【原创】 20100806六福探班实录

视频2,风话呢个系X3的采访时间.睇完视频嘅人,都话觉得我似一个记者...但喺,我确实系到现场,果时果刻我先谂到呢啲问题,通俗啲讲,即系「爆肚」…重新再睇,我都唔知自己up紧咩噶…语法错乱,有时又少咗主语宾语…可以做得更好噶!!(好吧,我会考虑下转专业读新闻系的XD)
我: 黎生睇完MV之后有咩感觉?
祥: 好啊我觉得.同埋大家真系用咗好所时间去做咯我觉得,因为……
风: (忍笑)唔系,本来系生日礼物嚟噶
湖: 本来系生日礼物,向后推迟咗三个月
风: 向后推迟咗
祥: 系咯,搞到咁迟,喈系我知道一定好艰难!同埋因为我自己做呢行,我知道剪片好难,剪片同埋抽shot呢系好难噶.
我: 咦,但系睇你POST喺blog果张相好似有啲眼红红咁喔,唔知系米真噶呢?
祥: 呃…其实好感动噶真系
湖:   其实大家想问你有无喊噶!
祥: 呃…无喊出嚟个,但我真系好感动咯.其实眼湿湿噶,尤其是我觉得你哋个歌词同埋个片段呢好夹到噶其实,譬如话好多回头嘅shot同埋一啲,以前做一啲真系好低微嘅角色果啲shot啊,果啲镜头其实真系令我谂翻好多嘢,同埋真系…
大只B: (我督!!)(我办无事~~)
祥: (回头,「认真」)你想点喈? (笑)
我: #$&*@# (其实我都唔知自己up咗乜......)
祥: 系呀
我: 咁你有无同你太太一起睇呢个MV呀?
祥: 有有有.我太太睇到喊啊其实.因为,因为我谂自己会清楚咯.喈系成个过程,嗯……一来好难呢,你知抽翻咁多镜头我知道好多仲系喺<东张西望>啊,其它片段甚至乎系……
风: 但系我哋全部都有噶.
我: 我哋全部都有齐噶,唔使惊
祥: 系呀..好犀利呀,所以我觉得真系好齐咯.同埋睇翻,自己睇翻好多之前自己做过嘅嘢啊.我都话,如果计2秒一个shot嘅话,果度起码有三百几个shot,咁喈系有一百几个角色,我谂,果度大约都有百几个角色,谂翻,原来我都大半世人做咗咁多嘢.喈系,好感动.