新Monday 
P148-152  |   试新室  2010-12-10

早排广州市政府为咗配合主办亚运，刻意推行普通话，禁止电视及喺广播中使用粤语，虽然最后件事拆掂咗，不过「撑粤语」已经成为当地嘅口号。而身为香港人，每日都用广东话沟通，又点会唔关心呢？
粤语系本土文化，确实要保留，但就咪以为文化梗局系闷嘢，查实都可以好好玩。好似Google推出嘅广东话语音搜寻服务，真系你讲得出，佢就搵得到！唔少网民重极力大赞有心思。今期就利用Google地图再配合新款定位相机，带大家玩转尖咀??正确啲应该系尖沙咀先真。

LG Optimus Chic（E720）直接用更方便
广东话语音搜寻功能的确方便，不过既然系Google出品，又点会唔益番自已友先得?？所以大部分Android手电已经内置咗Google Search功能，用法同iPhone版相同，安装嘅时间都悭埋。至于最新嘅广东话版，就支援Android 2.1系统以上嘅手电使用。
LG最新嘅E720系旗下第2部采用Android 2.2系统嘅手电，换句话讲，即系有得用啰！今次就特别搵嚟同大家实测一下，睇下系咪真系咁掂。
至于功能其实都好扎实，备有3.2吋HVGA高解像芒，用嚟上网、睇片都咁掂，内置嘅多款本土Apps，更啱港人需要。另外，又有LG独家分类资料夹功能，捷径同Apps 嘅排列相对更清楚，设计细心。
首页即用Google Search功能重可以摆出嚟直接用，连开App 嗰几秒时间都悭番。
极速搜寻搜寻速度唔差得过iPhone，试过讲「尖沙咀」3个字，只系用2-3秒时间就分析成功。
搵厕所唔掂人有三急搵厕所（红圈）都系路在口边，问人好啲，因为试咗几次，都唔知出咗啲咩……
搵酒店满意搵酒店就唔同，有清楚嘅资料显示，拣「地图资讯」，重有埋电话同地图提供，又可以即时设定路线，超劲！
Spec.制式：GAM 850/900/1800/1900、HSDPA尺寸：112.5×57.9×12.9mm重量：132g备用/通话时间：450hrs/330mins功能：3.2吋HVGA 26.2万色触控芒、500万像镜头、Android 2.2作业系统、Qualcomm MSM7227处理器（600MHz）、512 MB ROM、512 MB RAM、Wi-Fi 802.11b/g、蓝芽2.1、USB 2.0、microSD卡槽$2,880查询 LG 3543 7777
Android 2.3亮灯Android 2.3介面做咗啲改良，速度同反应更有效率，logo更变成姜饼人添！同时更加悭电。而介面背景改用黑色，配合高亮度嘅图示，变得比而家更清晰。另外，虚拟键盘就有更明显嘅分割隔篱等，不过我最关心都系??咁咪可以对应更多劲Apps？

CASIO EX-H20GGPS全球定位影灯饰
睇完Google语音搜寻位置有几方便，系咪发觉尖沙咀真系咩类型嘅建筑物都有呢？虽然搞到成个石屎森林咁，不过都有佢嘅好处?！讲紧嘅咪就系圣诞节外墙啲灯饰啰！若然影灯饰之余，又可以记低埋喺边度影，就更值得留念喇！
CASIO最新推出嘅EX-H20G数码相机，唔单止影灯饰掂，最劲系会利用Hybrid-GPS全球定位搵出用家位置，就算唔开住部相机，佢都会继续进行定位检测，以缩短开机后再次定位嘅时间。咁咪好食电？呢层大家可以放心，厂商话呢个功能耗电量极小?！而且更会喺相片之中加入埋坐标资讯，同时内置咗全球140个城市嘅地图，当成导航装置边影再边搵靓灯饰位，要影齐成个尖咀嘅灯饰都冇问题啦！
快速定位掣想知自己究竟喺咩位置？机顶就设置咗2粒定位快捷掣（红圈），左边系搵出自己确实位置，右边系搜寻附近有啲咩建筑物。
15倍zoom避人群灯饰咁靓，当然引嚟唔少龙友争位影！唔想佢哋入埋镜？得！利用15倍变焦再举高部机，咁咪避得晒啰！
高清录短片重支援HD高清拍摄功能，一次过尽览全景灯饰，唔使四围走攞景咁麻烦，而且短片亦会有埋地点名称同时定位。
经纬度提示除咗普通相片资讯外，有埋地方名称及地图经纬度数值，话你知张相企喺地球嘅边一点影。
Spec.像素：1,410万变焦：15倍光学屏幕：3吋LCD（46万像素）感光：Auto、80 - 3,200光圈：f3.2 - f5.7快门：1/2,000 - 1/2秒记忆：microSD、SDHC尺寸：103×68×29 mm重量：172g$3,280查询 捷成洋行 2926 2300