畫出彩虹 程可為(壹人訪x林蕾)
與TVB 50年賓主之情 難逃一騷制
“當時對住佢哋唔敢喊，費事以為我失控
但行到落停車場就喊，好似突然俾人遺棄咁”
—————————————————————
程可為屬兔，今年72歲。她保養得宜，五呎七寸身高穿上高跟鞋後更顯高䠷，一身套裝端莊優雅，呃你十年話60出頭都肯定有人信。
她英文名Rainbow， 因為覺得彩虹美麗，而且色彩繽紛多變，像她。
1972年第一屆藝員訓練班畢業入行，事業如日方中之際，卻跑去移民。成功轉型做了地產經紀，又跑回來拍戲。以前是「御用阿媽」，近年是「御用嫲嫲」。
她的樣貌從來不是驚為天人，但歷練使她很耐看，穿古裝似皇后，著時裝似慈母，永遠散發著親和力。
香港人，肯定在人生某些歲月𥚃看過程可為；有境的，甚至幫襯過她買樓；她一早畫出彩虹。
近年被無綫由全薪合約轉為一騷制，你以為她會吵吵鬧鬧意難平嗎？Sorry，那不是她性格。
「假如我仲係20歲就話睇唔開啫，都經歷咗咁多，點會諗唔通？」
她有智慧，更有記性，背對白難不倒她，最近便在拍港台劇集《我們的畢業禮》。天大地大，從來不止一家電視台。
【唔開心咗三日】
在談近況之際，程可為想起了一段有趣往事。《宮心計》第一天開工，就拍她被趕出宮那場外景，那日她一身平民素服，化了個慘樣，碰巧天色灰暗，刮着大風又下着細雨，彷彿連個天都替她淒涼。
「當時只知道故事大綱，到底點解被人趕出宮都仲未太清楚。為咗入戲，我就諗咗個假設，幻想TVB趕我走，即刻乜情緒都出晒嚟，眼淚係咁流，俾人趕走好大件事㗎⋯⋯」
時為2009年，一個大家仍會追看TVB的年代。只是萬萬沒料到，當年用來入戲的好橋，竟埋下了一個預言。兩年前，她不獲包薪續約，五十年賓主之情以為濃得化不開，原來不過淡如水。
「好難過，真係諗都冇諗過，做乜冇得簽全薪合約呢？連part-time都唔係，一騷制即是做先有糧出，唔做就冇糧出。當時對住佢哋梗係唔敢喊啦，費事以為我失控；但我一路行落停車場，就一路喊，好似突然之間俾人遺棄咁。」
她情緒低落了一陣子，正確點說，三日咁多。
「唔開心咗三日咋，你想幾耐？唔通幾年呀？」她大笑，「而家幾好，可以接出面其他工作，自由度大好多，又冇咁辛苦，我都唔敢太忙，有番咁上下年紀，身體承受唔到損失仲重多。其實將心比己，呢幾年經濟唔好，一間上市公司要節源，好難怪佢。佢唔係遺棄你，只不過轉個方式同你相處，諗通咗就冇嘢啦。」
與TVB 50年賓主之情 難逃一騷制
“當時對住佢哋唔敢喊，費事以為我失控
但行到落停車場就喊，好似突然俾人遺棄咁”
—————————————————————
程可為屬兔，今年72歲。她保養得宜，五呎七寸身高穿上高跟鞋後更顯高䠷，一身套裝端莊優雅，呃你十年話60出頭都肯定有人信。
她英文名Rainbow， 因為覺得彩虹美麗，而且色彩繽紛多變，像她。
1972年第一屆藝員訓練班畢業入行，事業如日方中之際，卻跑去移民。成功轉型做了地產經紀，又跑回來拍戲。以前是「御用阿媽」，近年是「御用嫲嫲」。
她的樣貌從來不是驚為天人，但歷練使她很耐看，穿古裝似皇后，著時裝似慈母，永遠散發著親和力。
香港人，肯定在人生某些歲月𥚃看過程可為；有境的，甚至幫襯過她買樓；她一早畫出彩虹。
近年被無綫由全薪合約轉為一騷制，你以為她會吵吵鬧鬧意難平嗎？Sorry，那不是她性格。
「假如我仲係20歲就話睇唔開啫，都經歷咗咁多，點會諗唔通？」
她有智慧，更有記性，背對白難不倒她，最近便在拍港台劇集《我們的畢業禮》。天大地大，從來不止一家電視台。
【唔開心咗三日】
在談近況之際，程可為想起了一段有趣往事。《宮心計》第一天開工，就拍她被趕出宮那場外景，那日她一身平民素服，化了個慘樣，碰巧天色灰暗，刮着大風又下着細雨，彷彿連個天都替她淒涼。
「當時只知道故事大綱，到底點解被人趕出宮都仲未太清楚。為咗入戲，我就諗咗個假設，幻想TVB趕我走，即刻乜情緒都出晒嚟，眼淚係咁流，俾人趕走好大件事㗎⋯⋯」
時為2009年，一個大家仍會追看TVB的年代。只是萬萬沒料到，當年用來入戲的好橋，竟埋下了一個預言。兩年前，她不獲包薪續約，五十年賓主之情以為濃得化不開，原來不過淡如水。
「好難過，真係諗都冇諗過，做乜冇得簽全薪合約呢？連part-time都唔係，一騷制即是做先有糧出，唔做就冇糧出。當時對住佢哋梗係唔敢喊啦，費事以為我失控；但我一路行落停車場，就一路喊，好似突然之間俾人遺棄咁。」
她情緒低落了一陣子，正確點說，三日咁多。
「唔開心咗三日咋，你想幾耐？唔通幾年呀？」她大笑，「而家幾好，可以接出面其他工作，自由度大好多，又冇咁辛苦，我都唔敢太忙，有番咁上下年紀，身體承受唔到損失仲重多。其實將心比己，呢幾年經濟唔好，一間上市公司要節源，好難怪佢。佢唔係遺棄你，只不過轉個方式同你相處，諗通咗就冇嘢啦。」
