回复：【乱入】礼强脑残粉YY【原创】（顺序乱）（不定时更新）

“啲嘢执好喇？”年初四晚，文强听到脚步声，问道。
“系啊，你喺度做乜啊？”学礼挨着她坐低。
“恒仔件冷衫脱咗线，都唔知佢去边度玩，真系曳～”文强执起剪刀剪断线头，大功告成，复又顺手摞住剪刀训夫，“返去之后你要睇佢睇实啲喇，唔好成日嬉皮笑脸了。”
“乜喈，我不嬲都睇佢睇得好实喇！”学礼不服，提出上诉，顺便从她手里收过把剪刀，“唔系last night你要摞住把铰剪同我讲嘢吧？”
“咁我冇嘢同你讲喔，我去冲凉了。”将儿子的毛衣叠起摆埋一边，文强摞起床头的浴袍往浴室走去。
“等埋我喇！”

“你真系冇嘢同我讲啊？”浴缸里，搂着文强靠在自己右边膊头，学礼边用左手给两人抹沐浴乳，边不死心地追问。
“我问你仲有冇嘢要同我讲先系真。”
“做乜一副嬲爆爆嘅样啊？边个得罪咗你？”
“边个到last night都仲系唔讲，即系边个得罪咗我咯！”
“乜喈～你究竟讲紧啲乜嘢啊？”学礼感觉快要绕不出这个话题了。
“讲呢样嘢啊！”文强一个转身反骑在他身上，右手摸上他左边腹部的一处，学礼的笑容顿时僵住了。
“老婆，你咁样同我讲嘢，我专心唔到喔！”学礼扮笑脸顾左右而言他。
“唔好转移话题，呢个伤系点得返嚟嘅？”madam不为所动，挑挑眉继续审问。
“你都知嘅，十几年前喺医院追嗰个逃犯受嘅枪伤咯，使咪问呀？”
明明伤口上仲有簇新的粉红色新生组织，佢系当自己系盲嘅吗？“好，我俾你机会你都唔讲，路系你自己拣嘅。”文强嘟着嘴站起身，拉起架子上的浴巾往自己身上裹，一脚跨出浴缸。
“老婆老婆，你唔好嬲了，我讲我讲。”见文强来真的，学礼也坐不住，忙起身自后搂住佢，陆续坦白。
“就系咁了，做手术系家姐签嘅字，daddy mummy都唔知，我原本都唔想瞒你，但都冇乜嘢，真系冇必要累你担心，所以都冇话你知，你唔好嬲我了好唔好。”说到最尾，都带着几分低声下气了。
“第一晚我睇到就知有问题了，问过阿源系点，一路等你讲，估唔到你咁有耐性一路都唔出声。”文强转过身，又好小心咁朝伤疤上摸去。
“我都知，乜都瞒你唔到。”学礼明白天都光嗮，揽住她，吻了吻她纠结的眉心，“冇嘢喇，好小事喈，你睇伤口都系咁细一旧。”
“我哋系夫妻，唔系唔俾私人空间你，但受伤咁大件事，点都要同我讲先得噶。”难怪有个礼拜打电话回去，小怡同恒仔都是在学恩家里，学恩说sdu临时有训练任务所以先帮细佬睇住佢哋两个，自己当时也信了。
“好喇好喇，下次一定话你知，唔瞒你好唔好。”学礼知理亏的是自己，忙落保证，见佢盯着自己，先知又讲错嘢，拍了拍误事的嘴，又忙举起只手发誓，“唔系唔系，我系话冇下次，冇下次。”见她表情渐渐放松，才又撒娇道，“陪我泡完好唔好，你披住浴巾我可是乜都冇着，好冻啊。”
重新揽住老婆浸入浴缸，俞生从受伤那日起就绷紧的某根神经亦终于放松，见老婆双眼微红，心疼得不得了，忙为她抹泪：“一啲都唔痛，你冇喊喇。”
“我边有喊喈，系啲沐浴液唔小心整入眼入面嘛。”
“好喇好喇，等我帮你清干净。”却不是开大花洒冲眼睛，而是轻轻柔柔朝微红的眼眸吻上去。
一吻终了，“其实我都好唔称职，你受伤都唔喺你身边。”许是水都有些冻了，俞太不由往他怀里靠了靠，俞生也紧了紧搂着她的手。
“傻了，你讲乜啊？又唔系特登唔去探我，你有嘢做嘛，同埋我都有人照顾，你唔知宜家啲姑娘都几索～”说着还故意拍了拍怀中人的翘臀。
成功被逗笑的人弯起胳膊肘给了下面那个人一下。
“你啊，又哭又笑，黄狗濑尿！”下面那个人可是不当回事，反正这些年都受惯她的胳膊肘了，捏着她的脸点评到。
“俞学礼你话我系狗，咁你自己系乜嘢啊？”俞太打掉他在自己脸上作怪的大手。
“我咪系公狗咯。”唔俾捏脸，咪捏第二度咯，做人要识变通嘛。
离人的夜，都未必萧索难顶，俾彼此信心，几耐都可以挨过去。

亲，你晚上都不睡吗？

哇 福利好好 昨晚sweet sweet 今早又有文看

【你最珍贵】
“你真嘅唔同我一起去啊？”上班路上，揸紧车的学礼问坐在副驾驶座上的人。
“你同Uncle Antie返乡下祭祖，我又唔系你边个，使咪去呀？”揸着手机上网的madam瞥了他一眼，没好气道。
“哇，你咁讲系乜意思先？”路口红灯前面车子排起长龙，学礼缓缓停下车，探过身来故作大力地努努鼻子。
“你做乜啊？”古古怪怪！
“你嗅没嗅到一阵酸味好重啊？哪～老实讲，你系咪提我你已经惗紧成为我边个，俾我啲贴士同埋心理准备先？”学礼点点文强鼻尖道。
文强拍开他那只扰人的爪，斜睨了他一眼：“都话咗你唔好睇咁多电视剧了，想象力过剩～”呢排文强收工要上泰拳班唔得闲陪佢，结果学礼居然迷上了煲剧，跟个师奶仔咁边追边跟文强安利剧情。
“乜啊？你唔知喇，宜家播紧嗰套几好睇啊！剧情系有个筋肉人中意咗个泥水妹，但系嗰个泥水妹呢几冇自信，都唔够胆去信任嗰男仔。系咯，嗰泥水妹同你仲有一样嘢好相似。”反驳起来俞sir又开始安利剧情了。
“乜啊？”原本睇紧手机的文强听到跟自己有关，也不由扭头问下。
“就系～畏高咯！”前面交通灯转绿，学礼撤回身子启动车子都不忘卖个关子先讲。
“专心揸车喇，咁多嘢讲～”明明自己现在都不畏高了，仲要摞嚟讲，madam梗系唔开心了，俞sir你都傻傻啲。

指挥车上，展sir介绍行动情况。
“今次我哋嘅行动目标是电视城，根据O记线报，宜家3号摄影棚入面有8个女模特同2个现场工作人员，仲有一个女童，佢哋俾公司保安经理谭志朗持枪挟持住。因为现场排练紧低空烟花show，有很多易燃易爆危险品，大家take action时要特别小心，唔可以使用枪械。家下谈判专家喺现场做紧嘢，我哋到现场指挥中心之后再做具体部署。”
“唔系吧？电视城，摄影棚？咁点做嘢啊，又冇夹空层又冇窗。”作为《美女厨房》的铁杆粉丝，阿源可是到现场参与过节目录制，对摄影棚有少少印象。唔可以使用枪械已经限制住sniper嘅专长，仲要喺行一步震动都好犀利嘅摄影棚，今次行动都几大镬。
“做乜啊，你惊啊？”阿头完成简报之后问内弟。
“唔系～有你同家姐夫妻同心，使咪惊喈。不过有细路几麻烦喈。”娃娃脸的sniper一脸正色道。
“小雨，现场图则到咗未？”阿头问道。
“仲收紧，展sir，呢度有被挟持人员名单。”小雨点开新收到的文件。
“又系佢？”展sir不觉皱了下眉，同坐在电脑前的妈打和站在一旁stand by的龙婆看到名单也不约微微张了张嘴，毕竟一个普通人被飞虎救两次，都应该好少有。
“又系乜人啊？”话唔可以使用枪械，一下觉得好无聊嘅贱仁插嘴问道。
“舒子丽啊！”当年都有份做高级保安的龙婆给出答案。
“唔系吧？”那次一同take action的光仔掌门等人都面面相觑。
“唔通佢嗰次讲嘅系真嘅？”文强皱起眉头自言自语。
“乜系真嘅啊？”坐于佢隔离嘅学礼听得唔系好清楚，关心一问。
“冇，冇嘢。”释出笑脸俾佢，文强嘅心仲系罗罗挛，嗰次自己当真是以为舒大小姐玩到冇嘢嚟玩，旧病复发谎称自己癞嘢。如果真系佢人身有危险先揾学礼帮手，虽然自己话嘅无错，飞虎唔可以插手查案，但万一佢因此有乜差池，自己都过意不去。

去到现场，3号摄影棚是小型摄影棚，前面是浅浅几排观众席，一眼睇嗮，中间是临时搭起的倒T台，跟住是烟花show的大型布景展牌，布景后面则是供模特候场的后台，地势最低，但一面靠墙。劫匪都唔算傻，O记自电视台现场监控睇到，佢揸住枪逼啲吓成惊弓之鸟嘅模特，将后台剩余嘅烟花围成外圈，成班人质同佢自己居于内侧，狙击手投鼠忌器，真系好难做到嘢。而后台通往其他地方的门得返一个，已经被劫匪锁死，上方的钢筋支架亦与别处不相连，整体嚟讲摄影棚是个密闭空间。劫匪唔肯开门，只愿意在电话中同谈判专家交流，但条件是要求警方释放之前佢入狱的细佬，同埋安排车辆。
“阿sir你俾我入去喇，蓉蓉嘅药喺我度，佢冇药用好大镬嘅！”control room门外一阵扰嚷，“乜事啊？”展sir问刚进门的madam庄，房内full gear stand by的学礼掌门等人亦望向她。
“现场女童嘅家长话自己嘅女有哮喘，担心个女有事，要求送药入去。”产女先得两个月，一身西服套装的madam又回复之前的清瘦，调看现场画面，由于电视公司装设的监控摄像头距离人质太远，无法看清是否女童已经发病。
“家下嘅环境，送药太危险，有冇可能要求嗰犯放咗个细路女先。”展sir思索片刻，提出建议。
Madam庄亦赞同时下送药不现实，遂电联劫匪讲数。
“谭志朗唔同意放人，佢话可以揾人送药入去，但条件系净可以系一个人，同埋必须女仔。”放低电话，madam庄转达劫匪要求。
“阿强，你入嚟control room。”展sir对住话筒道。
等full gear的文强撤回指挥中心，换下装备着返便装，展sir将哮喘药交俾佢，文强话自己阿爸亦有哮喘，佢识得点样用药。
“送药只是幌子，阵间嗰犯开门俾你可能系一个机会，sniper会埋位，如果有机会一枪爆头最好。如果冇，我哋迟啲会组织强攻，最紧要系确保人质，尤其系细路女嘅安全。”小雨帮文强装上内入式耳机，又在衣襟里缝入微型话筒，最后戴埋安了微型摄像头的平光眼镜，试机成功后，展sir拍拍她的肩叮嘱了句“注意安全”。行过学礼身边，他伸出只拳俾佢：“小心”，她抿抿唇团起手和他的拳头对碰，留下一句“你都一样”，便在众手足的关切目光中出发了。
果然冇咁好彩，虽然门是开了，但开门的是被谭志朗揸枪指住满脸惊惶双眼通红的舒子丽，由门打开再到关上，sniper team只能眼睁睁看着文强的后脑勺消失在瞄准镜里。
进门后，嗰犯照例搜身，好在警方有嗮准备，文强贴身的短袖衫加埋长裤，一眼睇嗮，确实藏唔到嘢。
搜过身，在嗰犯的监视下，文强帮哮喘女童喷埋药后，亦被舒子丽照嗰犯指示反绑双手，和其他人质一起蹲在烟花围起的矮墙后面，而嗰犯则拉着舒子丽用枪抵住她嘅头在场内行嚟行去，冇几耐又狂躁地对住蓝牙耳机叫嚣起来：“到底仲要几耐啊！我要见我细佬！你哋系咪呃我啊！”
似乎电话里警方正在进行解释安抚，“我唔理你哋咁多，俾多你哋最后半个钟，再见唔到我细佬嘅话，我就不客气了！第一个杀的就是太子女！”说着他朝棚顶放了一记空枪，棚内棚外诸人听到枪响心都是一震，舒子丽已是哭到麻木，文强身边这些本就惊魂未定的人质，更是纷纷尖叫抽泣起来。
虽然从摄像头可以看到是放警示空枪，展sir还是和文强取得联系确认现场情况。
“冇嘢，冇人受伤，不过我觉得啲犯情绪越来越唔稳定，我惊迟啲可能会出事。”文强在周围一片饮泣声中低头快速报告。
“阿强，你睇有冇办法引开嗰犯嘅注意力，等佢唔好关注门口，我哋两分钟后会强攻入去。”
“收到。”

“啊～啊～”文强身旁的嗰个哮喘女童蓉蓉突然又周身颤抖尖叫起来，虽然细路女分贝不高，但坐于她隔离的文强却听得特别清楚。
“乜事啊妹妹？”文强忙问，千其唔好喺呢个钟数发病。
“有～有～有老鼠！！！”蓉蓉将头埋到文强胸前，不敢抬头。
“唔使惊，慢慢爬过来姐姐右边。”虽然头先舒子丽被吓到懵懵啲，但好在力气不大，反绑的绳结文强已经松开，但此刻未到时机表露，思索片刻，文强对住蓉蓉的耳轻轻说了几句。
“救命啊！救命啊！”计埋时间，30秒倒计时，文强嚷了起来。
“又乜事啊？”拉着几乎行唔到的舒子丽，谭志朗走过来不耐烦地问道。
“嗰妹妹哮喘又犯了，唔该你啊，解开我只手，我要帮佢喷药。”文强作势恳求道，蓉蓉虚弱无力靠于墙上，喘不过气来的样子极为真切。
“鬼死咁麻烦啊！你，过去解绳子，警告你哋，唔好玩嘢啊！”用枪指指舒子丽落order，谭志朗看了看表又扭头睇门口。
舒子丽委委屈屈地蹲下身，却见文强的手已经解开，不由“啊”了一声。
“乜事啊又？”谭志朗不胜其烦转头，忽然大门轰然倒下，跟住催泪瓦斯带来浓烟滚滚，霎时迷茫所有人视线。谭志朗知大事不妙，还想扫射，却被人一脚踢掉了手中的枪。
戴住红外线透视镜的学礼等人迅速穿过浓烟，将其制服，掌门和星仔押着他出去，其他sdu也帮手扶起人质出门。
“冇嘢吧？”透视镜里的世界只得绿黑两色，见文强被熏得直流眼泪，学礼问道。
“冇。”文强闭起眼睛，用力吸吸鼻子，忽然感觉脚边一沉。
“Larine！”两人试图搀起她，却发觉她毫无知觉。
“等我抱佢出去，你行先。”学礼打横抱起舒子丽，跟着文强离开摄影棚。
才跨出门口将昏厥的舒子丽交给外面的手足，学礼就听到身后一声闷声重响，他回头，见是钢筋支架上的大型射灯掉落在烟花堆上，火花四起，忙喊：“小心爆炸！”话音未落，他已被热气掀翻，冲天的响声瞬间穿透摄影棚顶，火花四射。