其实从鸡爷转会可以睇到呢单转会同以往中超引援好多唔同，唔止系价钱问题，睇返下以往中超外援
一唔系打紧中低级别联赛
一唔系过气球星譬如赞卡之流
一唔系就靠租借，譬如迪亚高兄弟
可以讲中超对待外援基本上就系对待“外人”层面上，打得好就留，打得唔好就踢，无边间球会有o念过将外援当成自己人甘去培养，再加上中超既水平同名气，甘样就决定左外援年纪都唔会细，真正有实力既基本上都系过晒当打之年。
反观恒大买鸡爷就好大唔同，24岁、买断、4年合同、明尼路核心，甘样既收购在中超可以话系不可思议，但放到国际球坛上却系再正常不过既事情。
可以讲恒大唔系将鸡爷当成外援，而系当成自己人甘去培养，甘样既转会操作更符合国际球坛规律，系一种长远发展既眼光，令中超联赛更进一步同国际接轨，如果恒大既引援操作可以取得成功，相信对中超各队今后既引援观念都会有所影响，会有更多妖人进入中超，特别宜家足协开放自由转会制度，甘样对球会、联赛以及球员本身都会系一个良性发展。
所以如果恒大今后买外援都系按照鸡爷既操作方式，真系买“年轻、实用、有升值潜力”既球员既话，虽然可能个名大家都无听过，但我个人绝对比签舒夫珍高、朗拿度更加期待。