对，应该是弗，写成勿也可以，弗的声母在上海话中浊化了。
还有，讲有弗有的不多，一般是讲“有否”，其中否发音为va

譬如，侬身边钞票有否？

谢谢一楼，那第二个问题有高手回答伐，还有一个词的写法，上海话“收拾”说成“收作”，钱老师的输入法写作“收捉”，哪个写法更好？

我比较欢喜前者，收作

我查了吴语协会“否”，宁波，苏州，上海，发音都是“feu"，我晓得”否“是”口伐“的原字，写成有否有估计弗来三。

兰州是个用心人 要是大家都像兰州那样 就不会白字满天飞了

我是写输入法的，如果用字错误就会误人子弟，钱老师输入法错误忒多，我只好逐一检查，有不懂的就只好来请教各位了

秦安

钱老师输入法只是第一版，有待增补，改进。
常用的汉字字符集，未考虑吴语，有些字寻弗着，也不奇怪。

应该是有勿有吧，不止是勿子，好像是这样的。

错了，应该是有弗有，刚刚打错了

搿两个字是相通个，写成嚡里一个侪可以。
顺便讲一声，“勿”字个本义是旗帜，从甲骨文里向看出伊是一个象形字，就像一面旗帜，顺风飘扬。《说文》里向讲，勿，州里所建旗。
“弗”字是一个会意字，当中两根木头弗直，用跟绳子绕起来，所以伊个意思是矫正。《说文》里向讲，弗，矫也。
“不”字也是一个象形字，本义是花托。《诗经》里向讲：“常棣之花,鄂不韡韡。”就是搿个意思。
但是，伊拉最后勒辣语言个发展里向，拿自家个本义侪淘汰脱了，而作为否定词，千百年来一直畀中国人所用。
所以讲呒没必要勒辣迭个两个字浪纠缠，作为上海人，相对来讲，是弗会用“不”迭个字个，至于“弗”搭仔“勿”，就看侬习惯浪向用嚡里一个了，伊拉勒上海闲话里向是同音个。

楼上研究真深啊，钦佩不已

谢谢楼浪向个夸奖，弗敢当。
我个人赞成侬所讲个“弗罢”个写法。
“罢”就是“停止”个意思，“弗罢”就是“不止”。
《广韵》里向讲：罢，薄蟹切；（boh ha切，就是ba）
《集韵》里向讲：罢，部买切；（bu ma切，就是ba）
《韵会》里向讲：罢，皮驾切。（bi cia切，就是ba）
弗管嚡里一本书里向，对于“罢”字个注音，侪是“ba”。
所以我认为，楼主是对个。“弗罢”个写法，是正确个。
至于《吴音字典》里向，“罢”字呒没“ba”迭个读音，我认为是伊拉疏忽了，应该补上去。