驳中山日报“本土化不等於本地话”
睇到颠倒是非黑白、咁无水平嘅文章，真系火滚！
1、本土化梗系唔等於“本土话”，但作者唔应该否认粤语对实现本土化嘅重要性。粤语系中山本土文化嘅载体，系基础。如果脱离粤语又有何“本土化”可言？
2、作者认为普通话系为咗同外界交流，但另一方面亦都承认中山人嘅普通话已不错，其实系完全唔影响交流，请问重有必要如此推普吗？再者，沟通交流系双方面嘅，嚟到中山嘅外地人亦应该学识本土粤语同我哋交流，噉系尊重本土文化嘅表现！
3、我想请问一下作者，何为“祖国语言”？粤语唔系祖国语言咩？照你噉讲，粤语系会污染“祖国语言”嘅下等方言吗？
4、作者有提到“接纳普通话不会动摇本地方言的根基，只要它有足够的历史传承，文化积淀”。换言之，就系话：就算动摇咗方言嘅根基，亦都系因为方言无足够嘅历史传承，文化沉淀。噉即系将责任推喺我哋身上？
5、如果系要受众面越广越好嘅话，我建议用英语！