刚睇完第一集粤配版，睇过日版果然先入为主了。
小Ju把声唔够冷，而且有D抖音，应该系未入戏。
谦仔就冷静过左头，把声大个左小小，戏味都差咗D。
碌玲的艾尔敏好温柔呀~~
不过配两个妈妈嘅真系好好，特别系艾伦妈妈，感觉完全出晒来
点知一到主角把声，我又出戏了。。。
不过后面应该有好大嘅进步空间，期待佢地之后嘅表现了。
至于兵长。。。我私心想听听德仔嘅兵长 ╮(╯▽╰)╭

第二集tvb配巨人进步咗 希望跟住落嚟会更加好

一直忍着没看，就是等着粤语~

刚睇完第2集， 艾伦energy强咗，有进步，不过有一个大问题，就系一连串对白中，仲未做到循序渐进嘅感觉，明显例子系艾伦米卡莎爱尔敏喺城堡上閙交时，艾伦闹爱尔敏嘅一堆对白中，最后2句enengy反而比之前低，明显系NG再接配，但系冇留意语气衔接唔到，咁样反映出导配或配音员嘅不足之处，期望更有进步
另外，如果曹启谦想配好呢个角色，一定要将自己情感嘅发挥再推高多1倍，而家极端位唔够极端，阴沉位未够阴沉，大家可以想像疯狂闹人喷哂口水嗰种情况，佢暂时未到位，而且心声未够肉紧，可以比喻成一条橡筋，张力不足，拉到中途，再拉唔到更长，已经到咗临界点，佢就系呢种情况，所以会有出戏嘅感觉
至於米卡莎，建议对白尽量删减语气字尾，可以唔讲就唔讲，例如　"呀" "架" 等等，角色会冷酷3倍
呢集比较失色嘅系，片头传导人及片尾军中导师，各有一连串对白
传导人我会用配得差嚟形容，如果只听声唔睇画面，想像唔倒佢喺个咩立场同环境之下讲，再睇埋画面，发现佢同公仔情绪唔夹，更莫讲话见到巨人，被食前嗰种恐慌感觉，语气由头到尾一个TONE，冇起伏，冇临场感觉
片尾军中导师，林保全，可能年纪大咗，真系唔够气，对住一大班学生企满喺荒地，距离感不足，见到公仔嘅情况下，更觉得语气唔够凶狠，导配拣一个巨肺配音员嚟配会比较好 lol
总结嚟讲，全集有唔少嘶喊大叫场面，死人冧楼，配音员要配好嗰种临场感，绝对唔可以吝啬喉底嘅沙声以及极端情绪嘅发挥，虽然系辛苦，不过唔用力嗌出嚟，真系会好出戏，亦会浪费咗呢部动画

睇咗微博，吴小姐讲咗句：进击的巨人，有预感佢会配阿尼？

有无人睇第3集巨人

104期稳前辈?啱啱听到嘅系4 5期喎 仲有唔系译让 系译庄

让系李凯杰？？

感觉小ju开始食个角色了 好冷好cool

贝特系德仔 莱纳系啊智 ;-) 兵长会5会系细ken呢？

之前唔系有人话坏蛋三人组为前辈咩，如果系就系嘎啦

【104期】庄·基尔斯坦——李凯杰；马可波特——周良鸿；哥尼·史普林格——张方正；莎夏·布劳斯——何宝珊；莱纳——陈卓智；贝尔托特——梁伟德；女神——凌晞？

第三集，冇咩惊喜，除咗陈卓智配莱纳·布朗比较意料之内之外
所有新梗角同被选中嘅配音员嘅match度感觉都系一般般
李凯杰配阿让气质太温雅，何宝珊配番薯女太娇俏，灵犀配女神又唔够女神味（冇咩仙气）
梁伟德配胡佛简直就系嘥料
尤弥尔系唔系吴羡婷？光头仔系唔系张方正？呢两个我认唔出，不过觉得可以，声同人比较亲
马可·博特系唔系周良鸿？我好似听到周良鸿把声，但唔知系边个角色……
曹启谦配艾伦真系太斯文，艾伦气质边有咁沉稳……佢一正常讲野，唔睇画面嘅话根本唔觉得系艾伦系度讲野……
张颂欣比上一集又好咗，加油~林保全今日嗌得似模似样，但应该好辛苦，希望佢冇咩事……

下一集，兵长会出现，唔知系唔系大家冧嘅目标呢？
由于阿so配了团长，所以排除
目前可能嘅人选：
陈庭轩，刘昭文，陈欣，黄启昌，猫王
四期爆冷机会应该唔大