#2023tvb颁奖礼# 马国明替林子善开心 想约铁马家族食饭
攞最佳衣着奖全靠汤洛雯：老婆开心呢就旺夫
新婚的马国明《万千星辉颁奖典礼2023》夺得马来西亚最喜爱TVB男主角，有份主演的剧集《新闻女王》更夺得最佳戏集，他表示：「好开心啊，今年我觉得自己真系好幸运啊，因为我成日都觉得今年，其实我不嬲都系觉得我今年就算冇奖攞，我都会觉得自己赢咗㗎啦，因为我系从来未试过，最高收视嗰三套剧我自己都有份，即系我觉得我自己真系好幸运可以遇到三个咁好慨团队，三个剧拍出嚟都咁好睇，咁观众都咁钟意，所以我觉得今年系好幸运。」
对于个人奖项，马国明亦很满意，「其实我冇谂过自己攞奖㗎，正如我头先所讲啦，我又可以拍到三套最高收视慨剧已经好开心啦，其次就系我今晚系其实我最想林子善攞奖，渠攞奖慨时候其实渠一路讲嘢我喺台下面都有喊，但反而我自己攞奖我冇喊到，我真系好钟意，好希望林子善可以攞到奖，结果真系如愿啦，所以其实今晚所有赛果我都觉得好满意！呢个show前其实我自己都系Tip阿Mo（陈豪）攞视帝慨，所以今晚其他大部份慨奖我都Tip中晒，好开心。」
提到林子善得奖得爆喊，马国明自言自己主要的功用是平伏他的情绪，「因为你知渠系几个咁澎湃㗎啦，咁我尽量去平伏渠啲情绪啦，但系好开心㗎真系，呢位兄弟可以攞到奖对于我嚟讲系开心过，就算我今晚有奖攞可能系冇渠攞咗咁开心。」问到会否与「铁马家族」庆祝？马国明就表示：「要睇佢哋再约啦，因为其实大家都比较忙啲近排，要再约啰，其实可能呃睇下新年慨时候会唔会约到啦？系呀，尽量去约啦，因为你知我哋铁马不嬲都好难齐人，咁样希望会约到啦。」
至于和太太汤洛雯会否特别庆祝，马国明就表示：「我谂都系食餐饭啦，我哋好简单慨我哋两个，其实可以去食餐饭，咁两个人撑下台脚已经好开心。」问到得奖后是否不用洗碗？马国明笑言：「其实唔使洗碗慨，其实我屋企有个工人姐姐好好我哋洗碗慨，好多时都系譬如星期日渠放假我先会洗碗㗎啫。」
问到生B计划，马国明表示和太太对生BB抱随缘态度，不会强求，「就算生BB，我谂就算依家努力都要年尾㗎啦，咁但呃暂时未知啦，随缘啦，我同个老婆不嬲都系随缘慨，咁有就开心啦，冇我哋都冇压力慨，睇下上天会唔会畀呢个礼物我哋啦，如果真系有慨话我一定会同大家讲㗎，多谢大家。」

#2023tvb颁奖礼# 相隔16年再夺视帝 陈豪：证明咗我对做戏慨热爱慨追求系正确
《万千星辉颁奖典礼2023》圆满结束，所有奖项都名花有主，陈豪凭《破毒强人》以大热姿态第四度夺得视帝殊荣，并在老婆陈茵媺接过奖项，陈豪表示：「我谂乜人试过喺自己太太手上面，仲要颁个奖项畀自己，仲要嗰个系叫最佳男主角，咁啊由太太颁畀我慨话，有多咗份意义，可以话系最佳老公。」
问到事前有没有想过得奖，陈豪坦言：「我系有信心慨，即系我已经对自己有信心，但系就我唔知上天会唔会畀呢个奖项我，咁今日印证咗，上天都畀埋呢个奖项慨话，咁咪我觉得成件事好完美。」提到相隔16年再夺视帝，陈豪笑言：「其实今日渠哋唔讲我都唔知原来已经系16年定17年前，同埋提名过最佳男主角都有成28次。哇～我谂我呢个纪录都冇乜人可以破到㗎啦，但调反转，起码我隔16年之后，依家证明咗我对做戏慨热爱慨追求系正确慨，咁我觉得系，呢个就一个奖励啰。」
至于老婆陈茵媺会否都想得奖，陈豪就表示：「佢唔同，渠始终都啱啱先返出嚟拍戏，我觉得任何演员都系，渠只要再继续拍，不断咁喺度追求，任何演员都一样，我都话大家都有一个成功慨点，就大家肯唔肯花时间同埋精神同埋同埋牺牲去等待嗰个成功点慨来临。」问到会否继续支持老婆拍戏，向视后迈进？陈豪表示：「我系支持Aimee继续去追求自己做演员嗰个道路㗎，咁我觉得最紧要系，唔系下下都系我去同渠一齐拍啰，我希望渠同多啲唔同慨演员，同好多队唔同慨导演、唔同慨监制，咁先可以打开渠嗰个演员之路。」
《破毒强人》失落最佳剧集，问到会否失望？陈豪坦言有少少，其实我系好钟意《破毒强人》呢套剧集慨，我觉得佢好有电影感啊，成部戏，我坦白讲，我系觉得唔会有个演员都得好好，因为渠畀大家慨角色呢，系喺观众眼前亦系眼前一亮，咁变左已经好少剧集可以做到呢一个point慨，其实我上台讲嗰两个点都系一样，渠可以将一班观众好耐冇睇电视慨人再返嚟睇电视，呢个系渠成功焦点。」

#2023tvb颁奖礼# 黄宗泽夺“大湾区视帝”漏感谢乐易玲：感「背后一凉」
于TVB《万千星辉颁奖典礼2023》中，黄宗泽凭《廉政狙击》夺「大湾区最喜爱TVB男主角」，在接受采访时他表示得奖时非常开心，但一落台即刻「背后一凉」：「因为我竟然多谢漏咗乐小姐，所以我一坐低即刻转过去多谢「阿妈」。」
他不忘呻：「头先丁子朗死仔包，话攞咗飞跃好多人等咗好多年（才拿视帝），马国明又在台上说自己「攞过４届最受欢迎男角色」记录，我觉得渠哋『润』紧我lor，因为我攞完飞跃好似冇攞过奖，我想翻台！」他亦表示咁多年访问，对他来说攞奖真心唔重要，只是锦上添花的作用：「我系觉得观众钟意睇我做戏，钟意睇我啲剧同电影，呢个反而系令我最安慰同我信慨。」黄宗泽不忘感谢多位监制与TVB。
黄宗泽表示现在正拍摄《法证先锋6》，过两日还要去日本取景，对于回TVB拍剧感到开心，因为见到TVB的进步。他表示自己并不是读演戏出身的人，是自己不断拍戏不断去尝试，学到成事大家都钟意睇，他亦都感到欣慰！

#2023tvb颁奖礼# 炎明熹满载而归夺两奖 奖项背负着大家期待的使命（足本访问）
无线电视年度压轴盛事《万千星辉颁奖典礼2023》于1月14日（周日）晚假澳门上葡京综合度假村隆重举行。炎明熹凭住《新闻女王》主题曲《Crystal Clear》夺得「最佳电视歌曲」奖，之后亦都夺得「最具潜质新人」。在采访中Gigi坦言一开始系希望歌曲可以攞奖，因此没有谂到自己可以攞到新人奖：「好开心好难得攞到呢两个奖，咁希望自己可以继续加油。」
Gigi好多谢网民的投票：「呢两个奖项亦都会系我喺公司做嘢，好好慨里程碑，所以我都会好好加油，因为我系第一次喺《万千星辉颁奖典礼》第一次一个人攞奖，所以呢两个奖真系非常难得。」Gigi自爆自己系「说话有限公司」，自己多次参加颁奖典礼已经不知道应该讲咩好，但系不忘多谢fans一直以来的支持，「如果冇大家亦都冇现在的自己，希望以后慨日子都有大家慨陪伴，希望自己可以陪着大家」。
Gigi坦言奖项确实会增加自己的自信心，且一直有家人、工作人员以及粉丝的陪伴都感到荣幸，奖项是大家投票出来的，亦都是背负着大家期待的使命。她透露颁奖典礼结束之后会去饮「水果茶」庆祝。表示希望唱歌与读书可以成为互补，因此无论有多困难都希望自己可以平衡到。

#2023tvb颁奖礼# 马贯东自爆已分手 落选「最佳男配角」心服口服
刘颖旋愿意接受挑战 唔介意辛苦（足本访问）
《万千星辉颁奖典礼2023》「飞跃进步男女艺员」奖由马贯东及刘颖旋夺得，入行18年的马贯东首次得奖，他在采访中表示：「被提名咁多次，终于可以正式获到肯定。」在获奖感言中他自爆自己「冇界家用」，他表示其实屋企人都好锡渠，唔会逼渠俾家用，并希望自己未来可以做返一个称职仔。
马贯东自爆与女友苏咏童已分手：「我冇拖拍好耐啦，只不过系冇公开，（现在的自己）专注在工作先。」关于落选「最佳男配角」，他表示输得心服口服，并表示下年的目标，亦都是「最佳男配角」。
刘颖旋入行7年夺得「飞跃进步女艺员」，感谢观众对自己的认可，所以非常开心。做「打女」深入人心，刘颖旋认为挑战唔同类型的角色是非常重要的，而且做「打女」获得观众的喜爱，她也唔介意辛苦，拍多啲都唔会介意。
刘颖旋表示自己愿意挑战各种角色，样样嘢都希望可以尝试，且拍打戏虽然辛苦，但系睇返亦都会觉得非常满足，两位亦都期待合作可以「一齐打」

#2023tvb颁奖礼# 「非TVB亲生仔」都可攞奖 林子善感谢观众的力量（足本访问）
无线电视年度压轴盛事《万千星辉颁奖典礼2023》于1月14日（周日）晚假澳门上葡京综合度假村隆重举行。林子善凭《隐形战队》夺「最佳男配角」，在台上更激动落泪，上台后即伏在地上跪拜。林子善在接受采访时表示攞奖的心愿是由第一年提名「飞跃」、「男配角」的时候开始，直到做了父亲，就打算攞奖后一定要在全世界人面前感谢父母：「冇我父母，我就唔会有机会上台。」一讲到父母，渠又忍不住一度落泪，他感言：「我慨骨我慨肉都系我父母给我慨，所以我一定要感谢渠哋，且我要带信息俾大家停，大家一定要孝顺父母！」
林子善亦透露老婆与女儿现在在打边炉，老婆亦都偷偷问过渠是否收到风会攞奖，他搞笑表示上年陈山聪攞视帝紧张到咁，他都和老婆表示自己把票投给马贯东，其实没有太大信心，最重要还是看运气。
在发表感言慨时候，林子善认为「唔系TVB亲生仔」，攞奖机会不大。事后他表示：「因为我自己作为一个老板，我唔介意一定要俾自己慨员工，不过慢慢，好多网上慨网民或者幕后慨人都可以『发声』，咁公司亦都开始睇投票，且上年江美仪凭《下流上车族》首度封视后，美仪亦不是亲生女，所以可以睇出，你哋慨选票，真系好紧要。所以好多谢投票给我哋慨人同朋友。 」
林子善表示后日就要过马来西亚做骚，所以要等返香港才能庆祝，要多谢20几年内不断支持他的人，亦都多谢传媒的支持，看着他从小到大。见到马贯东获得「飞跃」亦都为渠而开心。 爱

#2023tvb颁奖礼# 高海宁夺最佳女配角：努力咗15年终于攞到（足本访问）
无线电视年度压轴盛事《万千星辉颁奖典礼2023》于1月14日（周日）晚假澳门上葡京综合度假村隆重举行。赛前竞争相当剧激烈的“最佳女配角”，高海宁凭《新闻女王》精湛演技夺得，实至名归。高Ling表示其实在上台前并不紧张，“但阿佘望住我话『我好紧张啊』，跟住我都开始有小小紧张”，当公布她的名字的时候，很多画面都涌上脑海，上台亦都是临时发挥“谂到咩就讲咩”。
高Ling讲到婆婆就眼湿湿，透露入行的时候婆婆一直喺香港陪伴，直到（婆婆）现在年纪大咗之后，就一直在南京，高Ling曾和婆婆讲好希望可以攞到奖喺台上多谢渠：“我努力咗15年，依家先攞到个奖，我知道渠（婆婆）一定系为我开心慨，上年公公同爷爷都过咗身，虽然渠哋见唔到，但系我都直到渠哋会为我开心骄傲。”
高Ling认为遇到许诗晴呢个角色相当幸运，并希望之后亦都可以遇到好慨剧本与角色，且公司一直都俾咗好多唔同慨角色给予自己，认为自己一直都不是“花瓶”：“今次最开心系大众都帮助我一齐灭甩呢个标签，认可我慨演技，所以我觉得努力系值得慨。我亦都感谢我咁多个角色，因为渠哋至成就现在的高海宁。”出道15年提名6年终于获得奖，高Ling认为只要俾心机做好每一个角色，终究会俾人见到，且一个演员可以遇到令自己发光的角色亦都非常难得，所以嚟紧都希望可以有适合自己的角色！
当时在拍摄《新闻女王》时，她亦都做了很多准备功夫，包括了解如何成为主播：“其实练好如何做主播系最基本慨，因为我哋最重要慨戏都系喺主播以外。所以我都希望自己可以熟悉主播个part，唔好影响其他做戏。”
视佘诗曼为目标，高Ling表示：“系唔同慨访问我都有讲，渠系一个好好慨榜样同前辈，渠除咗系一个好专业慨演员之外，其实渠待人处事都系好值得我哋去学习慨对象，佢好似一个凝聚力lead住大家，lead住所有演员为左同一件事去冲刺，呢一件嘢系关乎到渠慨人格魅力。”高Ling透露自己已经向导演报名拍《新闻女王》的续集。

#2023tvb颁奖礼# 佘诗曼夺大满贯视后心情难以平复 见《新闻女王》狂扫8奖超开心
《万千星辉颁奖典礼2023》圆满结束，所有奖项都名花有主，佘诗曼凭《新闻女王》夺最佳女主角成三料视后，在接受采访时，阿佘表示依家都无法平复心情：「我好多谢大家俾咗咁好慨回忆给我。」成功夺得三料视后，阿佘相当感谢大家的支持：「真心多谢编剧、监制，打造咗咁好慨剧本，我哋至可以拍到咁好慨戏出嚟。」她直言一个演员可以遇到好慨剧本同角色，绝非是容易的事情：「希望可以把握到机会，将自己最好慨一面展示给大家。」
《新闻女王》狂扫8奖，阿佘亦都非常开心：「其实我哋拍得好开心，就算拍完过咗几个月都会成日出嚟聚，大家感情都好好，由高Ling攞奖开始我都忍唔住喊，可能我太耐冇参加过颁奖礼，所有都系熟人慨感觉好唔同。」颁奖嘉宾系林峰，阿佘亦感到相当惊喜，并直言估唔到佢咁「口密」，亦都冇谂过会系渠手上攞到奖。
关于如何庆祝，阿佘透露最近都太忙，还没有时间庆祝，但系今晚一定会训得好好！阿佘表示今晚绝对系一个难忘的晚上，自己亦都未试过攞咁多奖，妈咪亦都有FaceTime送上祝福。

03:49

00:0400:0800:2500:0800:0800:0700:41

02:2002:2708:4501:1702:0002:5601:26

02:2904:5003:3400:5000:2500:1800:1500:3700:58

《萬千星輝頒獎典禮2023》視帝由陳豪奪得，而五強之一的馬國明今年則失落香港視帝，只奪下大馬視帝及「最佳衣著男藝人」獎項。馬國明今年初《隱形戰隊》開槍拍動作戲、年中《法言人》飾演師爺、年尾《新聞女王》做奸角，是TVB現役力捧的實力派一線演員。
馬國明1999年入行，在TVB打滾逾20年，跑龍套出身，演過大大小小角色，更於《律政新人王》演過變態偷窺狂，捱到上位絕不容易。但正正因為這個不起眼又不討喜的角色，成功令馬國明受到監製梁家樹賞識，成為演員生涯一個轉捩點，自此開始上位獲安排要角；同年在2003年劇集《非常外父》中開始多戲份，再參演大製作劇《衝上雲霄》成功入屋，足足做了4年「茄哩啡」才獲得機會。 其後馬國明陸續憑參演《On Call 36小時》、《鐵馬尋橋》、《降魔的》等電視劇登上一線小生位置，深受觀眾喜愛。
馬國明是「醫生專業戶」。（On Call 36小時）
馬國明多度與視帝寶座擦身而過，2012年黎耀祥憑《大太監》第三度奪得視帝時，馬國明呆立當場露出的「O咀樣」引起網絡熱話，因而獲得「天然呆」稱號。後馬國明終憑《白色強人》在《萬千星輝頒獎典禮2019》登上視帝寶座。近年馬國明均是視帝大熱人選，今年更終於「封盤」娶湯洛雯，榮升人夫，可惜今年失落香港視帝，未能雙喜臨門。 收起d

《萬千星輝頒獎典禮2023》今年TVB大玩「集體回憶」，搵來《十月初五的月光》經典CP「初哥哥」張智霖（Chilam）和「祝君好」佘詩曼，於24年後在台上重聚，不過負責頒發壓軸「最佳劇集」大獎的張智霖，竟惹來網民劣評！
在佘詩曼獲頒視后大獎後，主持交給她一隻哨子，讓她呼喚「最佳劇集」的頒獎嘉賓出場，隨即便出現2000年經典劇集《十月初五的月光》中「初哥哥」和「祝君好」重逢的畫面，令網民都大嗌感動！
有不少網民都大讚張智霖、佘詩曼重聚令大家「回憶返晒嚟」，不過有網民就指出「初哥哥」張智霖留了一臉銀鬚Look，令他個樣變得好老，尤其拍埋凍齡「君好」佘詩曼身邊，更顯得他十分滄桑，老態盡現，難保「不老男神」地位。
此外張智霖上台頒發壓軸「最佳劇集」大獎時，先後介紹出最後5強劇集，包括《隱形戰隊》、《香港人在北京》、《新聞女王》、《靈戲逼人》和《破毒強人》，但網民就狠批張智霖好似「讀稿機器」：「份台詞寫得好但讀到冇感情，背都懶！」