文颂娴甜蜜买家品
铜锣湾
时光飞逝，原来文颂娴唔经唔觉都已经去到33岁，由玉女变做中女，而近年大多时间系内地拍剧嘅佢，真系冇乜几可香港现身，不过，文颂娴搵钱之余，亦好顾住男友感受，一得闲即时返香港陪男友，睇唻呢段感情真系打风都打唔甩。
日前好姨系铜锣湾宜家见到文颂娴同男友Shopping，见佢好似小鸟依人咁，乜都问下男友意见，又不时发出甜笑，好姨见到佢咁幸福，都即时想恭喜下佢。唔知系咪经常内地拍剧，少同好姨来往，佢竟然向好姨投以一个凌厉目光，咁好姨都明，难得有机会同男友烟韧，又俾好姨打扰雅兴，系人都唔钟意啦，好姨见到咁环境，当然系声走人，但离远重见到佢哋买完俾钱离开，继续二人世界。


文颂娴同男友系宜家Shopping，重乜都俾男友嘅主意，十分体贴。

文颂娴发现好姨之后，即狠狠怒睥好姨，似乎系嬲俾人打扰拍拖。

佢哋买完即俾钱走人，近年劲赚人仔文颂娴亦大方俾钱。

佢哋走人时隔到老远，似乎唔想俾人知道拍拖。