回复：【乱入】礼强脑残粉YY【原创】（顺序乱）（不定时更新）

人生何处不相逢 - 陈慧娴

谁在黄金海岸，谁在烽烟彼岸？你我在回望那一刹，彼此慰问境况。

【亲密爱人】
　　　　放了两个礼拜的大假，文强感觉周身都可以长蘑菇了，原本返英国探亲的安排最终变成了瞒住屋企人留在香港养伤，真是有点无奈。终于可以返总部训练，所以她几时都觉得，健康最宝贵。
　　　　这一段天气又反常的回暖，让训练都没那么辛苦。不过不是所有人都这么觉得，比如庄sir——文强归队后不久换咗他受伤，又是帮新手训练个阵整亲。他一直怀疑自己跟菜鸟们的气场严重不合，前几年bob仔入队都累他伤过一次，今次高空速降见只菜鸟又无绑实保护带，他拉拉声冲上前拖住，先会搞到右手脱臼，都怪自己太小只啦。话系话，虽然自己是左撇子，但整亲右手好多嘢都唔方便，慧慧飞长途未归，阿韬唔俾自己归队，Madam庄落咗order要他好好养伤。其实怎样才算好好养伤啊，脱臼嗰位打住石膏郁唔到，去边度都好似杨过咁独臂有型，家姐阿韬返工他咪陪住超叔Pauline姐咯，反正佢哋都好欢迎他这只电灯泡。夜晚咪陪住佢哋去PC吧开下工，见返班手足听佢哋吹下水咁，累他受伤嗰条友后尾俾B team要过去了，B team原来嘅狙击手申请调职，缺人手。都好噶，费事见到佢都不免记起这记伤啊。
　　　　这晚在PC吧，班手足又在happy hour，连转做文职兼做埋凑仔公很久没出来夜生活的妈打都终于得闲浦头，真是有种回到从前的感觉。
　　　　“是了Madam，下礼拜你生日喔。”贱仁执着啤酒，突然想起什么似的道。
　　　　“是啊，怎么了？”跟小雨正聊着女生话题的文强转过头问。
　　　　“冇啊，净系问下你有冇乜庆祝计划啫~”贱仁带点故意地笑笑，“似旧年咁庆祝都几好喔~”
　　　　“好心你啦贱仁，madam实要跟阿礼二人世界嘅，唔通你要我哋全team集体做电灯胆？”掌门打岔道。
　　　　“我哋仲未plan到，似旧年都得架，反正每年都系咁啦~”文强倒是无可无不可，入sdu以来的生日一直都是班手足同自己庆祝，弥补了家人不在身边的遗憾，也都成习惯了。
　　　　“咁，讲好咗，我听日去订包厢。”贱仁望望远处跟轩仔光仔妈打一起打桌球的bob仔，一副得逞的表情。
“你起身啦，嚟啊，食早餐。”见文强出了卧室，学礼忙招呼她道。
　　　　“你嚟咗？咁早嘅……”初冬的早晨犹是有些冷，文强扯扯身上的抓绒睡衣，行到餐厅，“你整啲乜啊，好香啊。”
　　　　“鸡汤面，太阳蛋。”边解释学礼边将自己那碗面从餐盘移到桌面上，“牛一快乐。”
　　　　“唔该嗮。”原来是生日寿面啊，真是有心了。文强嘴上笑笑，心里则是笑开了花。
　　　　见文强吃完太阳蛋，学礼又道，“哪，食咗粒蛋，要听教听话先得架。”
　　　　“乜啊，我又唔系细路。”文强不服地撅起嘴，食蛋黄，有皇管，俞学礼你当我三岁小孩啊。
　　　　“乜啊，你睇你宜家嗰样，唔系大细路系乜。”学礼坏笑着伸手捞起手机即刻影低她抗议的萌样。
　　　　“喂，手机俾我~”寿星当然即刻伸手来抢了。
　　　　“唔俾，就当你弥补今晚我唔得二人世界，要分女朋友俾成村人嘅损失。”摇摇头，俞sir有时也不是那么好说话加埋小心眼记仇的。
　　　　“俞学礼你仲嬲啊，我估唔到你真系咁小气~”白眼~白眼~白眼飞过去。
　　　　“换你我就唔信你唔嬲~”毕竟是两人交往以来文强的第一次生日，学礼自觉气得有理有据。
　　　　“好啊，咁你继续嬲啦，我去换衫返工。”寿星倒是不觉得自觉有太大不对，sorry当晚也说过啦，他仲想点呀？放低餐具，起身回房，留低嬲嗰个人收拾现场。

　　　　在泥地里摸爬打滚了一整天，说不累也是假的，但也习惯了。唔使出动，平平安安又是一日。收队返总部冲凉换衫，大部队分几辆车浩浩荡荡往KTV驶去。
　　　　还是旧年嗰间KTV，还是旧年嘅包厢，但唔似旧年咁寿星女俾古惑仔调戏，同埋旧年寿星女嘅生日愿望都成真了。
　　　　A team班手足轮流献歌给飞虎之花，虽然佢哋面对匪首大盗确是冇得顶，但论唱功，除开展sir同轩仔，其他人只能说是麻麻地。包括bob仔都系，不过人哋真情一片都有感情分加啦，一曲《月亮代表我的心》唱到肉麻如入无人之境，班手足集体起哄要呢pair亲一个，madam怕丑，就是唔肯呢。唔肯唔紧要，班友仔都有计。唱到攰咪玩下游戏咯，庄sir话，玩传薯片，特登照顾两名女仔，小雨轩仔最前，学礼文强殿后，其他人排中间，一个眼色大家咪知点整蛊寿星咯。庄sir坐在学礼前一位，等星仔将那片被大家啃到七七八八的薯片叼到阿源面前，真是所剩无几，阿源抿唇含住薯片转身喂给学礼，趁未离唇当机立断咬开薯片，学礼嘴边就剩下那一小条，转身传给文强，鬼都知是要整蛊佢哋两个啦，但愿赌服输点都要玩到最后一刻，文强抿抿嘴小心翼翼含住学礼凑过来的薯片，突然阿源一发力，学礼整个人都扑到文强身上了，anyway，当众表演这种事，不管你想不想，都是要做的嘛。一边好事者如贱仁，一早就摞定手机等住影这一幕啦。
　　　　笑笑闹闹过后，搬出蛋糕熄咗灯，终于又到许愿吹蜡烛嗰刻。低头闭上眼，将双手抱拳置于下颚，文强开始许愿。学礼目不转睛盯住看，难得她有这么娴静温柔的一刻，当然要看个够。许完愿bob仔帮手文强分蛋糕，不知有心定无意，分到最后寿星女和佢条仔两个人只剩一只碟一只叉，咪分食蛋糕咯，两个人你一叉我一叉的秀恩爱，闪瞎全队人的眼。
　　　　食过蛋糕再玩多一阵，全队人也收班了，点都要留埋啲时间俾bob仔同madam二人世界的嘛。回到住处楼下，学礼揽住文强的腰等电梯：“今晚开唔开心啊？”
　　　　“开心啊，有人买单梗系开心啦。”抬头望今晚荷包大伤嘅金主，文强很故意道。
　　　　“哎，今晚原本我book咗山顶餐厅睇夜景，你话，点补返俾我啊？”迈入电梯间内，深夜只得佢哋二人。俞大少摸摸女友的头，见她仰起的小脸因着饮酒和兴奋，泛起淡淡红晕，动人非常。
　　　　“最多出年嘅今晚预留俾你咯，你话好嘛？”
　　　　“好，说话算话哪！”学礼瞪大对眼强调到。
　　　　“阿sir，我不嬲都系牙齿当金使嘅，你同我放心啦。”文强拍拍男友的鸡扒胸，带着三分醉意七分快意道。
　　　　电梯到楼，文强本打算回自己公寓，学礼却揽着她往自己那边走。
　　　　“好夜啦，我要返去冲凉啦。”文强出声道。
　　　　“夜都夜了，也唔差一阵啦。”学礼并未放松搭在文强腰上的手臂，单手开门，复又悄悄按动裤袋内的遥控，客厅吊顶四角昏黄的角灯亮起，音响也流淌出潺潺旋律，“May I dance with you，Darling？”学礼弯腰伸长手邀请文强。
　　　　“Sure~”文强挑挑眉放低肩上的背包，将右手放进学礼的手中，左手揽上他的肩。
　　　　学礼左手托住文强的掌，右手搭在她腰上，两人在梅姑的金曲《亲密爱人》中共舞。
　　　　“今夜还吹着风
　　　　想起你好温柔
　　　　有你的日子分外的轻松
　　　　也不是无影踪
　　　　只是想你太浓
　　　　怎么会无时无刻把你梦……”
　　　　窗台边插着的玫瑰花伴着晚风飘来阵阵清香，惬意非常。文强轻靠在学礼肩上，脚下缓缓移步：“点解你咁中意啲旧歌啊？”他车上的CD也好多上世纪八九十年代的金曲精选。
　　　　“旧歌好听啊，你唔觉咩？”bob仔心中从来都认为他认可的就是最好的，老歌也好，份工也好，怀中人也好。
　　　　“觉，似你咁，成个人旧旧啲……”想到早上上车之后，这人递给自己一个利是封，背面写着“祝苏文强小朋友快高长大”，文强就真是很想笑，边有人女友牛一派利是做礼物的啊，真是懒得用脑。
　　　　夜渐深，客厅里的旋律早已散去。卧房里两个依偎在一起的身影正睡得香甜，长头发的那个转了个身，颈间一条银质的项链于青丝中若隐若现。

其实《亲密爱人》，我最中意郁可唯版

　　“哇，阿妈，你又煮咁多餸，我返嚟三天已经肥咗两斤了。”闻着饭香，文强放下和侄子康仔打得正劲的游戏手柄，冲进餐厅望望成枱面的菜，摇摇头朝厨房嚷道。
　　“女仔唔好太瘦，你睇下你比前年瘦咗咁多，训练咁辛苦，顶唔顺嘅。”苏妈端着刚煲好的花胶杞子鸡汤由厨房走出来。“带康仔去洗手了，仲有，顺便叫你阿爸同阿礼来食饭。”
　　“喔，来，康仔来洗手。”文强撇撇嘴，揽着尾随自己冲过来的侄子去洗手间，两人洗过手，见他自觉自发跑到餐桌边帮苏妈摆碗筷。文强走出门口，对花园里的两个男人喊道：“阿爸，阿礼，开饭了。”
　　“收到！”正蹲着重漆篱笆的学礼停下手里的动作，将刷子和油漆桶摆到一边，直起身走过来。
　　“阿爸，阿妈话食饭了。”文强走过去抢下苏爸手里的园艺剪，搀他起身。
　　“知了，我剪埋呢两颗嘛。”苏爸还想夺回剪刀。
　　“唔使啦，等阵留俾阿礼剪咪得咯！”说着文强回过头瞥了瞥后面的那个人。
　　又系我？学礼愕然地伸出手指了指自己，见文强回头，即刻摆出一副笑眯眯的样子，翘起手指比OK状，“是了世伯，剩下的下昼等我嚟搞。”
　　等苏爸进房去洗手，看学礼坐在玄关换下沾了油漆渍的工作衫，文强开声：“忙咗成朝，攰唔攰呀？”
　　“OK啊，比不得你叹世界咁轻松啦。”
　　“阵间康仔去瞓晏觉，我陪你漆啊！”
　　“唔使，你摞把遮摞瓶水企我隔离就得了。嗯，惗唔到你梳孖辫仔都好似呢啲民国剧里嘅妹仔，嚟，叫声少爷听下。”换好衫，学礼站起身用手勾勾她下巴，带着坏笑道。
　　“俞少，你再唔去洗手餸都凉了，唔系要成村人等你一个吧？”文强拖着他的手推他入洗手间。
“阿妈，你唔使一直夹餸俾佢啦，等佢自己嚟。”见学礼的饭碗上堆满了菜，文强出声道。
　　“做乜啊，咁你就呷醋啊？又是你自己话食我嘅饭肥咗，我先唔夹俾你。”苏妈半是玩笑半是负气玩味道。
　　“乜啊，我边有肥到~”学礼在一旁，文强才不认自己胖，连忙抗议。
　　“唔紧要伯母，我食，我食肥啲咪显得阿强瘦咯。”学礼连忙打圆场，成桌人听了之后都在笑。
　　“你肥咗我仲中意，肥啲手感都好啲。”趁大家没注意，学礼轻轻在文强耳边道。
　　“讲乜啊你！”文强又羞又好笑，踩了桌下他一脚，父母面前到底要放庄重些。
　　“小姑姑同学礼叔叔讲悄悄话！爷爷话食不言寝不语！”坐在文强隔离的康仔忽然揭发。
　　“好你个二五仔，亏我陪你打咗一个上昼的game！”文强在康仔的小屁屁上扭了一下以示惩戒。
　　“食饭食饭，康仔，大人的事唔使理。”苏妈忙给康仔夹了只虾，“嫲嫲剥虾俾你食哈！”
　　康仔瞥瞥隔离忽然又有主意：“我唔要嫲嫲剥嘅，我要小姑姑碗里嘅虾！”正给文强剥虾的学礼，给康仔剥虾的苏妈，伸着筷子预备夹虾的苏爸，和嘴里含着虾的文强，闻声不由周身一僵。
　　“自己剥自己食，唔使剥嚟剥去！”终于以苏爸一锤定音收场。

暂时就酱了，上次更的时候还在拍流氓皇帝，现下已经在拍张保仔了。希望下一更不用等到新剧开拍的时候。

自从上年拉咗田少，冇人嚟搞搞阵，元朗围村清净了好多，齐妈的日子也好过了不少。
“齐妈，点解咁多饼嘅，食唔食得啊？”将背包摆低在沙发上，文强就睇到茶几上有成盒细个阵至中意嘅传统喜饼。
“三婆嘅孙女琴日过大礼派嘅啦，中意食咪摞去咯，我一个人边食得嗮咁多啦？”齐妈手里拎了新鲜摘下的冬瓜笑笑应到。
“三婆嘅孙女，好似系我小学同校喔~”文强没客气地拆了一包饼来尝，“仲系咁好味喔，细个阵至中意食哩种味了。”吃着饼，文强慢悠悠踱到厨房看齐妈煮餸。
“系啊，佢同你同阿齐都读同间学校，好似叫乜，都系姓苏，苏乜莲？”正给冬瓜切段的齐妈努力回忆了下。
“啊，我记起了，叫苏凤莲，佢嫁咗啊？三婆梗系好开心。”三婆得返一粒孙女，唔锡佢锡边个呀！
“三婆梗系开心啦，如果你嫁咗，我同你阿爸阿妈仲开心。”
“齐妈你讲去边啦？”幸好学礼在菜地整水喉，如果唔系，听到齐妈咁讲，实以为自己有多恨嫁。
“男大当婚女大当嫁，使咪怕丑？”冬瓜在齐妈的快刀下变成一片片方块，只待入锅。
“哎呀齐妈，十字都未有一划，讲哩啲做乜啊？”文强不想纠结在这个问题上。
“齐妈，水喉整好咗啦，入面嘅橡胶片老化咗，已经得嘅了。”话音未落，学礼就拎着螺丝起子进门来。
“多谢你啦，阿礼，快去洗个面，煮埋哩味餸就开饭了。”齐妈热情招呼道。
“好啊！”摆低工具，趁行过特登捏了捏文强嚼着喜饼鼓囊囊的脸，学礼自去洗手间清洗。
来不及打掉他的贱手，拍拍手中残存的饼屑，文强入厨房帮手开饭。
食过晚饭，又小坐了一会儿，告别齐妈，两人沿着围村慢慢闲逛。
“哩个水塘，真系害人不浅，我细个阵喺哩度差啲淹死，居然仲未建围栏啊！”旧地重游，文强指着个两米见方的水塘道。
“我知，健哥话你嗰时都唔识游水，好彩阿齐拉返你上来。”虽然宜家识游水，但都无必要走到咁近，阵间跌落去咪大镬，学礼揽着文强条腰朝小径内侧走。
“大佬几时同你讲嘅啊？点解我都唔知。”
“做乜啊，你呷醋咩？唔抵得我同健哥咁friend啊？”学礼刮刮文强的鼻头，“我仲知道好多嘢，比如话，强哥~”
“你讲乜啊？”听到这陌生又熟悉的花名，文强真是一阵头疼。
“做乜，阿豪叫得我就唔叫得啊？”那天明明就听车佢哋去医院的邻居三番四次咁叫佢，佢都冇炸型，后尾先知呢单嘢背后嘅故事。
“哪，我警告你啊！你再咁叫，我即刻反面啊！”真是此生最憎花名之一，阿豪嗰个衰仔，文强喺心入面骂佢一千遍。
“冇咁劳躁，听日唔系要同阿源佢哋试妆，因住生多几条皱纹，夹死乌蝇都得！”
“理你都嘥时间！”啊啊啊啊啊啊点解佢条仔把口咁衰！一定是琴晚happy hour嗰阵同贱仁倾太多嘅关系。
“奇怪，点解今日条路塞成咁？”学礼开着车在隧道车河里慢慢游，虽然话周末晚高峰，照计都唔应该慢成咁。
“系喔，唔系前面出咗乜交通意外吧？”文强忙将车载广播从音乐调频扭到交通台，原来是前方隧道出入口发生事故，载着化工原料丙烯醛的罐装车侧翻，造成丙烯醛泄露，因为泄露量较大，且挥发严重，需要即时封锁路面，等待消防署危害物质专队前来处置。
“唔系吧？宜家都八点九个字，等到清理干净放行，最快都要到半夜……”这种事，以前守环头的时候两个人或多或少有经验，比普通交通事故阻路的时间更长。
这时隧道里也响起广播，交通运输署的工作人员请隧道里的司机乘客少安毋躁，工作人员会进行疏导，尽快安排大家离开。
从隧道入口出返嚟，都接近十点了。因为这条隧道瘫痪，到处都排起长龙，另条隧道亦是堵到爆，就算兜远路，都不太乐观。
“不如今晚冇返去啦，睇呢个情况，十二点都返唔到屋企。”学礼揸了两个多钟的车兜兜转转还在元朗，虽然不比当初狙击观测训练的四个多钟难挨，却也不相上下了。
“冇返？咁喺边哪？”文强好像没想过这个可能。
“住酒店咯，你唔系惗住瞓车吧？哇，madam，我都唔知你有咁开放，你想嘅话，我唔会say no嘅～”
“痴线～”什么时候了还乱咁开玩笑，文强赏了柴科夫一个白眼，又道，“但系我想返去啊，慧慧佢哋book咗听朝九点试妆，我惊赶唔切。”
“听朝早啲起身咪得咯，宜家返去都夜瞓啦，听日试妆效果咪仲差？我揸主意啦，唔拉拉声揾酒店因住又似长洲嗰次咁，间间爆满。”学礼调转车头回元朗市区。
早上俾电话吵醒的文强原本就处在唔够瞓的状态下，经过堵车一役愈发疲累。进到酒店房里，也没推辞，即刻冲凉入睡。
学礼冲过凉，将两人换下的衣物call了room service送去干洗，又拿起文强放在床头的电话帮她充电，忽然想起什么，将她电话解锁，调出通讯录中某个人的条目，按下block键。
终于可以安心睡觉了，定好闹钟，爬上床，sniper的伴郎将伴娘揽进怀里，早唞啦各位！

头一次睇到我粉嘅西皮有咁勉强嘅船戏。。。你哋唔好夹硬来啊！

【路边课堂】
“成team人到齐嗮，就差你哋两个了，仲以为你哋唔嚟添！”掌门家新开的武馆剪彩，文强和学礼姗姗来迟。
“点会啊！讲咗嚟实嚟嘅！”学礼双手作揖道，“掌门，恭喜恭喜啊！”
“世伯，掌门，恭喜啦！”文强忙将贺开张的花篮递过去。
“多谢madam，多谢阿礼，一阵拜神嘅烧肉食多件啦！”掌门换了一套簇新的唐装，令舍有老板的架势。
全team人排在一起合影，企喺最旁边嘅sniper同隔离嘅bob仔发起不动唇耳语神功：“明知今日有嘢做琴晚就唔好搞到madam咁攰了，你睇佢对眼圈几大，系人都知你哋琴晚搞乜嘢啦！”
“咁你就误会嗮了，我系有能力搞到佢咁攰，但我冇啊。琴晚小怡扭记，要佢唔要我抱，又唔瞓，一放低即刻喊。氹女氹到三点几，系咁上下啦。”俞sir连忙表明自己有几咁无辜。
“宜家知凑仔女有几辛苦了挂？之前仲笑我……”sniper几淡定咁回串。
“你条仔都系慧慧凑多啲，慧慧飞咗咪系Pauline姐帮你睇住，你辛苦到边啧？”bob仔不服。
“咁你仲有冇plan生多个啊？我睇你哋近排踢嗮脚咁。你知啦，呢啲嘢始终早做决定早好嘛，madam话嗮年纪都唔细了，迟啲生分分钟变高龄产妇，危险一年多过一年。你睇我家姐生女嗰阵时，几咁凶险。”
“暂时唔生住啦，点都要等小怡返学先考虑追多个。话系话，你嗰时有冇咁早开始帮阿贵申请学校啊？”不是没考虑文强的年纪问题，但生孩子又不是上网竟投买到就算，生出嚟仲要凑大，边可以一下子handle到n个啊。
“你唔系宜家仲为睇定吧？要排队轮候嘅啊。不过你点同咧大少，你爹地使但赞助几间名校俾小怡拣咪得咯。”sniper讲完瞄了瞄俞大少变黑嘅面色，复又到，“不过返学都系讲缘分嘅，我哋嗰时虽然申请咗，但宜家读嘅呢间都根本唔系嗰时拣嘅，我觉得等小怡大个啲，识得发表自己嘅意见先睇学校都赶得切，话嗮系佢返学，都要佢中意先得架！”
“咁又系，我同阿强再商量下。”学礼默默记下庄sir的心得珍藏。
“你哋倾啲乜啊？头先影相倾到宜家。”文强递了装了烧猪肉的一次性纸碟过来。
“冇，阿礼问我贵贵似小怡咁大嗰阵扭计点算。”阿源接过纸碟，“话系话，小怡第二次预防针打咗未呀？”
“就系打咗先扭计啊，第一次打针都唔会嘅。”文强一副苦恼至极的样子。
“可能适应唔到挂，bb大个咗敏感咗，贵贵第二次打针都扭计扭咗成个礼拜。”
“唔系吧？成个礼拜？”学礼唔知唔觉张了嘴一副不敢置信的样子。
“呃你哋我有执数咩？”庄sir一副“过来人”你哋好自为之的样子，“不过都有可能系出牙先至扭计，可能唔关打针事，你哋check清楚啦。”
俞生俞太对视一眼，一副受教良多的样子，想必身在武馆心在家中，惗紧返去check check嗰女出咗牙未啦！

爪机发不了歌喔。。。呢part我中意配
《promises don't come easy》

擦干头，涂好保养品，温习完今天的书，学礼也冲完凉，掀起被子两人窝到床上，有人陪的冬夜果然就没那么冷。
“慢住，点解会有呢样嘢！”本来预备关灯的文强发现被面上的反光体，拿近看，居然是枚…condoms，两人面面相觑。
“你知唔系我嘅啊！”见老婆望向自己，学礼忙立表清白，当年生了恒仔他就去做了结扎，真的N年没用过这个了。
“都唔系我嘅啊！”文强和学礼对视，两人似乎想到了同样的可能。
“唔系吧，小怡咁细，冇可能嘅。”学礼搔搔头道。
“屋企得返四个人，恒仔仲细，连生理卫生堂都未上过，唔系你唔系我，仲可能系边个啊？”
看文强掀起被子一副预备深夜兴师问罪的样子，学礼忙拉住她，“慢住先慢住先，我哋惗下仲有冇其他可能。”这种事情可大可小，还有个更细的细路在，如果误会咗都不得了。
“等我睇下……”学礼认真研究起这枚证物，设计精致简单，咦，这个暗纹logo好眼熟。“头先呢件衫呢？”俞生推推老婆。
“边件啊？”俞太苦恼得一脸懵懵啲。
“阿源叫你买嗰件喇！”
“喺度啊！做乜喈？”文强下床从柜桶里揾返件衫，递给学礼。
“你睇，应该系赠品嚟架，唔关小怡事啦！”学礼摸到内衣的商标和condoms的一起指给文强看。
“哇，吓得我！” 定睛一看，果然没错，文强拍拍胸口，松了好大一口气。
“死阿源，累街坊！”学礼将件衫同件嘢一起丢在床头柜，亦是出了一头冷汗。
“好了好了，没事了，瞓喇。”文强这次终于可以安心地关上灯。
“话系话，唔知今时今日啲嘢同我哋以前用嗰啲有乜唔同喔？”关上灯俞生显然都睡意未至。
额，你都咁多年未用我咪都系一样，我点知喈？俞太心里在翻白眼，“你想知你咪试下咯！”讲完俞太就知衰……
“哪，你叫嘅啊！反正听日礼拜六，晏啲起身都唔紧要。”行动力迅速的俞生已经在take action了。
“喂，听日大年三十了，要返大佬度啊！”都唔知佢呢排点解咁…热情。
“放心，我唔会留啲咖喱鸡俾其他人睇到嘅，净系我先可以睇。”额，俞sir果然言出必行。
打定前手，俞生伸手到床头柜，撕开包装，一股陌生又熟悉的气味扑面而来，连身下的人都感觉得他整个人一僵：“乜事啊？”
“你自己睇～”俞生无力地拎起啲嘢，毕竟俞太嘅心头好有时都唔系好啱俞生胃口。
“喔～”俞太了解地摸摸那个很受伤的人块面，居然会咁啱嘅～
“点解会系榴莲味啊！”不标在包装上搞什么飞机，一点都不是惊喜而是惊吓好吗？这种想当年真的一点都不友好。
“算了算了，扔掉喇！”其实她都唔系好明，啲嘢有乜好试。
“老婆，我系咪好唔掂啊？”反身躺低将她搂进怀里轻哄。
“唔系啊，你都几叻啊。”轻抚他揽在自己身前的双手，对男人啊～有时候必须捋捋毛。
“嗯，都系你最好，抵锡。”啜吻她脸颊。
“好眼瞓喇，瞓了好唔好？”
“嗯，晚安好梦！”
“好梦！”

“啲嘢执好喇？”年初四晚，文强听到脚步声，问道。
“系啊，你喺度做乜啊？”学礼挨着她坐低。
“恒仔件冷衫脱咗线，都唔知佢去边度玩，真系曳～”文强执起剪刀剪断线头，大功告成，复又顺手摞住剪刀训夫，“返去之后你要睇佢睇实啲喇，唔好成日嬉皮笑脸了。”
“乜喈，我不嬲都睇佢睇得好实喇！”学礼不服，提出上诉，顺便从她手里收过把剪刀，“唔系last night你要摞住把铰剪同我讲嘢吧？”
“咁我冇嘢同你讲喔，我去冲凉了。”将儿子的毛衣叠起摆埋一边，文强摞起床头的浴袍往浴室走去。
“等埋我喇！”

“你真系冇嘢同我讲啊？”浴缸里，搂着文强靠在自己右边膊头，学礼边用左手给两人抹沐浴乳，边不死心地追问。
“我问你仲有冇嘢要同我讲先系真。”
“做乜一副嬲爆爆嘅样啊？边个得罪咗你？”
“边个到last night都仲系唔讲，即系边个得罪咗我咯！”
“乜喈～你究竟讲紧啲乜嘢啊？”学礼感觉快要绕不出这个话题了。
“讲呢样嘢啊！”文强一个转身反骑在他身上，右手摸上他左边腹部的一处，学礼的笑容顿时僵住了。
“老婆，你咁样同我讲嘢，我专心唔到喔！”学礼扮笑脸顾左右而言他。
“唔好转移话题，呢个伤系点得返嚟嘅？”madam不为所动，挑挑眉继续审问。
“你都知嘅，十几年前喺医院追嗰个逃犯受嘅枪伤咯，使咪问呀？”
明明伤口上仲有簇新的粉红色新生组织，佢系当自己系盲嘅吗？“好，我俾你机会你都唔讲，路系你自己拣嘅。”文强嘟着嘴站起身，拉起架子上的浴巾往自己身上裹，一脚跨出浴缸。
“老婆老婆，你唔好嬲了，我讲我讲。”见文强来真的，学礼也坐不住，忙起身自后搂住佢，陆续坦白。
“就系咁了，做手术系家姐签嘅字，daddy mummy都唔知，我原本都唔想瞒你，但都冇乜嘢，真系冇必要累你担心，所以都冇话你知，你唔好嬲我了好唔好。”说到最尾，都带着几分低声下气了。
“第一晚我睇到就知有问题了，问过阿源系点，一路等你讲，估唔到你咁有耐性一路都唔出声。”文强转过身，又好小心咁朝伤疤上摸去。
“我都知，乜都瞒你唔到。”学礼明白天都光嗮，揽住她，吻了吻她纠结的眉心，“冇嘢喇，好小事喈，你睇伤口都系咁细一旧。”
“我哋系夫妻，唔系唔俾私人空间你，但受伤咁大件事，点都要同我讲先得噶。”难怪有个礼拜打电话回去，小怡同恒仔都是在学恩家里，学恩说sdu临时有训练任务所以先帮细佬睇住佢哋两个，自己当时也信了。
“好喇好喇，下次一定话你知，唔瞒你好唔好。”学礼知理亏的是自己，忙落保证，见佢盯着自己，先知又讲错嘢，拍了拍误事的嘴，又忙举起只手发誓，“唔系唔系，我系话冇下次，冇下次。”见她表情渐渐放松，才又撒娇道，“陪我泡完好唔好，你披住浴巾我可是乜都冇着，好冻啊。”
重新揽住老婆浸入浴缸，俞生从受伤那日起就绷紧的某根神经亦终于放松，见老婆双眼微红，心疼得不得了，忙为她抹泪：“一啲都唔痛，你冇喊喇。”
“我边有喊喈，系啲沐浴液唔小心整入眼入面嘛。”
“好喇好喇，等我帮你清干净。”却不是开大花洒冲眼睛，而是轻轻柔柔朝微红的眼眸吻上去。
一吻终了，“其实我都好唔称职，你受伤都唔喺你身边。”许是水都有些冻了，俞太不由往他怀里靠了靠，俞生也紧了紧搂着她的手。
“傻了，你讲乜啊？又唔系特登唔去探我，你有嘢做嘛，同埋我都有人照顾，你唔知宜家啲姑娘都几索～”说着还故意拍了拍怀中人的翘臀。
成功被逗笑的人弯起胳膊肘给了下面那个人一下。
“你啊，又哭又笑，黄狗濑尿！”下面那个人可是不当回事，反正这些年都受惯她的胳膊肘了，捏着她的脸点评到。
“俞学礼你话我系狗，咁你自己系乜嘢啊？”俞太打掉他在自己脸上作怪的大手。
“我咪系公狗咯。”唔俾捏脸，咪捏第二度咯，做人要识变通嘛。
离人的夜，都未必萧索难顶，俾彼此信心，几耐都可以挨过去。

【你最珍贵】
“你真嘅唔同我一起去啊？”上班路上，揸紧车的学礼问坐在副驾驶座上的人。
“你同Uncle Antie返乡下祭祖，我又唔系你边个，使咪去呀？”揸着手机上网的madam瞥了他一眼，没好气道。
“哇，你咁讲系乜意思先？”路口红灯前面车子排起长龙，学礼缓缓停下车，探过身来故作大力地努努鼻子。
“你做乜啊？”古古怪怪！
“你嗅没嗅到一阵酸味好重啊？哪～老实讲，你系咪提我你已经惗紧成为我边个，俾我啲贴士同埋心理准备先？”学礼点点文强鼻尖道。
文强拍开他那只扰人的爪，斜睨了他一眼：“都话咗你唔好睇咁多电视剧了，想象力过剩～”呢排文强收工要上泰拳班唔得闲陪佢，结果学礼居然迷上了煲剧，跟个师奶仔咁边追边跟文强安利剧情。
“乜啊？你唔知喇，宜家播紧嗰套几好睇啊！剧情系有个筋肉人中意咗个泥水妹，但系嗰个泥水妹呢几冇自信，都唔够胆去信任嗰男仔。系咯，嗰泥水妹同你仲有一样嘢好相似。”反驳起来俞sir又开始安利剧情了。
“乜啊？”原本睇紧手机的文强听到跟自己有关，也不由扭头问下。
“就系～畏高咯！”前面交通灯转绿，学礼撤回身子启动车子都不忘卖个关子先讲。
“专心揸车喇，咁多嘢讲～”明明自己现在都不畏高了，仲要摞嚟讲，madam梗系唔开心了，俞sir你都傻傻啲。