有新文期待接下來的劇情

再接触（二）贱精龚烨
若水喺厕所出来啱想走，听到隔离男厕传来打电话嘅声音，开头佢某为意，但听真下好似系龚烨，于是佢凑近男厕门，果然系听到龚烨把声“梗系得咗啦！我系边个？以我嘅能力要留喺接龙有几难？姓费嗰个又点同我斗！”若水听到尼度一下推开男厕嘅门，正打电话嘅龚烨吓一跳“熊若水？”
若水气急败坏走到龚烨面前伸出手指指责佢“原来真系你做嘅！原来费坚系你使横手整走嘅！唔怪得大龙生会突然炒左费坚而揾你番来啦！正贱精！”
“阿熊副总监吖哇？尼度系男厕来，乜原来熊副总监你有突然冲入男厕嘅癖好噶？真系失觉嗮”
龚烨故意扯开费坚嘅话题，若水果然中计“咩咩癖好啊？死贱精你讲咩啊？”
龚烨笑笑，洗完手后慢慢走出男厕，贱贱咁话“哈？唔知公司嘅男同事知道熊副总监你有突然闯入男厕嘅特殊癖好会有啲咩反应呢？”
若水跟喺龚烨后面“死贱精你同我企喺度吖！咩特殊癖好啊？你个贱精喺度乱讲啲咩啊？！”
“哦？如果唔系有特殊癖好嘅咁点解熊副总监你会突然出现喺男厕？睇来我要快啲通知公司嘅男同事，免得佢哋遭你‘毒手’”
若水追前一步扯住龚烨“死贱精！唔好再乱讲吖！我某咩特殊癖好吖！”由于龚烨巧妙咁利用‘特殊癖好’尼个话题，天真嘅若水早已忘记自己冲入男厕嘅目的，宜家嘅佢只系心急想阻止龚烨散布自己嘅所谓‘特殊癖好’.
对住面前仍然扯住自己嘅嬲爆爆嘅女人，龚烨狡猾笑笑“阿熊副总监，你咁样扯住我系咩意思啊？唔系饥渴到咁想要吖嘛？不过就算你想，我都唔系随便嘅人，睇来你系揾错对象了”
面对一而再再而三讲自己坏话嘅龚烨，若水早已激到跳脚“死贱精你唔好再乱讲啦！我某咩特殊癖好更加某谂住男人！宜家我前世系咪同你有仇啊你要咁讲我？！死贱精你系咪痴线噶你！”若水讲完某再理龚烨，嬲爆爆咁转身走，望住若水发嬲嘅背影，龚烨嘴角微微上扬.
集体会议上敢威将一个重要项目交俾力莲，力莲提议揾若水帮佢，敢威同意，若水亦向敢威表示会尽力而为，仲讲咗唔会辜负大龙生同大小姐嘅信任之类嘅话，而喺若水对面嘅龚烨则望住若水神秘笑笑.

长岛酒店贵宾房 “梁生觉得我哋嘅企划书点样？”若水边帮个客斟茶边礼貌咁问，梁生“企划书系几好，但价钱方面就稍微高咗啲”若水“唔系吖梁生，个价钱其实...”“我想食...唔知呢度有冇呢？”梁生打断若水，若水识趣“我帮你去问下”然后走出贵宾房问侍应“唔该，我想请问有冇...”侍应“小姐你讲嗰个？依家尼个时间我唔知仲有冇喎，我要到厨房确认一下”若水“或者我跟埋你去吖，咁可以快啲知道吖嘛”“咁好了，小姐你跟我嚟”
若水同侍应走后，一个穿住西装戴住眼镜嘅男士进入咗贵宾房，梁生见有人入嚟但唔系若水，好奇问“你系？”嗰个男人伸出手摆出职业笑容“梁生你好，我姓龚，系接龙市场部嘅经理”一阵后，两个男人喺贵宾房外厄手“多谢梁生同我哋接龙合作”“彼此彼此，冇其他事嘅我走先了”“好嘅，咁我唔阻梁生你了，慢行”佢边讲边做咗个请嘅动作，而当若水番来时就只见到类似龚烨身影嘅人影喺转角消失，佢仲有啲疑惑“嗰个身影咁似龚烨嘅？”随即摇摇头“点会系佢？边有可能啊？”若水打开贵宾房嘅门“梁生你要嘅...咦？人呢？”佢四周望咗下，然后攞起台上嘅合同打开“梁生签咗了喎！太好了，终于完成任务了！”若水兴奋抱住个客签咗字嘅合同，竟然冇发现另一个签名唔系自己...
会议上，大龙生赞龚烨倾成单生意，若水谂起见到嘅身影，即刻明白，随即狠狠啤住龚烨，龚烨对若水投来嘅眼神扮唔知，而力莲因为若水冇倾成单生意而将佢教训咗一餐，当若水喺走廊见到龚烨时“死贱精！”龚烨回头堆出笑容“Mary姐，乜咁啱啊？”“嗰日你系咪喺长岛酒店？”“我唔明你讲咩喎”“仲扮嘢？嗰日我明明见到你噶，点解你会喺嗰个时候出现吖？你系咪跟踪我然后乘机抢我个客啊？”“咩抢抢声咁难听啫？我系帮你咋”“帮我？你抢咗我个客咁叫帮我？！”“嗰个唔系你个客”“你...”“系公司个客，同埋，你搞清楚，我冇抢你嘅，系你办事不力差啲得失个客，我帮你咋”“我咩办事不力啊？你乱噏啲咩啊？”“你系倾唔掂个客吖嘛，我冇乱噏噶”“咩倾唔掂啊？唔系你差只脚埋嚟...”“关我咩事啊？你嗰刻同个客倾掂了咩？佢应承你了咩？”“我...你...”“你咩啊你？唔系我帮你，个客分分钟去揾第二个了，仲轮到你尼个寻宝图嘅副总监咩？”“龚烨！”“其实你应该多谢我，如果唔系我，靠你嗰一成不变嘅谂法，个客早就走咗了”“我点做系我嘅事，仲轮唔到你嚟插手吖！”“成十年冇见，估唔到你都仲系咁天真”

“你仲好意思提十年？当初如果唔系你，我使冇咗份工？！”“系你唔识变通咋，当初如果你肯配合我嘅就唔会冇咗份工啦，系你嘅一成不变害咗你咋”“死贱精，你仲好意思讲？！当初如果唔系你屈我...”“妈呢空，我教精你了，出来社会做嘢系要识变通，要识得睇人眉头眼额，识做人先可以生存到噶，个个好似你咁咪等做职场食物链嘅最底层咯”龚烨讲完冇再理若水转身就走，而若水则对住佢大嗌“死贱精！我唔会信你嗰套噶！我就唔信唔跟你嗰套我会生存唔到！死贱精！”

再接触（三）天使的礼物
若水同杨洋一入初恋cafe，就见到龚烨企喺前台“阿龚”杨洋对住新老细打招呼，“啱了咩咩，杯咖啡我买多左，请你饮吖”“好吖”杨洋啱想接过龚烨杯咖啡，若水一下拦住“杨洋，啲不怀好意嘅人请嘅嘢唔好要”“Mary姐吖，唔好意思啊阿龚”龚烨笑笑“唔紧要”若水“杨洋我哋唔好理佢，我哋过嗰边”若水拉住杨洋啱走出两步，啱好群姐入来，龚烨笑住将杯咖啡递俾群姐“Hello群姐，我有多杯咖啡，啱唔啱吖？”群姐笑住接过“多谢喎龚生”“唔使客气了群姐，其实唔使叫我龚生咁见外嘎，叫我阿龚咪得咯”“好嘅，阿龚，咁你都叫我lsabella”“好吖，咁我以后就叫你lsabella”望住龚烨‘阿谀奉承’咁嘅样，若水低声咁嫌弃“连群姐都唔放过，正cheap精！”
尼日若水入cafe后照常同寻宝图众人坐一齐，当佢哋正在讨论圣诞节活动时大龙生同Helen走过来，Helen“放心啦，今年圣诞唔系交换礼物了”“咁大龙生今年系咪有新意思吖？”“系，今年嘅圣诞主题系‘My guardian angel’”“我的守护天使？”Helen“某错，今年会以抽取嘅形式，每人将自己嘅名字同想要嘅圣诞礼物写喺张纸度，然后每人轮流抽，抽到边个就要做边个嘅守护天使，同样被抽到嗰个就要估下边个系自己嘅守护天使，而做守护天使嗰个就要尽自己嘅能力满足被守护者嘅愿望，尼个就系今年圣诞嘅主题活动”大龙生“尼个全新嘅主题大家系咪觉得好有意思？”若水「唔系吖嘛？尼啲嘢我小学嘅时候已经玩过了」龟缩明「咪就系啰，小学已经玩过嘅大龙生都竟然话系新意」豹叔「啲小朋友嘅游戏重温下又无妨嘅」David「你哋唔好咁多意见啦，大龙生仲喺度嘎」众人「放心，我哋唔会讲出来嘅」“大龙生谂得真系周到，真系好有意思吖”大龙生“有意思就得了，Helen，你做好准备”Helen“知道大龙生”
龚烨来到人事部，见排队嘅人已经排到出门口，佢绕过众人直接走到Helen处，若水一下拦住佢“想打尖吖？睇下其他人放唔放过你？”
龚烨拍拍攞住嘅礼品袋“我唔系来排队嘎，我系来送嘢俾Helen嘎”然后转过身对住Helen并将礼品袋递俾佢“Helen，尼啲系我哋市场部啲客户赠送嘅礼品，借花敬佛”
Helen“咁客气吖，多谢嗮喔阿龚”
龚烨“唔使多谢，我都系慷他人之慨啫”佢四围望左下“系了，点解今日人事部咁多人嘅？系咪有啲咩活动？”

Helen“哦佢哋都系来抽自己要嘅守护天使嘅”
龚烨扮唔知“抽守护天使？”
Helen“系吖，你抽左未？”“我某抽，我都唔知有尼个活动”若水听到龚烨话唔知有咁嘅活动，番左下白眼「正贱精咁都讲得出！」
Helen“咁你宜家来左顺便抽埋了”“好啊，多谢你Helen”龚烨啱想动手抽取时若水喺佢后面叫“喂死贱精！你真系打尖？”
龚烨转头“我某打尖，系Helen叫我抽嘅”
若水不忿“Helen啊，你点可以俾佢打尖嘎？”
Helen“Mary，阿龚佢一场来到，咪等佢抽先啰”“但是佢...”若水再想讲啲咩嘅时候佢后面排队嘅人开始投诉“Mary姐吖，咪由佢抽先啰，你再同佢拗天黑都未到我哋吖”“就系啰，有咩好拗，俾佢抽就系了”替众人不忿但就要俾众人怪，若水恶狠狠咁啤左下龚烨，某再出声，龚烨对佢‘笑笑’，伸手入箱抽左张，当佢手提到箱口时见到佢抽嗰张纸上写住‘熊若水，想要嘅圣诞礼物：手表’龚烨呆左下，趁人唔为意将手再伸入箱中，然后取出来“唔好意思啊Helen，我唔觉意抽多左一张，可唔可以再抽过？”
Helen“哦咁你重新抽过了”“Helen，点可以俾佢换来换去嘎？咁对我哋好唔公平嘎！”出声阻止嘅当然系若水，而喺佢讲嘅同时龚烨已经再抽左一张，抽完嘅龚烨同Helen道别后某理若水啤住佢嘅眼神，慢慢走出人事部，或者系天注定，若水抽到嘅竟然系‘龚烨，想要的礼物：手表’若水立即堆住笑对Helen“吖Helen，我都抽错左，有某得换吖？”
Helen“头先你唔系话换来换去好唔公平咩？依家你都系做紧同一件事喔”“我点同佢吖？我系...”“Mary姐！”若水理由都未讲，佢后面嘅人又开始，Helen“点吖？你系咪都要换吖？”“我梗系...唔换了”
番到寻宝图，若水喺座位上无精打采望住手上嘅抽签纸「个天系咪玩我嘎？点解会系我抽到个死贱精嘎？」
啱好寻宝图众人番到，若水立即走过去“系咪抽到边个就要送边个佢想要嘅嘢？唔送唔知得唔得呢？”欣欣“Mary姐你抽到唔送嘅话系会有厄运嘎”“厄运？唔会啩？”
送水辉“宁可信其有不可信其无啊Mary姐”“系吖，你估我系咪真系会信吖？”
David“做咩？你抽到嗰个佢要嘅嘢好难搞嘅咩？”“唔系，一般嘢来啫，如果唔系佢嘅话我系好乐意送嘅”
David“嗯？你系抽到边个咁为难？”若水某好气“咪嗰个咯”

收工后，唔信唔送礼会有‘厄运’嘅若水踏出接龙，点知佢啱出左接龙某走几步头上就突然中左雀仔嘅‘头奖’，而咁啱喺同一时间一架车从佢身边开过，地上嘅水就溅到佢身上“吖！有某搞错吖？点揸车嘎？咦...有某咁黑仔吖？一出来就连中‘两奖’？”佢突然谂起欣欣讲嘅‘抽到唔送嘅话系会有厄运’嘅话，打左个冷颤「唔系吖嘛？有某咁啱啊？唔会真系俾欣欣讲中吖嘛？但我宜家咁，又唔到我唔信喔，唔系了」若水马上截的士翻屋，清理好自己后直奔新威龙广场.
第二日，若水番到寻宝图，喺台面度见到一个小包装盒，佢攞起“咦？点解有份礼物喺度嘅？”
David“快啲拆开来睇下”若水将礼物拆开“系只表吖！我嘅圣诞愿望就是想要只表嘎！”
David意向鲜明咁暗示“咁梗系你个天使送嘎啦，有某估到边个系你嘅守护天使吖？”讲完直直望住若水，等待佢嘅答复，若水“咁我就真系唔知喔”龟缩明“吖，我今日番来嗰阵见市场部嘅龚烨喺你个位度走出来，唔知会唔会系佢？”“龚烨？”英进“个龚烨入过来仲要喺Mary姐个位走出来？”龟缩明“系啊，我亲眼见嘎”“咁唔使问一定系佢了”若水马上反驳“任何人都有可能，但系佢，就绝对某可能！”“点解Mary姐你咁肯定？”“因为佢系一个cheap精来，系绝对唔会送咁贵嘅礼物，更加唔会送俾我！”若水讲完番到自己座位，其他人仲继续“会唔会啊？佢份人咁nice？”“平时见佢都几有礼貌啊”“会唔会只系Mary姐对人有意见咋？”“喂！你哋讲完未啊？我听到嘎！一个二个仲企喺度仲唔做嘢？！”若水大喝一声后众人马上收声，立即进入工作状态，若水望住装表嘅礼物盒否定“真系佢送？哼！某可能！”
钟表市场内“你又话某可能系阿龚送嘅？做咩又来睇只表嘅价钱吖？”杨洋带住笑意同正睇紧表价钱嘅若水讲，“我来睇价钱咋，某话送俾佢吖，哇！有某搞错啊？万二蚊？”
钟表店员笑住同若水解释“小姐，尼款表系今年新款，原价系要12888，但宜家我哋公司搞活动，。只系需要8888，同埋宜家购买嘅话可以即时成为我哋嘅会员，以后凡来我哋公司购物都会有小礼品送，仲会有机会打七到八折”若水见个钟表职员望住佢，有啲尴尬“我睇下先，我考虑下”“咦？阿龚喔”若水顺住杨洋指嘅方向望去，见龚烨正向佢走来，若水将视线移开，唔想同佢有交集，龚烨停喺若水同杨洋隔离，钟表店员同龚烨打招呼“龚生”“咩咩，咁啱嘅？你哋又来买表？”杨洋“我系陪Mary姐来嘎”

龚烨对住若水摆出职业笑容“原来Mary你都系来买表嘎？”“我来睇下啫，我买唔买关龚经理你咩事啊？”“我都系随口问下啫，Mary你又唔使咁大反应嘅”“你讲咩啊你？”龚烨某再理若水，转向钟表柜“唔该俾我睇下嗰只”钟表店员同样笑住同龚烨解释“龚生你真系有眼光，尼款表系今年新款，原价系要12888，但宜家我哋公司搞活动，只系需要8888，同埋宜家购买嘅话可以即时成为我哋嘅会员，以后凡来我哋公司购物都会有小礼品送，仲会有机会打七到八折”龚烨攞住表望左一阵，职业笑对职员讲“只表我系几钟意嘅，不过...唔好意思，我都系睇下先”钟表店员惊龚烨会走，心急同龚烨解释“龚生只表宜家真系好抵嘎，我哋活动净系搞到今日咋，况且8888咁好意头，龚生你戴左实会风生水起啫”“只表系几啱我嘅，不过我今日...如果只表有人送就好了，唔好意思，我有嘢做，失陪先”龚烨讲完离开左钟表柜，而不远处嘅杨洋则同若水讲“原来阿龚都睇中嗰只表吖！Mary姐你买来送俾佢咪啱啰！”若水不满“佢想要咪叫佢自己买啰，凭咩要我送俾佢啊？”“咁系你抽到佢嘎嘛，况且你今日过来都系打算买嘎啦”“边个话我买？我过来睇下咋，个死贱精想要嘅叫佢自己买！我系绝对唔会送俾佢！”“但Mary姐你抽到龚烨嘎喔，你唔送真系唔惊会有厄运咩？”“厄运咪厄运啰！总之我系绝对唔会送表俾个死贱精嘅！”
龚烨office 若水不舍咁将手上嘅礼物盒放到龚烨台面“唉，结果都系买左，鬼叫人哋送俾你先咩？就当破财挡灾了”龚烨开门见若水喺佢office立即警惕起来“熊若水？点解你会喺度嘎？你系点入来嘎？”突然听到龚烨叫佢，若水微微吓一跳，回过神后“你唔好误会啊，我某掂你啲嘢嘎，我只系来摆低份礼物咋”“礼物？”龚烨走到办公桌前攞起台上嘅礼物盒打开“咦？系只表喔，仲系我钟意嗰只，多谢喔”“依家只表你收左啦，某咩事嘅我走了”若水讲完转身啱想走，龚烨叫住佢“你唔系唔钟意我嘅咩？做咩仲要送表俾我？”“咩钟唔钟意啊？关钟意咩事啊？系我唔好彩抽到你咋”“点都好了，多谢”若水某再理龚烨，但当佢走到门口时龚烨再次叫住佢“哎”若水转头“又点吖？”“帮我闩门吖唔该”“死贱精！”若水走后龚烨将佢送嘅表戴起“估唔到个妈呢空真系会送只表俾我，只表咁贵，礼貌上我系应该回番份礼物俾你嘅，只不过...你仲未值得，我送同等嘅礼物俾你”龚烨攞起市场部啲客送嘅样品，嘴角微微上扬“不过礼尚往来都应该嘅，尼啲应该会啱佢使”
若水番到寻宝图，David见佢手上某戴表，就问“咦你只表唔戴嘅？唔系你天使送嘅咩？”“嗰个贱精送嘅嘢我先唔想戴”“只表你唔钟意吖？”“唔系唔钟意，系唔想戴个贱精送嘅嘢啫”“睇来我真系失败，唔单止做左‘贱精’，就连我送嘅嘢你都唔愿戴”“David啊，关你咩事啊？我系讲嗰只龚烨咋，咩你送嘅我唔戴...咪住，你意思系，只表系你送嘅？”“系啊，我抽到你吖嘛”“唔系吖嘛David！你做咩唔早啲讲啊？你早讲嘅话我就唔使用成皮嘢来买只表啦！”“哈？你又买左只？”“系啊！我以为只表系龚烨送咪送番俾佢啰！点知原来系你！”“I'm sorry”若水哭丧着脸“只表成皮嘢嘎！今次蚀嗮了！”突然转态“唔系了，我上去问佢攞番先”若水讲完想走，David拉住佢“喂啊，你唔系真系谂住去问人攞番吖嘛？送左俾人嘅嘢唔好咁小气啦”“我唔系想小气啊，但嗰度成皮嘢嘎！”“算啦”“啊！我嘅一万蚊吖！”欣欣番到寻宝图，走到若水前“Mary姐”无精打采嘅若水“做咩啊欣欣？”欣欣将手上嘅礼物袋递俾若水“头先见到市场部嘅龚烨，佢叫我交俾你嘎”“俾我？”若水接过打开“市场部嘅样品？死人龚烨，收左我成万银嘅礼物，俾番啲唔使钱嘅样品俾我？死贱精！”

小插曲
初恋cafe “豪仔海南鸡饭”若水一入cafe就走到离柜台最近的台坐低，然后攞出电话刷屏，“豪仔海南鸡饭”龚烨一入门口就叫，“唔好意思啊阿龚，最后一个海南鸡饭俾Mary姐叫左”龚烨望向若水，若水则得意咁望番龚烨“系啊，最后一个俾我叫咗啦，唔好意思喎，想食嘅等下次啦”龚烨摆出职业笑容“唔紧要，Mary你钟意食嘅咪食多啲啰，我无所谓嘎”讲完走到离露台近嘅台坐低，若水得意笑笑“哼，抵你”坐咗一阵后，若水起身走向洗手间， 尼个时候豪仔攞住饭走过来“咦Mary姐呢？”龚烨望向洗手间位置，狡猾一笑“豪仔”“咩事呀阿龚？”“Mary佢走咗了，个饭俾我了”“咁好了”若水从洗手间出来，经过龚烨张台时见龚烨食紧嘅好似海南鸡饭，疑惑「点解个死贱精嘅饭咁似海南鸡饭嘅？」突然又摇摇头「冇可能嘅，最后一个都俾我叫咗啦」之后又等咗一阵，仲未见饭来，于是若水问豪仔“豪仔，我嘅海南鸡饭呢？仲未整好啊？定系消失咗啊？”“Mary姐你唔系走咗咩？”“你讲咩啊？我几时话走啊？”“系阿龚佢...”“龚烨？！”若水望向龚烨，龚烨笑笑“系我讲嘅，我以为Mary姐你走咗吖嘛”“你讲嘢啊？我头先喺你旁边经过嘎，你会唔知？”“我真系唔知喎，我哋只系同事，我又点会留意Mary你嘅行踪啊？”“讲得几好听啊，我就系你旁边经过，我就唔信你四只眼都见唔到？”龚烨“礼貌”笑笑“sorry，真系见唔到”“咁就证明龚总监你眼神唔好了”龚烨企起身走向门口“随便你点讲”若水得意笑笑，然后转向豪仔“豪仔我个海南鸡饭几时先得啊？我要番寻宝图了”“Mary姐你个海南鸡饭...阿龚早就食咗了”若水瞪大眼“佢食？！点解佢会食咗嘎？！个海南鸡饭我叫嘎！”“系阿龚话Mary姐你走咗叫我将个饭俾佢...”“你有冇搞错啊你？！点可以将我个饭俾佢嘎？！”“系阿龚话Mary姐你...”“系你个头吖！龚烨！！****精！”cafe门外，望住喺cafe内暴跳如雷嘅若水，某人狡猾笑笑...