龔嘉欣自爆終於有劇拍
.
視后龔嘉欣出席昨（8日）晚出席TVB盆菜宴，她笑言今年氣氛不同，以往會趁機為頒獎禮拉票，今年則可以跟台前幕後同事一起談談天和影合照。談到總經理曾志偉宣布離任，她覺得不會有大影響，亦相信公司不會有大變動，自己作為演員向來都是做好本分，今年會繼續努力拍劇和做綜藝，坦言每次接到新工作都會有壓力，會盡力做好工作。提到行政主席許濤宣布加人工，她笑言自己沒有注意人工，高興過去一年工作量大豐收，她說：「拍咗好多廣告亦做咗好多想做嘅事，希望新一年繼續豐收！」
她透露正準備入劇組，詳情待公司公布，開劇前會忙其他工作，又笑指即將播出的烹飪節目《在家宴客60道菜》內容勁爆，指去年拍第一季時，拍檔主持說希望節目能將她嫁出去，但結果仍然未，今次對方會替她幫幫眼，又叫她要學習多放電。問到脫單是否應請教林盛斌？她笑指對方一直誤會她已名花有主，故未有把她加入跟進清單，強調自己現時仍單身，但覺得不用把她加入清單，認為感情事隨緣。
TVB超话收起

艺人访问丨龔嘉欣馬年預告4月返劇組拍新劇 自爆正與圈外對象了解中
.
馬年伊始，新科TVB視后龔嘉欣動作連連，繼2月攜《企業強人》劇組登陸深圳衛視春晚獻唱亮相後，近日接受香港文匯報專訪時，預告將於4月正式重返劇組拍攝新劇，事業上繼續尋求多元突破；而向來對感情事低調的她，今次罕有鬆口，坦言正與一位圈外對象互相了解，更自爆約會不介意去茶餐廳、大排檔，貼地態度圈粉無數。
入行16年的龔嘉欣，演技向來備受觀眾認可，早前在《萬千星輝頒獎典禮2024》上，憑《企業強人》中方芳一角，擊敗楊茜堯、林夏薇等勁敵，首奪「最佳女主角」寶座，完成個人獎項大滿貫。其敬業態度與亮眼表現，更為她贏得TVB「2025年下半年度傑出員工獎」，成為TVB史上首位同時拿下視后與傑出員工榮譽的藝人。
面對公司與觀眾的雙重肯定，嘉欣直言既開心又緊張，形容這份榮譽是錦上添花：「呢個獎就好似公司嘅一個Icon，我要繼續做好個好榜樣。不過亦唔會因為咁有壓力，全因自己工作態度一向如此。」被問到會否將演藝事業當成終身職業，立志成為汪明荃一樣的「鎮台之寶」，嘉欣就笑言從未想得太長遠：「真係無諗！我個人向來都係順住走，經常覺得人生有好多唔同機遇，會喺唔同時候發生，所以真係冇諗太多。」
除了演戲本業，嘉欣近年不斷跳出舒適圈，嘗試演藝路上的更多可能。去年她不僅跨界擔任台慶司儀，更踩入高收視節目《東張西望》擔任直播主持，驚喜表現令觀眾眼前一亮；為拍攝《一日打工限定》，她更親身上陣體驗吸糞通渠等艱苦工作，毫無偶像包袱。踏入馬年，這位熱愛挑戰的視后直言，希望今年仍有機會嘗試新事物：「去到呢個階段，仲有機會試新嘢好難得，今年都會繼續朝着呢個方向走。」除了4月即將開拍的新劇，她早前完成拍攝的懸疑都市奇幻題材劇集《香港探秘地圖》亦有望與觀眾見面。

張曦雯專訪｜《臥底嬌娃》挑戰蠢萌千金反差人設 大吐女團跳唱拍攝苦水
.
熱播劇《臥底嬌娃》中，張曦雯（Kelly）擔正女主角，以臥底身份偽裝成女團成員，同拍檔陳瀅、羅毓儀組隊潛伏查案，大晒同以往專業人士熒幕形象極大反差的喜感，為觀眾帶來不少歡樂。日前Kelly接受專訪，大談拍攝呢部女團主題劇集的點滴，仲分享咗自己對角色演繹的心得。
講到今次拍攝女團主題劇集最大的難關，Kelly直言全程都充滿挑戰：「成件事都好難！我哋本身係演員，Yuki有唱歌經驗，已經贏咗一大截。對我嚟講，平時登台都算應付到，但真係要學新歌、練歌，短時間內又要排舞、又要開工拍劇，真係幾辛苦。」
談到當初接到角色的感受，Kelly笑言自己都唔似係監製的首選：「可能係監製想俾個挑戰我。因為網民成日話我好似做唔到比較蠢嘅角色，可能睇落太聰明，所以今次呢個角色就係自以為聰明，實際上成日闖禍。仲有網民話我都做唔到窮嘅角色，哈哈！」
Kelly以往多數出演正劇同專業人士角色，上年《俠醫》先罕有嘗試貼地演出，今次再挑戰喜劇，佢就話冇刻意改變自己的演出方式：「我覺得呢個角色搞笑嘅地方，就係好認真咁去做劇本入面寫嘅傻事，只要劇本有呢個元素，我就盡力演岀嚟。」今次佢飾演的千金小姐，個性愛逞強、口唔饒人，成日出岔子，係劇入面的「論盡擔當」，Kelly仲分享：「就好似有場戲，我跟蹤人嘅時候，唔知點樣被燒烤叉篤到pat pat，我單睇劇本都覺得超好笑，就係要咁認真咁做一啲好無聊嘅動作，先有喜感。」
講到同陳瀅、羅毓儀兩位拍檔組成女團合作，Kelly直言一早就好期待：「同Jeannie合作之前，我已經猜到我哋可以做到好朋友，因為大家嘅性格、背景都好相近，都比較爽朗，好多話題都好夾，好容易就明白對方。而Yuki真係超級可愛，係一個好能提供情緒價值嘅朋友，就似身邊永遠有泡泡住一樣，讓人好想去錫佢、愛護佢。」佢仲話，成個拍攝過程同拍檔們有種出生入死的感覺，令大家的默契同化學反應都好咗好多，呢個體驗非常難得。
至於劇入面的跳唱場口，Kelly就笑言自己仲未敢睇成品：「希望播出嘅時候唔好好似攝錄機回放咁樣，有剪輯幫手修一下啦，哈哈！其實劇入面我哋本身就係一隊失敗嘅女團，所以大家覺得我哋唱得唔好、跳得唔好，其實係我哋嘅演技嚟嘅！」
TVB超话收起

阮浩棕自爆今年暫無劇拍密謀創業：年紀都唔細要兩手準備
.
藝人阮浩棕今日（13/3）現身荃灣，出席TVB年度慈善籌款節目《博愛歡樂傳萬家》記者會，為即將舉行的大騷宣傳造勢。今次是阮浩棕首度挑戰這個經典慈善節目的主持工作，由過往兩年的「慈善之星」身份，正式升呢坐上司儀席，與多位大哥級前輩同場拍住上。
接受訪問時，阮浩棕全程難掩興奮，直言等這個機會等了兩年：「過去兩年一直以『慈善之星』身份參與，今年終於可以升一級，同咁多前輩一齊主持。」被問到首次擔任大型慈善騷司儀會不會壓力山大，他就表現得相當淡定，笑稱完全不緊張：「有咁多高手在場幫手，萬一有什麼突發狀況都有人頂住，又唔係我一個擔正主膽，反而覺得心定好多。」
談及今年的工作規劃，阮浩棕就直言不諱，透露現階段暫時未有劇集拍攝安排，工作進度全數交由公司安排，同時亦坦言希望今年可以爭取到更多電視台前的演出機會。
除此之外，阮浩棕更首度向傳媒透露，自己正密鑼緊鼓籌備個人生意，計劃跳出演藝事業的舒適圈，嘗試多方面發展。他坦言，大學畢業之後第一份、亦是唯一一份全職工作就是演藝行業，一路做到現在，如今年紀漸長，自覺已經做好準備，為自己的人生做多手準備。
「覺得而家有少少餘力，既然有餘力，點解唔去多發展啲嘢？特別係依家年紀都唔細啦，人到中年，其實我都夠曬資格去報《中年好聲音》㗎啦，所以係時候要更加努力去拼搏下，想做多方面發展。」不過對於創業項目的具體細節，阮浩棕就暫時賣了個關子，只強調會一步一步穩步發展，待項目成熟之後，再正式同大家公布。