回复：【爱诗咏远】◆新闻◆五月开拍新剧超能使者～

陳凱琳被指再有喜 鄭嘉穎留家「孵蛋」 唐詩詠預祝湊「好」字
《星島日報》昨日獨家報道陳凱琳（Grace）再度懷孕，她的老公鄭嘉穎將再為人父，因Grace懷孕未夠3個月，怕BB小器故甚低調，嘉穎與Grace昨未回覆記者查詢，眾圈中好友表示收不到風不知情，唐詩詠昨出席新劇《超能使者》拜神儀式時就直言，知道「大哥」嘉穎一向鍾意女，希望嘉穎快點追到，兩夫妻湊成「好」字！
鄭嘉穎與陳凱琳（Grace）婚後誕下兒子鄭承悅（Rafael），Grace減少幕前工作專心湊仔。據知，Grace與嘉穎有共識，待Rafael一歲後再生小朋友，終於再度有喜的她，最近拍照似刻意遮掩腹部線條，亦因擔心BB小器，兩公婆未有向友人透露喜訊。Grace昨日更新社交網，分享與「少婦聯盟」好姊妹龔嘉欣的照片，記者昨致電Grace求證，惟她未有接聽，記者遂以短訊聯絡龔嘉欣，她亦未有回應有關Grace再懷孕事宜。
嘉穎全職湊仔
唐詩詠與林子善昨出席新劇《超能使者》拜神儀式時，談到好友鄭嘉穎將再做爸爸時，詩詠笑言：「咁驚、咁好！不知道，有冇咁快？沒可能，之前陳凱琳出席發佈會，見她好瘦，而且穿的高跟鞋好高。」問到有否聽到嘉穎提及再追小朋友？詩詠說也希望嘉穎快點追到，因嘉穎一向鍾意女，但嘉穎未有公佈，她亦不會去問他。
林子善坦言未收到消息，自農曆新年後亦未有和嘉穎見面，「知嘉穎在屋企『孵蛋』，而且在群組好少覆，他好緊張，兒子不會完全交給工人姐姐，現時他全職湊仔，以前被人覺得成日黑臉，但現時變了老爺、好慈祥，對住個仔便會眯眯眼。」
山聰穎鏇「拍拖」
曾和嘉穎合作《鐵馬尋橋》的馬國明昨表示，農曆新年到嘉穎家拜年探Rafael時，嘉穎未提及想追女，聽到Grace再有喜的消息很愕然，問到會否傳短訊恭喜？馬明稱要先證實消息，若消息真確當然戥嘉穎夫妻高興，希望他們追到女，一仔一女最理想！問到何時到他做老竇？馬明笑言有好消息就會樂意宣佈，目前他拍攝《BB大晒》，劇中有位女兒，算是先預習做爸爸！
詩詠等昨日亦談到新劇的話題，她說在《超》劇內要被人打，因在《唐人街》拍攝被打戲的反應獲監製讚不錯，故今次加入不少被打場面，她亦特別買多一份保險！陳山聰和劉穎鏇在《超》劇飾演歡喜冤家，山聰指監製透露有些少特別動作，後來得知動作戲集中在他與穎鏇身上，他們有很多打鬥動作鏡頭，由於要穿貼身衫，他們亦操到好Fit。穎鏇在《大步走》演他的女兒，今次則要演他的女朋友，但未知會否有親熱戲。穎鏇更說為了這個角色要忍口，很多東西也不能吃！
展鵬接洽唱片公司
陳展鵬則表示，開工兩星期已習慣，現時與女兒見面時間減少，幸好之前經常抱女兒睡覺培養感情。他亦承認有唱片公司接洽但未簽約，唱歌發展會交給經理人處理。展鵬曾當歌手，但因遇上金融風暴無緣出碟，令他感到遺憾和失望。他近年有較多機會唱主題曲及插曲，亦慢慢回復信心，希望有好的突破。有指展鵬續約無線開出的條件是要求自主歌唱事業發展，他表示與無線的經理人合約還有一段時間。

郑嘉颖想要女？唐诗咏：可能会似陈豪咁不停生
“视后”唐诗咏在将军澳电视城为TVB新剧《超能使者》开工，近期爱上跑步的她笑言从投剧组拍摄竟然出现“时差”问题，她笑说：“因为之前爱上咗跑步，每晚好早瞓，朝头早六点就去跑步，搞到依家开工到夜晚11点几就开始眼瞓，但系朝早六点几就醒咗，自己唔想放弃跑步，好想好似发哥（周润发）咁劲、咁坚持，依家朝早都照同林子善去跑，跑完再瞓再开工。”
诗咏透露跑友包括有江美仪，问到可有参加发哥的跑步团？她笑说：“冇可能，美仪已经系喺发哥里面最低级嘅，但系美仪其实已经好劲，我比美仪更低级，要追上佢先。”
讲到“阿哥”郑嘉颖宣布再做老窦，她说：“恭喜咗佢啦，我早你哋少少知。（知唔知系仔定女？）未知呀，我谂阿哥系想生女，可能佢会好似陈豪咁不停咁生，生到有个女为止，哈哈。”

爆鄭嘉穎陳凱琳要追女　唐詩詠：佢會不斷生不斷生
唐詩詠為到TVB新劇《超能使者》開工，開拍前休息了一段頗長時間的她，表示期間愛上跑步，因此生活習慣有了很大改變，再次投入拍劇也不習慣，詩詠笑說：「之前每朝6點起身跑步，所以每晚10點前瞓。而家開工通常到凌晨，去到11點左右就好眼瞓，但朝早又會扎醒，好似有時差咁。」新劇開拍至今，她仍堅持每朝起身跑步，因不想失去此良好習慣，並謂：「我目標要好似發哥（周潤發），可以咁犀利、咁堅持。」提到鄭嘉穎與太太陳凱琳（Grace）宣佈再度懷孕，問到可有送上祝福？詩詠說：「恭喜咗喇！（守秘密好辛苦？）都係早你哋少少知，係同Grace傾開佢講。（仔定女？）我都無特別問，知道陀BB有嘢唔講得。我淨係覺得佢會不斷生，不斷生，好似陳豪咁要生到女為止，所以今次份禮物可以輕鬆啲。」

唐詩詠開工受「時差」影響
香港文匯報訊（記者 梁靜儀）唐詩詠昨日返將軍澳電視城拍攝新劇《超能使者》，休息了一段時間再投入工作的她，直言因「時差」問題，雖已開工幾日，但仍未習慣。
詩詠近日愛上跑步，又經常會在社交網站分享跑步樂趣，她表示之前每日的作息時間相當穩定，晚上十點前便會睡覺，朝早六點起床，以致最近開工都感到很辛苦，她笑說：「有時要開工到凌晨，但每晚到十一點幾已經好眼瞓，成個人都好辛苦，但係朝早就好自然七點幾又會醒。（林）子善見我都起咗身，就捉埋我一齊去跑步，跑完步再瞓過，瞓醒就返工，現在開工仲未慣，可能過多一個月就OK。」她謂一直以來都很想跑步，亦因為跑步而認識多位跑友，江美儀便是其一，知道對方更跟隨周潤發一齊跑，自己都希望以發哥為目標。
另外，提到「阿哥」鄭嘉穎和太太陳凱琳（Grace）前日公佈將再次做父母，日前詩詠被追問到可知情時仍守口如瓶，笑問到守秘密是否很辛苦？她說：「只知道咗一陣，恭喜咗嘉穎同Grace，（可知係B仔定係B女？）未問，等佢哋公佈，（今次打算送甚麼禮物？）唔知佢哋會生幾多個，可能會好似阿Mo（陳豪）咁會不停生，追到有個女為止。」

詩詠爆陳凱琳為追女不斷生
　　(星島日報報道)唐詩詠昨日為到無線新劇《超能使者》開工，她表示開拍前休息了一段頗長時間，期間愛上跑步，因此生活習慣有大轉變，再次投入拍劇坦言不習慣。她笑笑說：「之前每晚10點前瞓，每朝6點起身跑步，目前開工通常到凌晨，去到約11點就好眼瞓，但朝早又會紮醒，好似有時差咁。」新劇開拍至今，仍然堅持每朝起身跑步，她說：「我目標要好似發哥（周潤發）咁犀利、咁堅持。」
　　陳凱琳日前宣布再度懷孕，問唐詩詠可有送上祝福？她笑說：「恭喜咗喇！（守秘密好辛苦？） 都係早你哋少少知，都係同陳凱琳傾開佢講。（仔定女？）我都無特別問，知道佗BB有嘢唔講得。我淨係覺得佢會不斷生、不斷生，好似陳豪咁要生到女為止，所以今次份禮物可以輕鬆啲。」

靠唐诗咏带入戏！伍乐怡萤幕初吻仲喺度
前港姐伍乐怡（Kelly）在将军澳电视城为TVB新剧《超能使者》开工，她以家居Look准备开工，剧中与唐诗咏住在一起，有不少对手戏。问到与视后唐诗咏拍剧可会紧张？她说：“自己经验唔够，初头有啲紧张，但系啲前辈好好，会带住我哋同分享心得，好开心接受呢个挑战。”
问到有甚么改善空间？她说：“都好多，譬如走位、灯光都要注意，唔止自己，仲要照顾埋对手，同埋掌握节奏都好重要。”她透露暂时所知剧中没有亲热戏，仍未献出萤幕初吻。

新劇夥拍唐詩詠　伍樂怡同視后合作嗌緊張
伍樂怡為新劇《超能使者》開工，她在劇中和唐詩詠有不少對手戲，笑言與視后合作感到緊張，因她作為新人，自覺經驗不足，幸好有不少前輩願意教她和分享心得。她未有透露是否有感情線，但笑謂劇中暫時沒有吻戲，日後如劇情有需要都能接受。

【激凶狠】唐诗咏辣手笃爆陈展鹏个鼻见红
艺人陈展鹏、唐诗咏、陈山聪、林子善和刘颖镟日前于深水埗为TVB新剧《超能使者》拍摄外景，剧情讲述诗咏指骂展鹏，而山聪亦与剧中女友刘颖镟闹交，结果各散东西。
拍摄期间，诗咏大声喝骂展鹏，既笃他的头，又扯他的衫，相当凶狠，指甲更刮损展鹏个鼻，堂当出血，记者笑指她休息一排，连声音都特别雄厚时，诗咏说：“系呀，依家好够中气，练好咗个肺。”
讲到笃到展鹏个鼻出血，问陈太单文柔会否心痛？她笑谓：“对唔住阿嫂，唔觉意咋！要叫小猪比锡番爸爸。”穿上露腰衫的她明显发福，她笑言：“休息半年冇嘢做，依家有跑步，又食多咗嘢，以前佢哋话我大食，依家仲大食，22吋嘅小蛮腰已经离我而去，要收一收先得。”
展鹏受访时仍抹住鼻血，他打趣说：“个鼻生得高真系好麻烦，好易出事，我依家40岁行紧鼻运，可能血光之灾畀诗咏破咗，之后拍动作戏应该好安全。”山聪的儿子快将出世，问他可有分享凑B经验给他，展鹏说：“见佢今日都有啲忐忑咁，可能好紧张，好有我拍《唐人街》时嘅影子，小猪比都系嗰阵出世。”
此外，剧中山聪、刘颖镟以不灵光广东话说对白，剧中山聪是内地国家武术队导师，身怀绝技，更有超力能，不过刘颖镟的广东话本身不灵光。山聪谓：“啲内地口音我练咗两个几月，老婆都有同我一齐对戏练，呢样嘢仲大挑战过拍打戏，因为啲音唔可以歪得太离谱，怕观众听唔明。”
刘颖镟笑言:“本身我自己啲音都系唔正，不过之后要配合山聪，要再讲歪啲，同佢有啲gag位。”讲到她今次的造型既露腰又露腿，她表示剧情指她于深水埗成长，性格开放：“造型都爆爆地！（之后会仲激？）未知，我觉得呢个已经好激！”
而林子善于戏内饰演山聪哥哥，是一名健身教练，更是一名“舞男”，他说：“依家都keep紧个body，要再乾身啲，之后同山聪都有场着吊带裤嘅跳舞戏，都几好笑，(识唔识跳？)我以前做dancer㗎！喺disco都见人跳得多，冇问题。”

冧到似“叫床”！唐诗咏任陈展鹏摷嗌大力啲
艺人唐诗咏与陈展鹏日前为TVB剧集《超能使者》，拍摄一场搞笑的按摩戏份，剧情讲述诗咏是临时演员阿头，陈展鹏就去当临时演员，点知诗咏见头晕坐低，展鹏见状即为她进行头部按摩，点知展鹏一出撒手锏，诗咏就冧叫，好似“叫床”一样。拍摄时展鹏将诗咏个头不等扭拧，又狂摷诗咏个头，他谓：“够唔够力呀？舒唔舒服？使唔使大力啲？”诗咏就回应说：“舒服，好呀！大力啲。”之后展鹏谓：“乜你咁易满足㗎！”
诗咏不断咿咿呀呀，每拍完一个Shot，她的头发都乱到雀巢一样，状甚好笑，今次诗咏尽地一铺，尽显丑态，拍了几次以为收货，殊不知监制突然谓：“嚟一个‘有美感’啲嘅。”诗咏都要等一等，谂一谂“美感”怎样演绎，不过贵为视后的她，当然一Take搞掂。
事后二人接受访问，诗咏笑言：“我谂住要夸张啲，喜剧感大啲，自己都豁咗出去，以最肉酸一面示人，但监制想有少少美感。”说到展鹏令到诗咏High爆之馀，自己都摷得好开心时，展鹏打趣谓：“梗系！我成日训练㗎！（帮老婆呀？）按摩啫！”在旁的诗咏又谓：“你下年又多一个（BB）！”展鹏即谓：“咁呢啲我嘅责任嚟嘅！”还大赞诗咏好嘢：“佢可以多条出路，我都冇掂到佢，佢反应都好好，好有潜质，我讲拍戏咋！拍呢啲戏最紧要有个好对手！”
诗咏坦言自己未试过拍此类喜剧，今次是一个挑战：“呢啲搞笑OK嘅，唔系意淫，好考演技，其实之前《唐人街》都有少少，不过呢套尽啲，最紧要拍出嚟观众睇得开心。

點都唔過電！馬國明飲靚湯　網民：唐詩詠點算
娛圈筍盤馬國明撻着表面上「大纜都扯唔埋」嘅女神湯洛雯（靚湯），呢個時候唔只令人想起其舊愛黃心穎，更令網民諗起佢「契妹」唐詩詠，又問「唐詩詠點算」

！馬國明同有「絕世好女友」之稱嘅詩詠傳足多年緋聞，但一直以兄妹相稱！喺馬國明同心穎分手後，唔少網民都集氣希望兩人拍拖，喺2月疫情較嚴重期間更被爆連日密會，大家都以為「兄妹情」升溫，原來只係一場空。而喺3月時，詩詠突然被指懷下「明種」大肚，馬國明更被誣衊係第三者，令一向低調嘅男方嬲到忍唔住出聲！去到5月，兩人又傳出閃婚，估唔到原來馬國明已經心有所屬鍾意飲「靚湯」，同詩詠真係只有「純友誼」！喺「明湯戀」爆出後，有網民去到詩詠Instagram留言希望佢搵到幸福，又話「詩詠😂你冇喇，本身馬國明很喜歡你，靚湯同你一樣又係金牛座....唔珍惜冇喇...」、「馬國明跟湯洛雯在一起了，你只能跟我在一起了！」而詩詠今朝一早就講佛偈，上載一張寫了「成佛，自己是自己最大的敵人，也是自己最大的守護者，讓自己的心真正覺悟，就是成佛。」嘅圖文，之後就同陳展鵬及王君馨開工拍《超能使者》，笑晒口咁心情唔錯！

唐詩詠被指佛偈回應馬國明新戀情 黃翠如：「呢兩日不停咁俾人整喊你」
東方新地
「唐詩詠點睇馬國明新戀情？」似乎係網民關注的焦點——自從33歲湯洛雯與46歲馬國明高調爆戀情後，圈中好友紛紛在ig留言送上祝福，作為契妹的39歲唐詩詠就保持低調未有在網絡留下蹤跡，在事件翌日就以佛偈回應，好友黃翠如更在日前無意間爆出一句：「呢兩日不停咁俾人整喊你」⋯⋯
文：東方新地
33歲的湯洛雯與46歲的馬國明被爆新戀情，兩人凌晨齊齊在IG甜蜜張貼「獨角獸挽着白馬」公仔相片公開戀情，公司同事對此消息都紛紛送上祝福，兩位主角人緣極佳，有派心心的包括高海寧、陳敏之、陳煒、黃翠如、苟芸慧、李施嬅、鍾嘉欣、蔡思貝、莊思明、莊思敏、呂慧儀以及岑麗香等等，唯獨一直以「契哥契妹」相稱、關係噯昩的39歲唐詩詠未有參與其中。
唐詩詠：「自己是是自最大的敵人」
唐詩詠在事件翌日晨早開工拍攝新劇《超能使者》期間，就以張貼了一幅佛偈「長輩圖」，內文如下：「自己是自己最大的敵人，也是自己最大的守護者，讓自己的心真正覺醒，就是成佛」
不甘被屈 ：「你們也不能理所當然」
由於佛偈是一種很玄的東西，無端端出沒在唐姨心底，仲要貼埋出嚟，難免被媒體捕風捉影按圖索驥，猜測係用作「回應」契哥戀情，不過相關報導刊出後，唐詩詠似乎不甘被曲解，留再度張貼Story譴責媒體「作古仔」⋯⋯
推介好姐妹新劇 方樂汶留言：「呢兩日不停咁俾人整喊你」
唐詩詠最近投入拍攝新劇《超能使者》飾演異能人，但都不忘為好友黃翠如宣傳新劇《那些我愛過的人》，黃翠如就感性留言「呀，太甜了啦，你呀，唔好整喊我啦⋯⋯⋯ 咁呢兩日不停咁俾人整喊⋯⋯你呀」不停咁被人整喊嘅，到底係黃翠如定唐詩詠，實在好難理解，不過有網友就表示，大家都被「方樂汶」（黃翠如劇中角色）整喊咗。

馬國明湯洛雯拍拖　唐詩詠開腔送祝福
明周
2020年06月14日
馬國明前昨日凌晨與湯洛雯在IG公開戀情，受各方祝福，有不少好友亦在其帖文上留言點讚，而唐詩詠被指沒有第一時間送上祝福。
今日，唐詩詠返電視城開工，首次開腔向馬明與靚湯送上祝福，她說：「好早前就估到，但我哋就無問佢，想俾多啲空間佢哋發展，亦都想佢親口同我哋講，好戥佢開心，因為我哋咁多個兄弟姊妹都好想佢拍拖，好想佢快啲搵到佢嘅幸福，另外，關於點唔點讚呢個，希望大家唔好再俾呢個社交媒體去影響嗰個思維，因為點讚究竟代表咗啲咩嘢事呢？好值得我哋深思去處理。
鄭嘉穎開咗兩年嘅IG，我從來都無點讚過，我有一啲好好嘅朋友，係IG上面完全無Follow，點讚唔代表一件乜嘢事，希望大家唔好係我哋嘅友情上加一啲裂痕，亦都唔好再用一個社交媒體去斷定一個關係，實在太膚淺啦，咁希望大家可以Focus番佢哋，去祝福佢哋，希望佢哋快樂啦！」

唐詩詠自爆月前已估到：等馬明親口講佢都係冇講
唐詩詠在電視城為新劇《超能使者》開工，對馬國明公開認愛湯洛雯，她表示個幾月前已經估到，但就沒有問過對方。詩詠說：「其實我都有和（林）子善講過，他本來想問的，但我話不要，給他們空間發展，等他親口講，不過他都是無講，只是留表情符號和多謝。」
對被指沒點讚馬明的社交網，又在自己的網上留佛偈？詩詠說：「大家被社交媒體影響太深，（鄭）嘉穎開了社交網2年我都無like過，（黃）翠如的post都不是個個like，我有7成朋友在社交網上是零互動，like又代表甚麼呢？這是開心事，希望大家不要無風起浪，不要用社交媒體定斷關係，我的友情不需要加裂痕，留佛偈只是覺得句說話很有意思，與他無關。」
問到想湯洛雯做她的阿嫂嗎？詩詠說：「我無所謂，最重要是他（馬明）和他媽咪鍾意，幾年前在一個活動上見過她（靚湯），當時我們已經有好多話題，是一個很直率的女仔。」詩詠又很開心馬國明拍拖，問到是否覺得甩難？她笑言做兄弟無所謂，但緋聞傳了多年，馬明很應該請她食飯。她說說雖然未見過湯馬一起出席朋友聚會，但相信馬明之後會約，並期待自己很快都有另一半。

早知 「明湯戀」！唐詩詠刻意唔踢爆
唐詩詠話一早知馬國明同湯洛雯拍拖。
「明湯戀」爆出後轟動全城，兩位主角馬國明和湯洛雯（靚湯）先後冧認戀情，不少人都留言送祝福，，至於跟馬國明傳了多年緋聞的「契妹」唐詩詠，就未有任何表示，只在社交平台寫佛偈。唐詩詠今日現身將軍澳電視城拍攝新劇《超能使者》，問到有否留意「明湯戀」時，她說：「點可以留意唔到。我個幾月前已經估到（佢哋拍拖），佢自己都講佢哋冇避忌，我收到各方消息，不過我哋冇問同冇踢爆，我有同（林）子善傾，子善話想問佢，我話唔好，我哋唔好問，畀啲空間佢發展，等佢親口同我哋個講。（馬國明有冇親口同你？）我真係太了解佢，佢從來唔講，佢只係畀咗個Emoji同講多謝，我哋都係睇報道先知，好為佢開心，不過子善就有啲嬲，因為想佢親口講。」
本來係想等馬國明親口講。
講到唐詩詠未有點讚馬國明於社交網認愛的貼文及留言，惹來外界揣測，她認為大家被社交網站影響太深：「鄭嘉穎社文網開咗兩年，我都冇畀過讚，黃翠如嘅貼文我都唔係每次畀Like，我同七成朋友喺社文網上係零互動，點讚係代表啲乜。呢件係開心事，唔好無風起浪，唔好用社交媒體去斷定個關係，咁就太膚淺，我哋嘅友誼唔需要加裂痕上去，咁係太幼稚，大家應該集中番佢哋身上。（你點解寫佛偈？）同（馬國明）呢件事冇關，我只係覺得段文字有意思。（你係咪祝福佢？）當然祝福，我係最開心，最近好多喜事，子善個BB出世，（鄭）嘉穎又做爸爸，佢又終於拍拖，下個應該到（黃）嘉樂。（你呢？）再下個就係我。（如果你拍拖會唔會公開？）我唔會公開，要睇另一半，我嘅愛情觀係可低調就盡量低調。」
馬國明終於脫單啦！
提到與馬國明傳了多年緋聞，她說：「做兄弟冇所謂，都講咗咁多年，佢要請我食飯補償我，佢哋要煲靚湯畀我飲。（馬國明同靚湯有冇一齊出嚟見你哋？）冇，但相信之後會。（以往馬國明有冇帶過另一半出嚟？）有，但都係好後期，睇佢想幾時帶出嚟啦！」
她又指數年前在一個活動上見過靚湯，兩人雖然只接觸過一次，但傾得十分深入：「我同佢都係金牛座，佢好直率乜都可以傾。（啱唔啱做你阿嫂？）我有乜所謂，最重要係佢（馬國明）同佢阿媽鍾意，最重要佢開心，希望我都快啲帶個人嚟。」