦。点知有個好好心嘅广州人走埋嚟，同你讲。佢就话，你撞笠咗人哋架车喎￣￣不如你赔返少少钱啦￣￣噉样。你就即刻大叫：“你唔好喺度叽叽咭咭啊下！”点知你一叫，你呢一叫实在係太雄壮嘞。連嗰架车嘅防盗都被你叫响咗。噉你就可以指住架车大叫：“你唔好喺度叽叽咭咭啊下！”因为防盗好大声，你就要更加大声嘞：“你唔好喺度叽叽咭咭啊下！”嗱，你越大声呢，就越多车嘅防盗被你嗌响咗，你就要嗌得更大声嘞：“你唔好喺度叽叽咭咭啊下！”更大声，就会有更多防盗响！有更多防盗响，你就嗌得更大声：“你唔好喺度叽叽咭咭啊下！”。。。。。。你用呢一句说话：“你唔好喺度叽叽咭咭啊下！”都用得相当之好嘞。宜家上进修课嘞。呢句广东话：“你唔好喺度叽叽咭咭啊下！”其实係嚟自两个字：“叽咭”嘎！呢個字本身係单字，都係有效嘅＜磦S话：“你唔好咁多叽咭啦”係嘞，听唔听到，头先呢唔係叽叽咭咭嘞，剩係叽咭嗟。再听多次：“你唔好咁多叽咭啦”嗱噉样用呢，已经好够嘎嘞。但係若果嗰個人，被你闹嗰個人好烦，烦到剩係用叽咭都唔掂嘞。你就要用返：“你唔好喺度叽叽咭咭啊下！”係嘞，两次嘞。若果嗰個人仲烦噉点啊？你可以升级，加到三個字：“你唔好喺度叽叽叽咭咭咭啊下！”再烦啲呢？。。。。。。又或者係：“你唔好无限叽无限咭啊下！”冇错，再听：“你唔好无限叽无限咭啊下！”无限叽同无限咭呢，已经係去到最尽嘎嘞。好嘞，喺呢個时候我都唔好咁多叽咭嘞。希望你哋可以学会呢句广东话。

介绍下广东话嘅实用方法嘞。听住咯噃。今日要教你嘅呢系咩广东话呢？今日要教嘅广东话就系：若果有人怀疑你讲嘅嘢系咪真，嗱，你想话畀人听系好真嘅。好真嘅广东话系点讲呢？嗱，听住咯噃。好真嘅广东话系：‘珍珠都冇咁真啊！’。冇错。再听多次。好真嘅广东话系：‘珍珠都冇咁真啊！’。嗱，若然呢，你觉得‘珍珠都冇咁真啊！’都唔系好真嘅话呢，有一句系更加适用嘎。当人怀疑你系唔系真嘎嘅时候呢，你就可以讲：‘珍珠都冇咁真啊！’。如果佢唔信你就可以用劲啲噶噃。劲啲嘅嗰句就系￣￣‘直头坚过石坚啊！’。冇错嘞，再讲多次。‘直头坚过石坚啊！’。好多时候呢，我哋就唔讲‘直头’两个字嘅＞蛥罴鸷蟊吣鼐兔鞲锣稀颍馗础５谝痪湎胆D―‘珍珠都冇咁真啊！’；第二句系：‘坚过石坚啊！’。冇错嘞。好嘞，宜家开始实用咯噃。如果有一日，你同啲好耐没见嘅朋友饮开茶。咁难得同佢哋聚下一堂，就当然喺佢哋面前眩耀一番自己点富有啦，系咪系？你呢就可以同佢哋讲，你好有钱。话畀佢哋听，你有三百几只羊，百几只鸡，同埋十几只蕉！如果佢哋双眼有些少犹疑，就同你讲‘系咪真嘎’噉。喺哩个时候你就可以对住佢哋只眼讲，大喝一句：‘珍珠都冇咁真啊！’如果佢哋仲系唔信，噉你就可以喺哩个时候指住佢哋个鼻，补多一句：‘坚过石坚啊！’。噉样，佢哋就会当堂畀你哩两句说话吓咥。咩都做唔到嘎嘞。好嘞。又或者有一日，你拎住你嘅冒牌LV手袋，谂住拎去专门店，换番一个真嘅扣。点知个sales一望到个袋，就话系假嘅，唔肯同你换。而你明知你个冒牌LV哩个手袋上面明明系印满住SG嘅。喺哩个时候你都唔洗惊。你可以指住个sales同埋指住个SG大喝一句：‘珍珠都冇咁真啊！’。如果佢仲系唔信，你就补多句更加劲嘅广东话：‘坚过石坚啊！’。噉佢哋呢就会当堂畀你哩两句说话吓咥咗，然之后呢就会同你换番一个真嘅扣嘎嘞。嗱，若果你唔相信哩两句说话，包括‘珍珠都冇咁真啊！’   同埋   ‘坚过石坚啊！’系可以说服到人嘅话呢，噉呢可以试下攞啲“阴司纸”去化装品铺头，同个化装小姐讲，你话：我要用哩啲人民币，去买你哋嗰啲化装品。嗰个小姐见到哩啲阴司纸呢，一定以为自己撞鬼嘎。但系呢，佢亦都唔会信你嗰啲系人民币嚟噶噃。噉呢你就可以指住啲阴司纸，大喝一句：‘珍珠都冇咁真啊！’。如果佢都系唔信，当然呢你可以知道嘞，加句更加有力嘅广东话：‘坚过石坚啊！’。嗱如果佢仲系唔信呢，唯有用最后嘅方法，我今日教你嘅，就系将哩两句双剑合壁！指住个阴司纸同埋指住个sales，大喝一句：‘石坚都冇咁真啊！’大喝多句！‘石坚都冇咁真啊！’好嘞。最后，如果有一日你返去乡下。啲同乡问你：陈鲁豫系咪真系咁瘦嘎？噉。噉喺哩个时候呢，你就唔可以用哩一句‘珍珠都冇咁真啊！’，又或者系‘坚过石坚啊！’。因为亦都系太过唔够犀利嘞。噉呢你亦都唔可以用嗰个本身嘅双剑合壁噶喎――‘石坚都冇咁真啊！’。系嘞，因为都系唔够犀利。喺哩个时候，有人问你阿陈鲁豫系咪真系咁瘦啊。你就要变通一下，对住个同乡大喝一句：‘石坚都冇咁FIN啊！’大喝多次！‘石坚都冇咁FIN啊！’冇错嘞。喺哩个时候你觉得，如果头先嗰两句话。。。唔准笑啊下！包括系：‘珍珠都冇咁真啊！’。唔系，改变咗嗰个。‘石坚都冇咁FIN啊！’同埋‘石坚都冇咁真啊！’哩两句，都唔够真嘅话，我只能够同你讲一句。。。‘珍珠都冇咁FIN啊！’嘞。希望大家明白点用哩两句说话咯噃。