【喜喜】【返港】20180817郑嘉颖夫妇婚后返港 新闻+图片+视频

二楼备用

十指緊扣晒婚戒！鄭嘉穎陳凱琳講明生豬仔
08月17日(五) 09:12更新00:01建立 來源：DONG網
新婚燕爾的鄭嘉穎和陳凱琳（Grace）從峇里返港，兩口子一黑一白襯到絕，二人戴婚戒大晒恩愛，一步出機場時即十指緊扣，記者任影唔嬲！席間記者稱呼他們「鄭生鄭太」，二人顯得相當受落，但Grace笑言未習慣這稱呼！
接受訪問時，他們表示留多幾天都是順道慶祝嘉穎生日，問Grace有甚麼驚喜給老公？嘉穎搶答：「唔使驚喜！已經有最好禮物畀我！」是否雙喜臨門？嘉穎說：「有好消息先講啦，都未有消息！（呢幾日好努力？）慢慢啦！仲流流長！（生豬仔？）豬年有排，聽講豬仔有福氣！」問到Grace，奶奶有冇畀壓力要快手追B？她表示：「冇喎！佢今次參加婚禮好開心，都明白好多嘢都要一步步嚟，順其自然會好啲。」

怨兄弟唔幫手接新娘
講到婚禮兩位都感動爆喊，問到邊位眼淺啲？嘉穎表示都差唔多，大家遇到感動事都會喊。而接新娘期間嘉穎唱出《一千個願意》，嘉穎表示：「呢隻係我平時練開嘅其中一隻歌，佢聽過話好鍾意，想我唱畀佢聽，唱完就成功娶到老婆，（接新娘多唔多難關？）啲姊妹伴娘好幫得手，不過我啲兄弟就冇幫手，佢哋淨係掛住拍片冇乜出聲，都係我自己搞掂晒，好多謝佢哋。」在旁邊的Grace亦忍唔住大讚嘉穎：「好叻呀你！」問到會否在香港補擺喜酒？嘉穎表示：「都唔會㗎啦！我哋心目中想要一個簡單婚禮，亦都得到雙方屋企人同意，好圓滿好係我哋想要嘅嘢。」被問到會否再Honeymoon？嘉穎笑言會但地點就要保密。
而《少婦聯盟》成員之一嘅龔嘉欣因為唔舒服，最終未能到峇里參加佢哋嘅婚禮，Grace：「有問候過佢，知道佢身體好番啲依家都開緊工，佢嚟唔到有唔開心，希望之後再食番餐飯。」

Sweet！

十指緊扣行出嚟

兩位都笑得勁冧。

Grace好風騷。

嘉穎講明「豬仔」有福氣，出年就係豬年喎！

攬實老婆。

V晒手。

嘉穎怨兄弟喺接新娘時唔幫手，淨係掛住拍片。

去咗紅磡一間酒店。

｡◕‿◕｡｡◕‿◕｡｡◕‿◕｡｡◕‿◕｡