#2023tvb颁奖礼# 马贯东入行18年首夺“飞跃”奖 发长文致谢各方
@馬貫東 写道：
在颁奖台上，脑袋突然一片空白，而家非常内疚。
喺呢度我好想，再多谢一次！虽然长咗啲，但系都希望大家可以睇晒🙏🏻
多谢珍姐，训练班毕业你同我讲咗好多我不足之处好多缺点，你督促我一定要改变同进步，只要努力将来一定会有机会，八年之后突然间收到你嘅电话，有一个角色比我，呢个角色就系铁马战车“杨明”，多谢你唔系安排一条容易
行嘅路俾我，要我一步一步慢慢走，令我学识珍惜每一个机会，对得住俾机会我嘅人唔好令佢哋失望。
多谢曾生，多谢你睇得到我哋每个角色嘅努力同尊重。
多谢乐小姐，多谢你提点，叫我做个有实力演员。
多谢钟澍佳监制，你话估唔到我会用呢个方法演绎slash，睇到一个另类嘅马贯东，呢句说话系对我好大嘅鼓舞。
多谢邵小姐，叫我要学识点样令到自己产生光芒，要成长唔好原地踏步。
多谢marco监制，系你将我另外一面带俾观众睇，将一个暖男形象嘅马贯东，一改形象变成一个大反派，可能够拎到飞跃进步奖，你占咗绝大部份嘅功劳，多谢Benny，创作一个有血有肉，非常立体嘅杜飞。
多谢mo哥，有你带领住我演杜飞，我觉得好安心，你带住我入戏好舒服，我有一刻爱上咗你，好高兴从你手上颁发呢个奖项俾我。
多谢Edwin，拍打戏嘅时候你叫我放心打，所以我真系好放心咁样打你，所以先有咁好嘅效果，下次有机会再同你拍打，我会买啲跌打酒俾你。
多谢武术组Lulu，安排咗一啲咁高难度嘅动作俾我，等我突破自己，就系因为个跳车厢镜头，令到大家对杜飞呢个角色更加深刻
多谢爱回家，多谢所有屋企人，我喺爱回家学咗好多嘢，亦都好钟意呢个屋企。
多谢所有用过我嘅监制，徐生、Andy、德哥、阿细、嘟嘟、声哥、十仔、小龙、深爸、lam哥、April 。
仲要多谢梳化服嘅同事，机器组灯光组收音组，武术组，道具组，所有台前幕后嘅工作人员
多谢屋企人嘅支持，多谢你哋俾咗一个冇压力嘅环境俾我继续追梦做自己喜欢嘅事，虽然我比家用，但系而家冇，将来一定会有。
入行咁耐啊，我有好多人支持我帮助我，虽然条路唔易行，但系我行得好开心好充实，亦都有好多战友一齐并肩。
最后多谢所有得奖者，过去一年嘅努力受到肯定，每位得奖者都值得接受掌声鼓励。收起
约束
无忌
