回复：从毛头开始喜欢哥哥的老嘢开处女贴，望亲们鼓励！！！！！！

今日上一张宝福山电视台采访日本荣迷的照片吧，哥哥你仲记得佢地嘛？佢地真系好长情，每年4月9月都会带礼物过嚟探望你，系日本每个月都有搞纪念你嘅活动架！

哥哥，就陈太要搞音乐剧来纪念你这件事，可能我自己太自私了，只是想把你深深埋藏心底据为己有，唔想你受到任何委屈及伤害，我真是很矛盾，既想有更多人了解你而爱上你，将你的真善美发扬光大，让世人永远记得你的好，但又怕有任何机会将你又推到风口浪尖上，让你不安，想想我这种前怕狼后怕虎的心态真的配不上当你的迷啊！其实我应该往好的方面去想的，想想你与陈太一同奋战几十年，情同姐弟，而且自你放假后陈太对你都还是宠爱有加不离不舍的，没理由会做出对你不利的音乐剧来抹黑你，而令到她自己晚节不保的，是吧？这样想我的心也放宽了，期待她能制作一个完美精彩的音乐剧，作为送给你60大寿的大礼物吧！！！我谂今晚我都可以舒舒服服瞓返一觉嘞！哥哥早唞！！

今日上一张从电视台摄影师的角度看文华花海吧！

哥哥，我去上班嘞！返嚟再同你倾偈，拜拜！！

哥哥，今日我可能冻亲感冒嘞，依家食咗啲药，好似有啲晕陀陀咁，我要早啲瞓嘞！拜拜！！

哥哥我落班返嚟嘞！今日上班好攰啊！返咗好多货，都未停过手，晚上7点几先食晚饭，一直忙到落班，成身骨都痛晒！仲出咗成身臭汗！好彩返嚟冲咗个热水凉，由头洗到落脚，依家轻松咗好多嘞，不过仲系有啲攰，想早啲瞓嘞，哥哥早唞！听日至同你汇报嘞！哥哥，我有个小小请求，今日我做嘢咁辛苦，今晚可唔可以入我梦安慰下我啫！讲真嘅！唔系讲笑架！！！

好嘞！瞓觉嘞！今晚整理啲相整咗成晚，攰死我嘞！哥哥我求你安慰啊！！早唞！

好嘞！上完图可以瞓觉嘞！哥哥早唞！听日再汇报比你听。拜拜！！！

哥哥早晨！琴晚实在太攰嘞！所以2号个日嘅行程啲未汇报完，今日继续，个晚由于要赶最后一班渡轮过海，所以没等文华花海清理干净我地就走咗嘞，喺呢度对你及那些义工讲声对唔住！辛苦晒佢地嘞！我地喺文华拣咗一束好靓嘅玫瑰花，谂住回宾馆插嘅，仲有几张好靓嘅卡片，打算带返屋企，喺渡轮上遇到几个外国朋友，他们见到卡片上你嘅靓相，都惊呼啊Leslie Cheung！还竖起拇指赞你呢！我地都好兴奋啊！我地仲叫其中一位女士帮我地合影咗几张相，影完相后，我拣咗支好靓嘅黄玫瑰送给她，她好高兴接受并道谢！哥哥对唔住！仲有一件事要讲你知，就系我地偷食咗日本Fans送比你嘅朱古力，系喺清理文华花海时，发现咗个盒日本Fans送比你嘅朱古力，我地偷偷收埋咗，不过我地只系每人分享咗一粒，其它嘅都分咗比那几个外国朋友仲有渡轮公司看闸嘅员工，我地都有讲系Leslie Cheung送嘅礼物嚟架！大家都好高兴能分享你嘅快乐！我依家仲记得个粒朱古力嘅味道呢！真系好好食！好香甜！哥哥你唔会嬲我地吖嘛！哈哈！个晚我地以为星光大道那边亦要清理，点知等我地匆忙赶去星光大道，工作人员告诉我地鲜花还可以多摆几天，真系好高兴啊！于是我地又重新用湿巾为星星擦擦干净，又将从文华啰过嚟嘅花束及海报放喺你星星旁边又影咗几张相，然后才依依不舍咁唱往风继续吹等歌离开星光大道。离开星光大道后，我地就去咗华星冰室医肚饿，我地喺华星冰室对面影咗好多相，冰室里面的老板一直望住我地，他肯定又高兴啦！知道喺个几日到访嘅肯定系荣迷啦！佢嘅生意又嚟嘞！哈哈！！我地一入里面就睇到你喺华星时期出嘅好几张专辑封面照，哈哈照片最多嘅应该系你嘞！好似有五六张咁嘅，我地拣咗有你几张照片下面嘅位置坐低，每人叫咗个套餐，一边对住你流口水，一边品尝华星出品，都唔舍得走呢！哈哈！最后付账时睇到有你及其他人签名嘅合影。医完肚饿，我地先返宾馆休息。

哥哥，我要返工嘞，今晚一年一度大盘，要上通宵班，好辛苦嗄！所以要瞓返一阵先，听日瞓醒先同你再倾嘞！拜拜！！

哥哥你好！琴晚通宵班好辛苦啊！瞓到一点几先起身，去咗一趟大沥，取回同学帮我喺香港买返嚟嘅六盒朱古力，系上次我去香港，同事叫我帮买嘅，点知个日走得匆忙，冇时间买，所以就麻烦香港嘅同学帮忙啰，免得失信于人吖嘛，呢啲鸡仔媒人嘅事，真是费时失事，既要舟车劳顿，又花多几十蚊买手信比同学，唉！以后去香港要低调啲，不作声张，费事乜乜谁又叫帮手买嘢嘞！去三天香港，除咗来回坐车过关，其实能逗留喺香港嘅时间只有两天左右，如果要真真正正去寻找你走过嘅足迹，我谂起马要逗留一个月吧！就好似3号个日咁，早上九点几起身，十点出门，约好同学去稻香酒楼饮茶，饮完茶去信和逛逛，买咗五张你嘅唱片，想买几本你嘅写真集，但只有霸王别姬同拉阔嘅，觉得质量麻麻，又冇买。从信和出嚟，到中旅睇睇有几点钟返佛山嘅车票，咁啱有一点四十五分嘅票就买咗一张，睇睇离开车仲有二十几分钟，谂住有足够时间到附近71买到朱古力嘅，点知去咗几间都冇T16个种，所以只好留下遗憾上车返佛山嘞！哥哥，我打算到9月你生日嘅时候再去香港一趟，到时一定遇够充足时间，慢慢行行逛逛，好好再感受你嘅气息！你等我噃！！！！

继续上美图，哥哥你泡温泉吗？

哥哥，我依家得闲嘞！入嚟同你倾下偈先，今日我去行清祭祖嗽，啱啱同屋企人先食完饭返嚟，都冇时间逛逛吧睇下有乜新鲜事发生咗，所以都冇乜嘢同你讲，或者我先去睇睇先，再嚟同你倾过嘞！你稍等。。。。。。

哥哥，冇乜新闻同你讲噃，咁就上你一张靓相，顺便同你讲声早唞嘞！