回复：从毛头开始喜欢哥哥的老嘢开处女贴，望亲们鼓励！！！！！！

大姐好，小弟79年的

哥早晨！一起身就快啲过嚟同你打声招呼先，因为都唔知细妹几时打电话比我，琴晚约好咗今朝有啲紧要嘢要做！哥对唔住！电话到咗嘞，拜拜先嘞！！！

哥哥您老人家威武！！荣迷威武！！刚回来就睇到喜迅嘞！哥哥第一，万茜第二，笔笔第三，李准基第四，邓紫祺第五，华晨宇第六，欧豪第七，白举纲第八，梅艳芳第九，霍尊第十这是百度明星词条发贴的最后统计结果，虽然在你之后的只认识梅一个，但都是值得高兴，证明您老人家永远最红最热！永远第一！冇人忘记您！同时庆祝添砖加瓦嘅有我一份，我系2152分之一，真系好开心！！

哥，早晨！琴晚整理你嘅靓相到4点几先瞓，太夜唔好意思同你讲早唞，怕打搅你好梦。唔整理啲唔知存喺电脑度你啲相有成八千几张咁多！搅到我头晕眼花添。哥哥，我琴日坐车经过新广场先知，97你嚟佛山开演唱会嘅场地已经被改造得面目全非嘞，变成咗两间大酒店嘞，酒店后面变成咗复古建筑嘅岭南新天地嘞！如果唔系有间大厦叫瑞安新广场，咁真系一啲新广场嘅味都冇晒嘞！哈哈！返嚟同啲同事讲起，佢地仲笑我太孤陋寡闻呢，话新广场都唔知拆咗几多年嘞！睇嚟我二点一线嘅生活已经过咗N年嘞！但点解咁枯燥嘅生活我估觉得好满足好快乐呢？系咪有哥万事足呢？哈哈！！

哥，啱返嚟食咗晚饭，你食咗未啊！下昼罗汤比妈咪饮，先知佢琴晚身痕成晚瞓唔到，咪带佢去中医院睇医生罗，所以搞到依家先返，攰死嘞。喺车站等车嘅时候碰到一个喺基督教工作嘅女仔，我地一齐等车，一齐上车，喺车上佢向我传教，我对佢讲我妈咪同我大儿子是虔诚的基督教徒，佢就奇怪问我为什么不跟着入教，我对佢讲我都有信仰，而且对我嘅信仰亦好虔诚架！佢又问我嘅信仰系乜嘢，我好自豪咁将手机桌面你张靓相比佢睇，讲佢知呢个就系我嘅信仰嘞！仲同佢讲喺你身上我学到好多真善美嘅嘢！学识咗心境平和咁对人对事！对别人嘅付出，要怀有感恩之心！而且最紧要嘅系我每天都觉得好满足好快乐！最后我问佢，我与你嘅信仰系咪有殊途同归嘅交点呢？搞到佢都没有反驳嘅理据嘞！！哈哈！车上啲人睇到我地各自讲自己信仰有几巴闭，我谂都会觉得好好笑吧！！

为何是从毛头

哥哥早晨！噢应该系中午好嘞！不过我地好少讲中午好嘅系咪？其实我一早就起咗身嗄嘞！只不过喺贴吧睇咗好耐贴先返嚟同你打招呼啫！唔好意思噃！哥哥，啱啱喺贴吧睇到一张相，又勾起我心里面嘅担忧嘞，就系当年你热情海外巡演时，幸运获得你老人家两次亲吻个个靓女，自从你放长假后，就再冇出现过，因为我睇过佢写嘅当年被你亲吻后嘅感受，我从字里行间都能深深感受佢对你嘅爱，系刻骨铭心嘅，已深入骨子里嘞！所以好为佢担心，唔知佢能唔能够欣然接受呢个巨变，会唔会做傻事跟埋你去旅行呢？我谂所有荣迷知道呢件事，都会同我一样为佢担心！但同时会衷心祝福佢能够欣然接受变故，幸福快乐咁生活落去！相信哥哥你会保佑佢嘅！系咩？哥，我发一张当年明报拍得嘅现场相比你睇，仲有一张你告别前嘅一张，但唔知系咪同一个女仔，如果唔系，希望你亦同时保佑佢吧！

哥，我够钟上班嘞，返嚟再讲，拜拜！

哥，我落班返嚟嘞！中午临上班前睇到一个贴，系喺耀荣哥葬礼之后，陈太接受记者采访时讲到你，佢话【我和哥哥系好朋友，相互扶助，一起成长，我们都是可以交心的，虽然基于经济上的合作，但从没因为利益分手！】佢仲讲到关于为纪念你而想制作音乐剧一事呢，佢话【张国荣，是我留给大家最好的作品，但舞台剧的事情我还在考虑。其实做张国荣的纪念活动非常费神，去年的活动之后，有媒体说我‘敛财’，我非常受伤，因为我一心为哥哥做一些事情，所有的账目都是分明的，我问心无愧。我想帮助哥哥圆梦，更想回报那些一路支持的歌迷，他们都是有心人。所以去年之后，我就表示了不再制作关于哥哥的活动和演出。虽然这个决定让我很纠结，但沉默是金是我的选择。这次很多人希望我出来，我确实也被大家的诚意感动，是否做这个项目，我还要考虑。我知道大家都在努力点赞，我自己不上微博，不知道现在的情况，就算真的有了100万歌迷支持，我也有很多难题需要解决。这件事需要慢慢来……】睇到呢啲我自己都思绪万千，觉得呢个音乐剧仲有好多不确定嘅嘢，真有啲担心啊！！