༼གསེར་ཞིང་གཡུ་ཡི་པད་མོ།༽
ཚིག དྲེལ་དཀར་བློ་བཟང་ཤེས་རབ།
དབྱངས། བསྟན་འཛིན།
ལེན་མཁན། བདེ་སྐྱིད་མཚོ།
གནས་ཕ་ཡུལ་སྐྱིད་པའི་སྨན་ལྗོངས་ནས།
ཆུང་ན་མཉམ་གྲོགས་དང་ལྷན་དུ་རྩེད།
སྐད་སྙན་མོ་གླུ་ཆུང་ལེན་ལ་དགའ།
གསུང་སྙན་པའི་བུ་མོ་འཛོམས་པ་སྐྱིད།
གསུང་སྙན་པའི་བུ་མོ་འཛོམས་པ་སྐྱིད།
འབྲོག་མཐིང་སྨུག་སྦྲ་ཡི་ནང་རོལ་དུ།
སྣུམ་ལྕུག་ལྕུག་སྐྲ་ལོ་རྒྱབ་དུ་བསླས།
ཁྲ་ལྡེམ་ལྡེམ་གོམ་པའི་འགྲོ་སྟངས་ཡག
ལུས་ལང་ཚོ་མཛེས་པའི་ལྷ་མོ་སྐྱིད།
ལུས་ལང་ཚོ་མཛེས་པའི་ལྷ་མོ་སྐྱིད།
ཤེལ་དཀར་པོའི་ཁང་ཆུང་གྲུ་བཞིའི་ནང་།
རྒན་ཕ་མ་བྱམས་བརྩེས་སྐྱོང་ལ་མཁས།
ཆུང་བྱིས་པ་སློབ་གསོས་འདུལ་ལུགས་བཟང་།
སེམས་བཟང་བའི་བུ་མོ་མེ་ཏོག་སྐྱིད།
སེམས་བཟང་བའི་བུ་མོ་མེ་ཏོག་སྐྱིད།
རྩི་མེ་ཏོག་བཞད་པའི་སྤང་ཐང་དུ།
ཕྱུགས་རྟ་ནོར་ལུག་གསུམ་རྗེས་སུ་འབྲང་།
ཆུ་ཆུང་ཆུང་འགྲམ་ནས་མོན་ལོ་འཐུ།
དྲིན་ཕ་མའི་གཅེས་ཕྲུག་ཟླ་བ་སྐྱིད།
དྲིན་ཕ་མའི་གཅེས་ཕྲུག་ཟླ་བ་སྐྱིད།
དྲིན་ཕ་མའི་གཅེས་ཕྲུག་ཟླ་བ་སྐྱིད།