台庆颁奖礼｜袁志伟膺“万千光辉荣誉大奖”：TVB从无干预新闻部运作
《万千星辉颁奖典礼2023》由TVB总经理（节目内容营运曾志伟负责颁发“万千光辉荣誉大奖”。由新闻部的袁志伟夺得，袁志伟在无綫新闻47年，由记者﹑主播﹑採访主任到主管等，相当专业，袁志伟说：“出镜出得多，咁嘅场合未试过，从未谂过新闻部嘅人可以攞呢个奖，我觉得如果颁呢个奖嘅话，唔係颁畀我，我不过因为新闻部几百人其中一个，颁嘅应该颁畀成个部门，不过我代表成个部门，首先要多谢TVB，唔係客套话，係好重要，一直以来，TVB老闆及最高管理层，从冇干预过新闻部运作，亦冇影响到我哋新闻报道方向及内容，呢一点要真正多谢管理层。”
他续说：“做记者﹑主播﹑採主﹑主管﹑总监，係我第一份工，亦係最后一份工，做咗47年，造就我不一样人生，我做记者时，遇到8号风球及10号风球，我出去做现场直播，每年团年饭，我都会做花市直播，唔係一般普通人年年都遭遇情况，多谢TVB畀机会我。”收起

台庆颁奖礼｜周奕玮麦美恩膺最佳男女主持
周奕玮（Jarvis）、麦美恩（Mayanne）在《万千星辉颁奖典礼2023》分别夺得“最佳男、女主持”。
Jarvis领奖时说︰“多谢TVB，多谢所有投票畀我嘅观众，多谢好多由细睇到我大嘅观众﹗首先，好多谢总经理曾志伟先生，好多谢你喺我好迷惘嘅时间畀咗好多鼓励我，好多谢你旧年畀咗一个令全世界都可以睇到我有一次展现自己机会嘅舞台，同埋好多谢你相信我。我知道自己有好多缺点，多谢你包容我﹗好想多谢娱乐新闻台，我入行第一份工就係做娱乐新闻台。嗰阵时，我仲係一个细路仔，乜嘢都唔识。我做咗18年，今日係第18年，我终于可以攞到呢个大个仔嘅成人身分证畀番娱乐新闻台。我好想讲一句，我第一次入行做康城影展时著住一套‘踢死兔’採访红地毡，之后好多人话做乜搵个企鹅去採访红地毡。咁多年来，我听过好多次啲人话周奕玮係一个冇身形、冇外形、冇台型嘅人。我谂我今日人生得一次呢个机会，可以揸住呢个奖讲一句，我想同好多曾经怀疑过我嘅人去讲一句，唔好畀人哋对你嘅想像限制你自己对自己嘅想像，我会继续想像，继续成长﹗”
Mayanne知道得奖时感动得眼有泪光，一上台就请工作人员送她纸巾。Mayanne说︰“多谢公司畀我讲我想讲嘅嘢，因为大家只係见到我嬉皮笑脸。我係TVB凑大、TVB养大，呢个奖係一个个人奖，但后面好多人推动呢件事。我係好少数可以同好多部门合作嘅艺人，我可以企喺度唔係因为我一个人嘅能力，而係后面有好多人令到呢件事发生。有人话TVB係一个木人巷，我觉得係一个梦工场，因为发梦你都谂唔到一个竹升妹可以用12年时间去成为大家认可嘅、用全中文嘅大骚司仪。公司好大胆同勇气，畀呢个竹升妹做做吓司仪，去咗拍古装剧。呢间公司后面有好多人帮紧我，呢间公司有好多高层，但係传统上我要多谢曾生（曾志伟 ）、珍姐（曾励珍）、乐小姐（乐易玲）。係呀，係要讲㗎﹗呢个奖，好多人觉得係要表扬我过去1年嘅努力，但係对于我嚟讲係一个接棒仪式，因为呢1年嘅压力同责任係大咗。曾生，我希望我用最短嘅时间将呢个棒交畀新一代嘅金牌女司仪。希望大家帮帮手，因为女司仪係要有好多人一齐去合作同互相扶持，大家先至有好节目，因为得益嘅一定係观众，多谢大家。”收起

台庆颁奖礼｜佘诗曼再膺大湾区视后 黄宗泽爆冷封帝
佘诗曼继“马来西亚最喜爱TVB女主角”后，再于今晚举行的《万千星辉颁奖典礼2023》凭《新闻女王》获颁“大湾区最喜爱TVB女主角”，成为双料视后﹗她在大会宣布赛果时以双手掩脸，非常惊喜﹗
佘诗曼上台领奖后说︰“真係好开心拎到呢个奖，真係好开心﹗好多谢投票畀我嘅人，好多谢大家支持《新闻女王》同‘Man姐’呢个角色。依家喺观众咁多选择同要求咁高嘅时代，我发觉只係做自己係唔够，上至监制、导演、编剧、灯光、摄影，先至到我哋演员去实践，其实我哋好幸福。我想藉住呢个机会多谢所有幕后功臣，唔係佢哋准备咗咁多嘢畀我哋行出嚟，我哋係唔会有呢一个咁好嘅作品出嚟。多谢大家支持《新闻女王》，当然最后要多谢投票嘅每一位，多谢你哋爱惜我﹗”
“大湾区最喜爱TVB男主角”由《廉政狙击》的黄宗泽夺得，他表示︰“ 头先喺下面坐紧嘅时候，丁子朗话攞完‘飞跃’之后等咗好多年冇奖，冇攞过男主角。喂，你讲漏咗我喎，我几想拍枱呀﹗不过，我藉住呢个机会真係要多谢TVB，如果唔係你哋嘅话，大湾区冇人识我，我亦都进入唔到呢个市场。我亦都要多谢大湾区所有投票嘅观众，感谢﹗”
“大湾区最喜爱TVB综艺及资讯节目”是总经理曾志伟主持的《奖门人感谢祭系列》，“大湾区最喜爱TVB剧集”刚是佘诗曼主演的《新闻女王》。收起佘诗曼希望《新闻女王》能夺得奖项，因为大家拍摄时都很辛苦，而且过程是十分开心。而佘诗曼被问到朋友及家人有否支持她为她打气，她就说：“我妈咪去咗打麻雀。”

万千星辉颁奖典礼2023丨林子善夺“最佳男配角”激动跪地叩谢 爆喊感谢全家族怕无下一次
万千星辉颁奖典礼2023丨无綫电视（TVB）《万千星辉颁奖典礼2023》今日（14日）晚上8时在澳门正式举行，TVB将会同步直播颁奖礼盛况。由元华及朱咪咪颁发“最佳男配角”，《香港人在北京》吴业坤、《破毒强人》何广沛、《新闻女王》邓智坚、《隐形战队》林子善、《破毒强人》马贯东入围最后五强，最终由《隐形战队》饰演“乔带囡”的林子善夺得。
林子善入行25年的多次入围《万千星辉颁奖典礼》的“飞跃进步男艺员”、“最佳男配角”奖项，终于在今年凭《隐形战队》乔带囡（囡囡）一角，首度夺得“最佳男配角”奖项。林子善上台领奖时，先获好友马国明、刘佩玥拥抱祝贺，而陈山聪更抱起林子善恭喜夺奖。林子善一上到台即向全场行大礼，跪地叩谢，刘佩玥更激动到掩面落泪。
林子善自称不喜欢喊
林子善从元华手上领取奖项，并向元华及朱咪咪道谢后，林子善表示好多网民不喜欢他喊，他亦不喜欢喊，但边抹眼泪说谢辞：“头先嗰一跪係畀我父母嘅，因为无我父母带我嚟呢个世界，係唔会有林子善。多谢TVB、多谢阿姐（汪明荃）、多谢（乐）小姐、多谢（曾）志伟。”
林子善接著抽纸巾抹眼泪时，更卖广告问品牌是否有落广告，笑言自己好喊得。收起+9

佘詩曼封滿貫視后 陳豪16年後再奪視帝 馬國明曬幸福：太太開心就旺夫
TVB台慶劇集《新聞女王》喺《萬千星輝頒獎典禮2023》勇奪得最佳劇集大獎，橫掃8個獎項，「三料視后」佘詩曼成為全晚大贏家，林峯與楊茜堯頒視后獎座祝賀佘詩曼，佘詩曼致詞時更喜極而泣。
頒獎典禮今年移師澳門上葡京綜合度假村隆重舉行，阿佘好開心今次回巢拍劇，重遇好多舊朋友，又有機會同新演員合作，阿佘喺老友手上接過獎座，亦勾起好多難忘回憶，阿佘笑指林保怡同林峯好口密，自己事前冇講做頒獎嘉賓；陳豪相隔16年再奪視帝寶座，由太太陳茵媺親自頒獎，陳豪得獎後即甜蜜表示要帶太太去一個二人世界旅行。
馬國明榮封大馬視帝，佢指2023年係幸運年，未試過最高收視嘅三套劇都有自己份，馬明更指太太湯洛雯開心就旺夫，《隱形戰隊》奪得大馬最喜愛劇集，監製文偉鴻率領一眾演員開心領獎，台前幕後興奮不已；《隨懿深度行》獲大馬節目獎，黎諾懿開心以監製身份獲得肯定，多謝太太一直照顧好小朋友，令諾懿放心投入工作。
黃宗澤奪得大灣區最喜愛男主角，獲兩大前輩羅嘉良及林保怡頒獎，黃宗澤感到好榮幸。而林子善首奪最佳男配角，台上激動落淚兼跪地鞠躬答謝父母，高海寧亦係首奪最佳女配，佢心情激動，感謝屋企人咁多年嘅支持，同時感謝「Man姐」阿佘提點。收起

#萬千星輝頒獎典禮2023# 佘詩曼榮登首位三屆視后陳豪16年後再奪視帝寶座
無綫電視年度壓軸盛事《萬千星輝頒獎典禮2023》剛於1月14日（星期日）圓滿落幕，今屆頒奬典禮首次移師到澳門，假澳門上葡京綜合度假村隆重舉行。頒獎禮上共頒發25個獎項，各大獎項已名花有主。
熱爆內地及香港的劇集《新聞女王》以大熱姿態成為「最佳劇集」，在《新聞女王》中盡顯女王氣派的佘詩曼榮獲「最佳女主角」，她亦是《萬千星輝頒獎典禮》有史以來首個三屆視后。佘詩曼同時奪得「馬來西亞最喜愛TVB女主角」、「馬來西亞最喜愛TVB女主角」，狂掃所有殊榮，成為三料視后。「最佳男主角」方面，由《破毒強人》飾演絕命毒王的陳豪奪得，這次是陳豪相隔16年，第二度稱帝。恭喜一眾得獎者及節目，憑著過去一年的努力及實力加持，得到獎項表揚及喜許！
三料視后佘詩曼
佘詩曼回歸TVB拍攝《新聞女王》，擔正演出「Man姐」文慧心，憑著神級演技，頒獎典禮前已成視后頂頭大熱，得獎呼聲高唱入雲。結果不負眾望，佘詩曼憑《新聞女王》，得到「最佳女主角」、「馬來西亞最喜愛TVB女主角」、「馬來西亞最喜愛TVB女主角」，成為三料視后。同時她亦奪得「最佳衣著女藝人」，連奪四獎，成為頒獎典禮大贏家。
佘詩曼破盡紀錄，成為《萬千星輝頒獎典禮》首個三屆視后，亦是今屆三料視后。她在台上表示一不離二，二不離三多數是不好的事，但她笑說：「今次得奬証明一不離二，二不離三都有好嘢！」她感謝77工作室有限公司總裁暨《新聞女王》總監製鍾澍佳及同劇演員，她希望可以遇到更多好角色，讓觀眾可以返屋企煲劇追劇。
陳茵媺頒獎給陳豪
陳豪於07年，憑《溏心風暴》「得得地」一角首奪「最佳男主角」，事隔16年，今年他在《破毒強人》中，演繹極具反派魅力的絕命毒王文華，以獨特沙啞聲線，亦正亦邪的高難度演出，成功再次登上視帝寶座。
陳豪表示《破毒強人》是一套充滿意外的劇集，感謝監製羅永賢及編審黃偉強，讓他演文華一角，亦讓很多好耐未煲劇的觀眾從新煲劇。他隨後感謝一眾TVB高層、家人及Fans外，亦特別多謝是次擔任頒獎嘉賓的太太陳茵媺。「唔係佢將屋企打理妥妥當當，我都唔能夠全心全意去演戲。」陳茵媺親身頒獎給丈夫，比陳豪更為激動，哭成淚人，二人更在台上深深抱擁，場面感人。
收視破過去兩年紀錄
今年移師澳門舉行的頒獎典禮收視飆升創出新高，根據CSM媒介研究及YOUBORA收視資料數據顯示，萬眾矚目的頒獎典禮，跨平台直播收視最高 29.9點（194萬觀眾），打破過去兩年最高收視29.4點及29.1點紀錄，亦成為上周收視榜首節目，成績斐然。
不單如此，頒獎典禮當晚，TVB各社交平台(不計內地平台)整體表現同樣出色。據統計紅地毯直播影片觀看次數為 120萬人次，頒獎典禮接觸逾500萬人次，內容總接觸更超過1,800萬人次，與去年頒獎典禮對比，Facebook接觸人次提升380%，互動量超過230%，IG亦上升超過100%。收起

+9

+1

@蕭正楠Edwin第一次提名最佳男主角
好開始
努力
𡚒鬥
感謝有你們相伴
#破毒強人##葉浩天 ##萬千星輝頒獎典禮#

【明報即時】視后佘詩曼提自己努力有回報 叫大家期待《新聞女王2》
佘詩曼在社交平台貼相，多謝她一班團隊多年來幫忙和支持。（資料圖片/Ig圖片）
佘詩曼憑《新聞女王》膺三料視后，氣勢銳不可擋，昨晚（15日）阿佘在社交平台貼相發文分享得獎感受，她表示回味頒獎禮當晚夢幻般喜悅：「現身闊別多年嘅萬千星輝頒獎典禮，竟然帶俾我一浪接一浪嘅驚喜，2024年1月14日呢個咁特別嘅日子，我會永遠記住，提醒自己，努力係有回報嘅，要有突破，以後就要更加努力，，希望可以帶比觀眾更多嘅wow，我代表Man姐多謝所有支持新聞女王嘅人，我哋一齊期待『新聞女王2』啦﹗」
阿佘今天（16日）貼相多謝她的一班「電波中年」團隊包括經理人﹑化妝師﹑髮型師﹑宣傳人員等，阿佘還多謝傳媒：「當然唔少得嘅，係一班同我一齊成長﹑識於微時，善良但又好有性格嘅記者們，大家都係呢個行業打滾咗好多年，到咗今日，大家都好似成為咗朋友，多謝你哋對我嘅愛錫。」
（即時娛樂）