回复：【乱入】礼强脑残粉YY【原创】（顺序乱）（不定时更新）

睇直播睇到我直头想写俞学礼入浩园。。。咁嘅死渣男，madam居然仲收佢？？？
劈成柴俾齐妈煮盆菜都算废物利用架！！！！！！！！！！！
好吧，反正已经写了就慢慢放。。。
@蔷薇海棠嗰赌局我估都系你赢，但居然最快都要下礼拜先知结果，好不爽。

舒家
“Jacob，点解Larine会变成宜家咁样？”头先喺半路冲出来拦车嘅样子真系吓了学礼老大一跳。
“唔好意思啊阿礼，烦到你添！”舒子铭搅了搅杯中早已冷却的咖啡，眼神闪避挣扎了好一会儿，先开口，“佢妈咪同人走咗，爹地好嬲，Larine都接受唔到呢个事实，跟住就成日系咁。喺屋企就话大妈要害佢，一时又话佣人要害佢，爹地搞到冇办法，先俾佢返嚟香港搞分公司。但系今次又俾人挟持，睇怕有排都会系咁了。”
“咁嘅话佢有冇睇医生啊？”学礼想不到居然是这样的前因后果。
“睇咗了，睇咗好多专科医生，都话呢啲系情绪病，要慢慢嚟。但系你都知，佢咁大个人，我根本冇可能绑住佢唔俾佢出门，你话系咪系？”舒子铭为细妹的病由衷感到头疼。
“系咁了，真嘅系辛苦你了。”学礼想到之前under madam庄做嘢后尾守枪房嗰个林石勇，明明都算是好人，却也是饱受情绪病的困扰，钻牛角尖最终害了自己。
“唉，一世人两兄妹，我都唔惗呢啲嘢，净系希望佢快啲好返了。今晚多谢你车佢返嚟，唔系嘅话我都唔知去边度揾佢。搞咗你成晚真系唔好意思，系了，我话呢啲俾你知，系希望你唔好误会佢，佢有时都唔知自己做啲乜，希望你能帮手保密，唔好同第二个讲。”
“我明嘅。”家家有本难念的经，想起家姐，学礼都不禁黯然，望望手表已然夜了，连忙起身告辞。

不感兴趣

开通SVIP免广告

唔知点解，文强总是觉得近排学礼怪怪啲，好像在隐瞒什么似的，虽然返紧工都总是记得提自己去医院复健的时间，放工亦会来揾自己，但两个人一起时又不时避开自己接电话，回短信，问亲都话冇嘢。
这晚冲完凉，惗住去厨房斟杯水，经过天台，文强就听到学礼语气轻柔，讲紧电话：“系，你放心，我听日陪你去睇医生，唔使紧张，今晚早啲瞓好唔好~”“好喇，早唞。”
见他收线，文强忙抬起脚步继续朝厨房走去。
“咦，你冲完凉了？”学礼入室，就睇到文强坐在餐桌前喝水，毛巾仲挂在脖子上，头发仍有湿意。
“系啊，夜了，你好返过去喇。”看看墙上挂钟的时间，文强笑着提醒明天还要上班的人。
“唔急，哇，你又唔抹头了，因住听日又头疼。”说着就过来上手。
“唔系啊，我抹咗了，未干透喈，阵间就干喇。你唔系话今日集体加操，早啲过去休息喇。”被抹头的人转头仰起颈项跟他说话。
“做乜，你肉赤我啊？”学礼弯下身笑道。
“鬼要肉赤你啊，我眼瞓喇~”斜睨了他一眼，文强摞过他手中的毛巾，推他出门。
“噢！”学礼居然一头撞到半开的门上。
“喂，点嘛，冇嘢吧？咁论尽嘅？”文强忙踮起脚尖查看，红肿少少。
“冇嘢~”学礼大掌揉上痛处，刚刚视线突然转黑一瞬，又被文强从身后推着，先至会撞亲，“你眼瞓，咁我唔阻你了，我行先，早唞。”
“齐妈，哪，医生开俾你嘅药要记住按时食，下礼拜我再陪你复诊哪！”虽然不用再拄拐杖，但文强骨裂的伤口仲未完全愈合，都系要慢慢行先得，不过好在看过去同常人无异，唔系嘅话佢都唔够胆喺齐妈面前浦头。
“得嘅喇，好小事喈，我话我自己嚟就得嘅喇，唔使你山长水远嚟陪我嘛。”齐妈拍拍搀在她右臂上的纤长手掌道。
“反正我都放紧假冇嘢做，出嚟行下都好过喺屋企发毛喇！”
“难得放假同阿礼拍下拖都好咯。”
“齐妈，我哋天天都见面，冇差放假一日喈。”原本笑意满面的人才说完这句，远远看到两个亲密的身影有说有笑从某幢大楼行出，有着健壮背影的那个帮一头红发的那个拉开车门，跟住那辆灰色丰田绝尘而去。
“阿强，你睇乜啊？遇到识嘅人咩？”齐妈见她表情古怪，不禁问道。
“冇，睇错喈。系了，我哋去食饭喇，食埋饭去探阿齐。”文强转头对齐妈笑了笑，心底却落了个大大的问号。
“喂，阿礼啊？”
“点嘛，食咗lunch未啊，揾我乜事啊？”
“我上次去复诊好似掉咗张八达通，唔知有冇喺你车度，你放工嗰阵帮我搵下好唔好？”
“好，搵到话你知。唔讲住了，你知嗰班饿狼喇，阵间又冇留餸俾我了，系咁先喇，今晚见。”
“好啊，记住今晚喺齐妈度食饭，bye~”
“系了，我四周围揾过嗮，都未揾到你张八达通，系咪掉咗喺第二度啊？”从围村回市区车上，学礼问副驾驶座上的人。
“啊？你讲乜啊？”望住窗外发了好一会儿愣，文强先发觉有人同自己讲嘢。
“我问你系咪掉咗八达通喺第二度，你做乜啊，咁冇心机嘅？”过亲隧道都要塞车，学礼减缓车速，关心地望了望副驾驶座上的人，再将视线转回正前方车道。
“哦，嗰张八达通啊，我后尾揾到了，夹喺本子皮套里了，唔记得话你知，唔好意思。”文强想起中午刺探虚实的那通电话，这才圆过来。
“揾到就好喇，你今日好攰啊？”学礼不太习惯文强这副没精打采的样子，就算之前受伤住院都精神过现下。
“可能吧，成日喺出边，嗯，我咪一阵先。”不想继续话题，文强闭眼假寐。
继续缓行的车子突然急刹车，文强整个人都从座位上弹起，“乜事啊？做乜停落嚟嘅？”
学礼浓重的呼吸在暗沉的车厢里听来特别清晰：“我有啲攰，换你揸好唔好？”
“啊？你冇嘢吧？”学礼听到文强解了安全带扣的声音，跟住是她靠近的呼吸声。
“冇事，换你揸喇。”学礼解开安全带扣，开了自己这边的车门，落车，改上后座。
文强爬上驾驶座，重新启动车子，从后视镜里睇到他紧锁的眉头，疑惑又担心。