【分享】梁祝舞台剧(对白)

场一   旷野孤坟
旁   白：梁山伯祝英台生於某时某地   结缘於清明   钟情於端午   相爱於中秋   送别於重阳   殉爱於立冬
（笛声）
老   者：（引吭）嗯……嗯……啊哎……啊唷
（音乐起）
歌   声：黄鹂叫   柳梢头   纸蝶飞   漫天愁
仕   九：哎吔，好香啊
歌   声：清明柳   山尽头   长念亲恩天上人间两悠悠
     　　三杯好酒   清香幽幽   梦裏乐韵遥遥西天奏
     　　驾鹤追仙舟   初春雨迷蒙怕凝眸
歌   声：黄鹂叫   柳梢头   纸蝶飞   漫天愁   千丝万缕愁
     　　清明柳   清明时候
     　　山尽头   春惹人愁
     　　长念亲恩天上人间两悠悠
     　　三杯好酒   三杯酒
     　　清香幽幽   清香幽
     　　梦裏乐韵遥遥西天奏   驾鹤追仙舟
     　　初春雨迷蒙怕凝眸   初春雨雾锁隔岸舟
山   伯：黄鹂叫   几多愁   想娘亲   在山头
     　　三杯水酒   跪到坟头   可知孩儿心伤透
     　　母亲不必忧   他朝在黄泉再聚头
仕   九：啋！闸住！吐口水讲过呀。少爷你呢长命百岁”口架”！
山   伯：咦，仕九？！
仕   九：奶奶呢匀有口福啦，少爷你睇下！
山   伯：喺边到得返嚟”口架”！？
仕   九：嗰便罗！有户大户人家嚟扫墓呀，几巴闭呀！仲热闹过人地娶老婆呀，嘻，走晒啦！放心，仲热”口架”！
山   伯：唔要呀，拎返去！系！我地系穷系寒酸，但系娘亲宁愿要三杯水酒都唔要偷来之食”口架”——
仕   九：偷咩“口者”！摆之嘛！唔食益晒啲山狗啦！
山   伯：你过嚟，跪低！娘亲！你睇下，睇下你个仕九，佢就系咁日日激我，再对住佢我就嚟癫啦！佢呀，佢冇羞耻之心呀佢！
仕   九：奶奶！阿少爷话要去读书唔要我赶我走呀！你嚟评吓道理喇，少爷佢几绝情吖！佢呀，冇恻隐之心”呀”！哼！
山   伯：娘亲！读书系我一生志愿，娘亲你知”口架”！今次嚟系话俾你知我会去白鹿书院随名师学习，你保佑我一路平安上路喇，娘亲！
山   伯：仕九，除左学费，我剩番咁多你攞去啦
仕   九：少爷
山   伯：嫁得出你就好即刻嫁啦！当然机会就好微。
仕   九：话左唔嫁罗
山   伯：嫁唔山留返嚟养老啦！咁啲钱就留住佢养老啦！
仕   九：少爷，你真系唔要我呀？
山   伯：我同你讲过好多次啦，冇女仔做书僮”口架”！
仕   九：得”口架”， 得”口架”
山   伯：况且跟住我栈耽误你。嚟，你揸住。
仕   九：少爷呀！
山   伯：放手！
仕   九：少爷呀少爷呀
山   伯：哎，我问你只鸡喺边度偷番嚟嘅！讲！
仕   九：嗰便呀！最大嗰个坟就系喇！
仕   九：少爷！少爷呀！耶！
仕   九：奶奶！放心啦！你生前待我咁好，我要报答你”口架”！我应承过你一生一世都会照顾少爷嘅，我一定做得到嘅！冇女人做书僮？有偈咪搞掂罗！鸡你食唔到！包都食住个先啦！吓！


回复：2楼
辛苦啊，真的好辛苦啊，

=W=小湘決定先放棄表舞台劇版本整理好子……
因為真的很花時間……
可是又想快一點把書上的內容打好
就先放上書的版本了……
有機會再把整理好的重放上來吧……
目前進度是幕一的十一場也打好了
而整理好的只是場一和場二前半……
大家就將就點看吧（鞠躬～

場二   祝家偏廳
英   台：是同年同月生   兩家共嬉戲   可惜不是同年同月死
哥哥一去後   雙親對愁眉   人漸瘦   不再有生氣
念兄長   如知己   哥哥教我詩經書畫與琴棋
今已是   留下我   悶聽春雨催歸杜鵑怨別離
英   台：喂！
仁心／蘭心：小姐！
英   台：你兩個係咪有野瞞住我？！吓！
蘭   心：冇呀！冇呀！
英   台：你哋呃唔到我嘅！攞住啲乜嘢？！
蘭   心：攞住？冇嘢攞呀，攞住把扇囉，好熱呀！
英   台：仁心！
仁   心：……！吓？！
英   台：俾我睇！
仁   心：唔睇得”口架”！我係你就唔睇好過睇啦！
英   台：係咩，我偏要睇！
仁   心：唔好唔好！
英   台：俾我睇呀！
仁   心：唔睇得嫁！
英   台：嗱，數三聲吖吓，一、二、三！
仁   心：點呀！
仁   心：嗱！我都話你唔應該睇”口架”啦！
英   台：白鹿書院寄嚟嘅入學書函呀，話肯收哥哥做學生呀，可惜……
蘭   心：小姐呀！你唔好咁啦！
英   台：阿爹知道咗未”口架”？
仁   心：老爺同奶奶拆開封信睇過啦！佢地話唔千其唔好俾你見倒喎，佢地叫我哋拎嚟靈前拜再燒咗佢……當係了咗少爺嘅心願喎。
蘭   心：點知我哋一入倒嚟就見倒小姐你咁樣……
英   台：點解唔俾咗封信我先呀，你兩個吖！唉呀真係吖！點解唔俾封信我先噃！
仁   心：老爺吩咐”口架”嘛！
祝   父：俾你睇先又點吖！
仁心／蘭心：老爺奶奶！
祝   父：我唔想你見倒又傷心咋！仁心！攞封信去燒咗俾少爺啦。
英   台：咪住，咪住！阿爹！呢個係哥哥生前唯一嘅心願嚟”口架”，佢好恨去讀書”口架”，佢知到一定開心到不得了”口架＂姐！
祝   母：但係……而家……
英   台：一定有辦法！我諗緊。諗辦法呀！仲企”鄉樹”做咩姐！
祝   母：吖！招魂吖！叫英才隻鬼返嚟讀書吖？！
英   台：好呀好呀好呀！
祝   父：簡直就一派胡言！
英   台：阿爹，我同哥哥係孖生兄妹，生死同心，我諗緊乜嘢佢都會知嘅！我要替哥哥去白鹿書院！
祝   父：荒謬！女仔人家點可以拋頭露面！你兩個吖簡直「不佑所謂」呀！
祝   父：我可以接受喪子之痛！點解你兩個仲喺度發夢？唔該你兩個醒吓啦！
祝   父：仲有呀！英台！馬家嗰頭親事唔可以再推”口架”啦！人地肯延期吖都係因為你要守衰咋，遲吓你就要做人妻子”口架”啦……
英   台：都等我讀完書番嚟先再講啦！遲啲再算啦！
（上面為舞台劇版）
仁   心：話唔定到時個馬公子一樣咁短命……
祝   父：收聲！幾時到你插嘴呀！
蘭   心：啱！老爺，我掌阿仁心個嘴，多嘴，多嘴，多嘴好嘅唔靈醜嘅靈！
祝   父：一日都係你！
祝   母：我知輪到我喇，鬧啦！
祝   父：你點教仔女”口架”！
祝   母：係啦，一個短命，一個攞命！
祝   父：娶   你呀就真係要認命咯！總之你呀你呀！你聽住，一守完孝我就即刻送你過馬家！冇情講！
英   台；娘！
祝   母：娘娘娘，娘乜吖！又累我俾人鬧啦！好好哋做個大家閨秀唔得嘅？練琴啦！
英   台：唔……


祝   母：唔練琴就繍花！去做啲女仔應該做嘅嘢啦！
祝   母：去繍花呀！繡咗成年都繡唔倒半個枕頭！
英   台：
仁   心：
蘭   心：
祝   母：仔呀，食飯啦！仔呀仔，你個妹曳唔聽教，你最乖最聽話，阿媽彈琴你聽！你慢慢欣賞啦吓！
祝   母：龍飛鳳舞流水行雲我啛！
祝   母：唔淮呀！繡花啦去！
英   台：娘……親
祝   母：英英英
仁心／蘭心：叫啦，大聲哎啦，哎啦！
祝   母：哎呀呀
蘭   心：鬼呀！鬼呀老爺，老爺，有鬼呀！
仁   心：少爺鬼魂出現呀
祝   父：乜事，乜事咁嘈？！
祝   父：你……阿仔！？英才？！
英   台：爹爹，娘親！
祝   父：你返嚟做乜呀你！
英   台：爹爹
英   台：清明時節雨瀟瀟   忽聞細妹把魂招
儘快越過奈何橋   又怕撞破雞報曉
新鬼歸家最驚人氣站遠是為妙
祝   父：乖仔！做乜要返嗖嚇我哋吖？！
英   台：我喺下面好慘呀！
祝   父：點解呀仔？我哋燒咗好多嘢俾過你你收唔倒咩！？
英   台：我讀書少，俾鬼「蝦」！
祝父／母：吓？咁都有嘅？！
英   台：只恨在世看得書少   九泉閻君也興大細超
若有學識得關照   話我內裡不夠料
要拉要鎖要將泥嗌罰我食肥料
我做鬼也心焦
祝   母：陰功咯仔，我哋再燒多啲書俾你讀。
英   台：我今次番嚟，係求你哋，俾阿妹替我去白鹿書院讀書，爹娘，你哋應承我啦！
祝   母：好！乖仔，點話點好啦仔！你歸位啦仔！放心啦仔，安息啦仔
英   台：咁我返入去啦，唔係，返落去啦
祝   母：
祝   母：哎呀！
祝   父：你三個扮鬼扮馬嚇我哋？你兩隻死嘢嚇得我，我打死你哋，打死你兩隻嘢。
仁心／蘭心：哎呀，老爺饒命呀，哎呀老爺。
英   台：爹，聽我講！哎呀
仁   心：老爺夫人，有我保護小姐，唔會出問題”口架”！
英   台：爹娘，你哋成全我同大哥嘅心願啦！求吓你哋吖！
蘭心／仁心：老爺夫人！俾小姐去讀書啦！
祝   父：英台，怪衹怪我哋自小寵壞你，但係，為女子者最重貞**要你發誓原璧去原璧返，唔可以敗壞＜衣暶阕龅玫絾幔<BR>英   台：多謝爹爹！
蘭   心：好嘢！小姐！好嘢！絶！


（出了亂碼的結尾＝　＝）
祝   父：英台，怪衹怪我哋自小寵壞你，但係，為女子者最重貞**要你發誓原璧去原璧返，唔可以敗壞＜衣暶阕龅玫絾幔<BR>英   台：多謝爹爹！
蘭   心：好嘢！小姐！好嘢！絶！

山   伯：仕九！
仁   心：哎唷！「是狗」喎！「是狗」呢個名好聽呀，「是」者係也係狗呀，原來係隻狗！絶！
山   伯：對唔住，係我地唔啱，就由我對呢位小兄弟道個歉啦！
英   台：兄台太客氣啦！
仁   心：都係你家主人通情逹理……
英   台：仁心！唔准再出聲，嗱一人坐一邊，坐遠啲！行啦！行呀！過啲！
仕   九：懶己閉，識睇字喇，識讀書喇，咁話！
仁   心：我諗你剩係識磨墨嘅咋！
仕   九：唓！咁睇少我？詩我都識作呀！好，我就作詩你睇！
山   伯：仕九，唔好呀，嗱嗱唔好……
仕   九：聽住啦死「靚」仔！十里亭前有蝶飛，飛來飛去過東籬，有本事你作埋佢吖！
英   台：仁心。
仁   心：放心，我平時執埋你同大少嘅詩都有十籮！十里亭前有蝶飛，飛來飛去過東籬，少年不識愁滋味，花間拍蝶捉塘蝞……絶！
山   伯：好嘢噃！小兄弟！
仁   心：少爺過獎。
仕   九：好好咩？！超！
山   伯：好！好過你好多，幾工整添，不過，用錯咗個字，係花間「撲」蝶，唔係「拍」蝶！
仁   心：冇錯呀？係拍蝶呀！冇用錯呀少爺！
英   台：拍蝶呀！係呀！兄台你睇吓！
英   台：啱啱「拍」死”口架”咋隻蝴蝶，靚唔靚呀？
山   伯：你地唔係撲蝶？係將啲蝴蝶……「拍」死？
英   台：做標本吖嘛！呀！等陣……仲有好多！
仁   心：少爺我去攞水。
仕   九：呢邊有溪水呀！
仁   心：嗱，不打不相識，講和喇。
仕   九：又好，跟我嚟啦！當歸。
英   台：呢啲係我哥哥同我多年來搜集嘅標本，好珍貴嘅品種都有，睇吓，靚嗎？吓？
山   伯：殘忍！
英   台：……？
山   伯：簡直殘忍！一隻隻美麗自由嘅蝴蝶唔應該係咁收埸，小兄弟你太過份……
英   台：我哥哥……
山   伯：你哥哥都係！我希望你第日有報應，死咗變蝴蝶，俾人亂咁「拍」！仲要俾書「壓」扁！
英   台：報報應？
山   伯：當然啦！佛家都話有輪迴報應啦！屠豬屠狗嘅死咗投胎做狗做豬，種下善根嘅投胎做有福之人，你……
山   伯：一定，一定投胎做蝴蝶！
英   台：哥哥！係咪你呀！吓！係咪真係「報」咗「應」呀？
山   伯：你哥哥死咗？
英   台：我好懷念我哥哥，佢係我呢一生最好嘅朋友……
山   伯：你哥哥幾時死”口架”？
英   台：都有一年啦！
山   伯：哦，放心，咁冇咁快變蝴蝶，我睇而家仲係毛蟲，嗱，你以後見倒咁靚咁開心嘅蝴蝶，唔再「拍」蝶，咪得囉！
英   台：細看陌路人   眸如綠水鬢如雲
     笑非笑望人   令人心震撼   如春臨
山   伯：賢弟你叫乜名呀！
英   台：我叫祝英台。
山   伯：我叫梁山伯，我哋一齊上路，去白鹿書院吖！好嗎？
英   台：信否緣和份   莫非有前塵
     緣自那天方不必細問   無語都動人
山   伯：我幫你手，收番啲書佢。
英   台：好
山   伯；留住佢啦！紀念你亡兄吖嘛！時候唔早喇，要起程啦。
英   台：我叫佢哋返嚟
英   台：仁心！仁心，走啦！
山   伯：看此眼前人   明眸皓齒笑望人
     似暖風吹散霧雲   像明月降影慰問
     如春臨   莫非有前因


場六   孔子像
李子甲：喂未秋雲，唔去拜聖人呀？
林   乙：一齊吖？
秋   雲：你哋行先啦，我突然間詩興大發，我要作詩。
秋   雲：鐘鼓和鳴兮晨霧散，發思支情兮拜孔子……
仕   九：佢又作詩，不過剩係識作頭兩句”口架”咋……
仁   心：係？
秋   雲：鐘鼓和鳴兮晨霧散，發思古情兮拜孔子……
仕   九：宋公子，駛唔駛我幫手？
秋   雲：又係你，你走，走呀我唔駛你……
仕   九：好易啫乜兮物兮呀嘛！嗱……
秋   雲：唔聽呀唔聽呀！哎呀
仕   九：「啷」口洗面兮人乾淨，「裝」三柱香兮再食飽，聽埋喂……喂。
仕   九：做乜咁驚噃？
仁   心：你啲詩又係嚇死人嘅，想唔想好似我咁，出口成文吖，我教你啦！
仕   九：係咪先！我制呀！係咪真嘅啫？！
仁   心：拜師父啦！
劉   風：梁同學早！祝同學早！
搖   金：梁同學，你好嘢，成日挑戰老師，批評聖人嘅言論，搞到老師唔答……
山   伯：我冇心”口架”，我……
劉   風：你刁鑽呀！哈哈哈，我哋個個同學已經同你封咗個綽號啦，叫做
搖金／劉風：「問題書生」哈哈哈……問題書生呀……
山   伯：我真係咁討厭？
英   台：邊有人話你討厭噃，佢哋同你開玩笑之嘛，柳同學最鍾意玩”口架”啦！
山   伯：算！鍾唔媑意我都好，我唔稀罕，佢哋讀書係為咗中舉，做大官，光宗耀祖，大富大貴，大家理想唔一樣講唔埋，你呢？
英   台：吓？
山   伯：點解要嚟求學？唔通又想做官？
英   台：我？家父一向營商，賺倒錢們係唔開心，覺得冇地位，好想我哥哥努力讀書，從官從政。
山   伯：你哥哥死咗，就將希望寄託喺你身上？
英   台：嗯……係！係卦！咁賢兄你呢？
山   伯：我從來未見過我生父，我一出世佢就拋棄咗我同阿娘，我恨我父親，我哋兩母子相依為命呀，娘未過過好日子就死！我真係不孝！
山   伯：我知我生性孤僻，好難與人相處！
英   台：唔係……
山   伯：聽我講吖，我呢一生已無他求，祇係諗，人世既然有我，一定有一個好似我咁嘅人都生喺世上，我就係等呢個人出現。
     人一生每多變幻一切在改變
     求卓見肶胸襟廣闊好學未言倦
     冰心似利劍   萬惡由我斷
     尋知己孤身走遠路   不怕路多遠
     心相連   心未變
     天荒海沉地老都不變
     永說真言   守我志願
     哪怕身經風雨萬萬千遍
山   伯：賢弟，我哋一見如故，我心底話已經講咗出嚟，你唔會嘲笑鄙視愚兄吖嘛！
英   台：點會？點解你咁諗噃……我好感動！
山   伯：咁就好喇，嚟，拜桯人啦……
山   伯：心可相連
英   台：心已相連
山   伯：他在身邊   天荒海沉地老都不怨
英   台：我在身邊   天荒海沉未變遷
山   伯：永說真言
英   台：有百千言   怎說我願
山   伯：守我志願   哪怕身經風雨萬萬千遍
英   台：細訴心曲千萬遍


埸七   蒙太奇（離騷）   書堂
老   師：帝高陽之曲裔兮，朕皇考曰伯庸，攝提貞于孟”阝敢”兮，惟庚寅吾以降。
劉   風：昔紛吾既有此內美兮，又重之以修，扈江離與辟芷兮，紉秋蘭以為佩。
秋   雲：惟草木之零落兮，恐美人之遲暮，不撫壯而棄穢兮，何不改乎此度。
李子甲／林乙：乘騏驥以馳騁兮，來吾道夫先路。
眾書生：亂曰：已矣哉！
     國無人莫我知兮，又何懷乎故都
     既莫足與為美政兮，吾將從彭咸之所居
老   師：屈原呢首「離騷」由清明教你哋到而家端午節，終於教完喇。
你哋可以欣賞倒呢篇咁嘔心瀝血嘅作品辛苦吓都值得嘅！
劉   風：老師，既然又咁應節，不如俾我哋落山去墟市趁熱鬧睇吓龍舟競渡吖！
搖   金：老師呀！呢個主意以考慮呀，一方面可以喺岸邊憑弔屈大夫，了解佢憂國憂民嘅心情，又可以考察吓端陽習俗吖！
眾學生：好主意呀老師！俾我地去趁墟啦老師！
（眾七嘴八舌）
老   師：你哋貪玩就貪玩啦！憑弔屈大夫！咁就要睇吓你哋對「離騷」呢篇賦有幾多認識咯！唔識答就一律都冇得去。
老   師：何有祿！
眾學生：今次死啦！實冇得去啦！慘！冇得去咯！
老   師：你學咗咁多堂「離騷」你理解咗乜嘢呀！
有   祿：「離騷」係屈原最偉大嘅作品，「離騷」兩字係解胸滿積怨楚國嘅官員喺楚懷王面前「屈」呀屈原，「屈」完佢之後仲篤佢背脊，屈原滿肚委屈作完「離騷」冇幾耐就跳汨羅江「玩完」喇。
眾同學：好嘢，好嘢！
有   祿：最感動我就係啲人唔想啲魚食屈原條屍！猛「揼」啲粽落河度，好多好多粽「揼」落河度！
搖   金：夠啦夠啦！唔駛講落去啦！
劉   風：收口啦，坐低啦！
有   祿：不過我好唔明如困想啲魚食粽唔食屈原做乜要包到啲粽咁實仲要用草紮死佢，啲魚點「啄」嚟食呀！老師！
眾同學：唉吔！
有   祿：哎唷……
老   師：你呀！原來你最關心都係啲粽！唉！你叫老師點答你啲咁嘅問題？
搖   金：老師唔駛擔心，我哋會解釋俾佢聽”口架”喇！
老   師：其實我想指出一點……屈原作「離騷」嗰陣，已知道國之將亡，已經有「以身殉國」嘅念頭喇，山伯，我見你喺堂上讀「離騷」感動到眼中盈淚，你又講吓你嘅見解吖？
山   伯：老師，我佩服屈原，佢文采卓絕、華麗、想像力好豐富，我想佩服佢嘅唔單只係佢嘅「憂國之心」，而係佢敢愛敢恨勇氣！
老   師：……？
山   伯：老師話佢「以身殉國」，我認為佢係「以身殉愛」。
老   師：吓，殉愛？
山   伯：屈大夫太愛楚懷王喇！
老   師：啱佢忠君愛國……
山   伯：係感情嘅「愛」，屈原最傷心係楚懷王唔再鍾意佢，仲受人擺佈唔接納佢提議，疏遠佢，所以喺佢嘅文章裏面時時形容自己係香草，係美人，遭拋棄，遭忽視。佢失戀！
老   師：胡說八道，呢啲喺「賦比興」裏面「比喻」嘅作法。
山   伯：呢啲係屈原充滿「怨」「恨」同「痴」嘅剖白。
老   師：亂嗡……我話你至痴……
山   伯：楚懷王誤信讒言，卒之客死異鄕，屈原悲痛之餘仍然希望可以替佢挽救河山，就好似妻子匚繼承丈夫遺志，可惜，楚懷王嘅仔頃襄王將佢罷官放逐，佢生無可戀，行屍走肉幾年，就以身殉愛。
老   師：一派胡言，冇可能，山伯你係讀聖賢書，應該知道男人同男人係唔可能……唔應該……
山   伯：老師你講「應該」講「唔應該」即係都承認呢個事實啦，點解唔可以欣賞屈原嘅率真，勇敢？係要將佢神化，歌功頌德冠以天經大義？
老   師：你……唔好以為老師平時錫你就唔會罰你，你簡直係妖言惑眾，語不驚人死不休呀你吓你……你好邪呀你！
山   伯：老師，山伯邪極都係講緊真話，屈原肯講真心話，因為佢準備咗「死」，山伯講真話因為我相信有心肯聽，歷史喺後面，做人要睇將來，我哋時時擰轉個頭睇歷史，就係為咗有好嘅將來源！
英   台：妙！對呀！
老   師：梁山伯，你……冥頑不靈，我要罰你跪孔子，跪到天光。
英   台：老帥！


埸八   孔子像前
英   台：山伯？！
山   伯：唔好理我，返出去啦！
山   伯：返出去呀！
英   台：嘒！……哎。
師   母：睇吓你！而家係你罰山伯跪天光吖，定係山伯罰你唔瞓到天光呀！
老   師：唉！……唉！
師   母：係咪好心痛呀！同個寶貝學生鬧翻。
老   師：枉我教咗四十年書，熟讀楚辭千百遍都敵唔過，比唔上一個乳臭小子！
師   母：咁你即係都認為山伯講得啱啦！？
老   師：佢講緊「事實」我堅持嘅係「道理」呀！比佢講贏？！社會要變啦，道德標準要重寫啦，我點教學生忠君愛國呀！我點向其他人解釋、交代呀，原來我真係個普通人，仲未偉大到為咗一個尋求真理嘅學生业願受千夫所指萬人辱罵！
老   師：唉！
師   母：山伯。
山   伯：師母。
師   母：起身啦！唔駛跪啦，起身啦！
山   伯：……
師   母：山伯，師母企喺你呢便！我讀「離騷」都曾經諗過呢個問題，你有道理，老師唔啱！
山   伯：我激嬲咗老師，佢唔會原諒我！
師   母：老師明白喇！唔通做老師嘅，要向學生誁聲錯咩？！
山   伯：……
師   母：百眾眼頭，老師唔可以落台倒台”口架”！你諗吓！你都有唔啱。
山   伯：學生知錯！學生好後悔。
師   母：起身，今日端午節，開開心心跟同學出去玩吓！
英   台：師母。
師   母：英台。唔好咁硬頸啦。
山   伯：我驚老師會怪我……
師   母：唔係老師嘅意思，師母夠膽嚟咩？！師母都係睇老師面口做人”口架”嘛！唔？！
英   台：嚟吖？去啦！
山   伯：……
英   台：去同老師請個安，講聲對唔住，嚟啦！


埸十一   書院一角
仕   九：仁心，快啲嚟食鴨粥呀。
仁   心：唔好好味！水鴨粥！絶！
仕   九：因住「啃」親呀！嘩，呢舊正呀！嗱！
仕   九：做乜呀？！吓！？「啃」骨？！唏，都話你”口架”……
仁   心：唔係呀，我……
仕   九：吓？！
仁   心：我哋似唔似兩公婆喺度撐緊枱腳呀？！
仕   九：……？！
仕   九：哈哈哈哈……似呀似呀哈哈，係係女人呢我即刻娶你！哈哈，睇你，怕醜呀哈哈，大姐仔？！哈哈……


原來幕一有十二埸，希望大家會看看吧～～
過幾天也會放上幕二的了～
如果有不明白的粵語地方也可以提問喔～～
我會盡力回答的
（因為不是所有人也理解粵語口語上的意思啦＠＠＂
（不過我有時也是意會就是了，大家一起投入意會的懷抱吧～～（誤

回复：19楼
嘩～～大人的提意很吸引人耶～～
話說我就盡力而為看看能不能在這個暑假把劇本集的打出來以外，
也把舞台劇上的那些有調整過的對白也整理好了～～
畢竟開了學沒那麼多時間＝　＝＂＂（遙望
（我要考AL了，大家祝福我吧～～（拖走