栢芝圣诞冇得陪仔劲心噏
张栢芝前晚通宵拍戏后,昨日仍精神奕奕出席又一城的「救助儿童会」《织善冷帽》慈善义卖日2010,为慈善不遗余力。一身便服的栢芝在台上说:「我由18岁出道到依家30岁,生咗两个好得意嘅BB,自觉好开心同好幸运!经历咗咁多事,上天对我好厚待、好优待我,我想帮助多啲有需要嘅人,几辛苦我都会抽时间做慈善工作,帮人系我一向嘅目标!」
趁后生圆梦
栢芝更畅谈近月「复出」拍戏,每日拍足20多小时,身体疲累但心灵却开心,因回家后有爱儿欢迎:「我宁愿牺牲瞓觉嘅时间,都要陪仔女!」将到内蒙拍戏的她坦言,担心当地严寒天气:「我依家震腾腾,早两日听到内蒙受30年嚟最大风雪袭击,所以好担心!圣诞会喺内蒙过,有少少心噏,唔可以陪老公同仔女,不过唔紧要,拍完戏我就会全情投入番佢哋身边!」
栢芝表示大仔Lucas要返学,细仔Quintus则未懂得认人:「我觉得趁后生,应该做自己钟意嘅事!我最大兴趣就系拍戏,当囝囝再大个啲,我会全身重返妈咪嘅角色!」另外,有工作人员上载栢芝拍戏时替收音师拿咪的相片,原来她体谅工作人员10日没睡,即义务为大家减轻工作量。

向来爱心爆棚的栢芝,大受小朋友欢迎

栢芝难得出席公开活动,吸引不少市民围观