回复：从毛头开始喜欢哥哥的老嘢开处女贴，望亲们鼓励！！！！！！

哥哥，我又快要返工嘞 ，落班返嚟再倾。上班前上张靓照，希望似林超荣一样，工作心情都咁愉快吧！！哈哈！哥哥拜拜！！

点解？

哥哥，刚刚喺一帖里睇到成都商报今年4月18日采访王杰嘅报道，商报记者问王杰，如果有时空机，你回到从前还会选择这一行吗？王杰的回答斩钉截铁，【绝对不会，打死也不会，再也不愿意。我后悔了，当初应该去做一些和科学有关系的。我本来是读物理的，很后悔没有去做这个。】王杰还说在圈内， 没有交心朋友，唯独一个人让他很欣赏，就是哥哥你啊。王杰喺受访时真说出我心里嘅某些感受，他说【哥哥不在了，很多媒体在采访其他艺人，这些艺人都说自己和哥哥有多熟，老实话，我看着都想笑。人家去世了，没有对证了，你讲得跟真的一样。其实哥哥不是这样的人，他平时很少和别人交朋友，他和我的个性很像，我们偶尔有一些短讯交流，香港当时不是有BB机，他问我在干什么，他很烦。我说哥，对不起，陪不到你。】最后一句简直令我泪奔啊！哥哥喺你最黑暗，最需要人关爱嘅时候，我地都冇机会为你送去一点点温暖及慰问，谂起都伤心啊！

哥哥早唞嘞！拜拜！！！

哥哥，上班前抽空嚟同你打声招呼，想讲你知，每日听你嘅歌，睇你嘅电影视频同靓相，真系好开心满足，你带比我无限快乐同惊喜！令我觉得每日都充满阳光同希望，哥哥多谢你！！假期愉快吗？非常非常挂念你！希望你也天天快乐开心！！！

今天上一张能治愈所有颈椎错位的看看哥哥完美的轮廓，难怪四大绝色之首！

哥哥，又到点返工嘞！回来再倾，拜拜！

哥我返嚟嘞！刚在贴吧里睇到一个贴，我感动到泪流满面啊！冇谂到法师里头都有你嘅迷啊！可想而知你嘅魅力真系难以估计啊！！！哥你太威武嘞！！

哥早唞！今晚心情好差，求梦里安慰！

哥早晨！一起身就快啲过嚟同你打声招呼先，因为都唔知细妹几时打电话比我，琴晚约好咗今朝有啲紧要嘢要做！哥对唔住！电话到咗嘞，拜拜先嘞！！！

哥，早晨！琴晚整理你嘅靓相到4点几先瞓，太夜唔好意思同你讲早唞，怕打搅你好梦。唔整理啲唔知存喺电脑度你啲相有成八千几张咁多！搅到我头晕眼花添。哥哥，我琴日坐车经过新广场先知，97你嚟佛山开演唱会嘅场地已经被改造得面目全非嘞，变成咗两间大酒店嘞，酒店后面变成咗复古建筑嘅岭南新天地嘞！如果唔系有间大厦叫瑞安新广场，咁真系一啲新广场嘅味都冇晒嘞！哈哈！返嚟同啲同事讲起，佢地仲笑我太孤陋寡闻呢，话新广场都唔知拆咗几多年嘞！睇嚟我二点一线嘅生活已经过咗N年嘞！但点解咁枯燥嘅生活我估觉得好满足好快乐呢？系咪有哥万事足呢？哈哈！！

哥，啱返嚟食咗晚饭，你食咗未啊！下昼罗汤比妈咪饮，先知佢琴晚身痕成晚瞓唔到，咪带佢去中医院睇医生罗，所以搞到依家先返，攰死嘞。喺车站等车嘅时候碰到一个喺基督教工作嘅女仔，我地一齐等车，一齐上车，喺车上佢向我传教，我对佢讲我妈咪同我大儿子是虔诚的基督教徒，佢就奇怪问我为什么不跟着入教，我对佢讲我都有信仰，而且对我嘅信仰亦好虔诚架！佢又问我嘅信仰系乜嘢，我好自豪咁将手机桌面你张靓相比佢睇，讲佢知呢个就系我嘅信仰嘞！仲同佢讲喺你身上我学到好多真善美嘅嘢！学识咗心境平和咁对人对事！对别人嘅付出，要怀有感恩之心！而且最紧要嘅系我每天都觉得好满足好快乐！最后我问佢，我与你嘅信仰系咪有殊途同归嘅交点呢？搞到佢都没有反驳嘅理据嘞！！哈哈！车上啲人睇到我地各自讲自己信仰有几巴闭，我谂都会觉得好好笑吧！！

哥哥早晨！噢应该系中午好嘞！不过我地好少讲中午好嘅系咪？其实我一早就起咗身嗄嘞！只不过喺贴吧睇咗好耐贴先返嚟同你打招呼啫！唔好意思噃！哥哥，啱啱喺贴吧睇到一张相，又勾起我心里面嘅担忧嘞，就系当年你热情海外巡演时，幸运获得你老人家两次亲吻个个靓女，自从你放长假后，就再冇出现过，因为我睇过佢写嘅当年被你亲吻后嘅感受，我从字里行间都能深深感受佢对你嘅爱，系刻骨铭心嘅，已深入骨子里嘞！所以好为佢担心，唔知佢能唔能够欣然接受呢个巨变，会唔会做傻事跟埋你去旅行呢？我谂所有荣迷知道呢件事，都会同我一样为佢担心！但同时会衷心祝福佢能够欣然接受变故，幸福快乐咁生活落去！相信哥哥你会保佑佢嘅！系咩？哥，我发一张当年明报拍得嘅现场相比你睇，仲有一张你告别前嘅一张，但唔知系咪同一个女仔，如果唔系，希望你亦同时保佑佢吧！

哥，我够钟上班嘞，返嚟再讲，拜拜！