揀選一些香港討論區評論：
-近年笑片，最正可算是呢套，想睇多次
-聽到歌詞我都好感動，如果你追過夢你都會喊，一個人終於達到自己多年夢想，尤其經歷過千山萬水感覺會更大更強，終於都做到啦！！
-今日睇左，故事個msg唔錯，有笑位，但有D笑位較夾硬，爸爸個part唔錯，個騙子男友都幾好，都幾真實，整體唔算精彩，但睇戲期間都冇望過錶，都唔錯啦
-冇左所謂特技
回復初心
星爺歸位了
套戲裡面每個人都係星爺
星爺正以孫悟空七十二變
以不同形態
借所有演員肉身呈現係我地眼前

繼續：
-好睇，有笑有感動，但尾段太急，好似突然就結局，或者係一路睇一路唔想佢太快結局。
話睇到拉隊離場果d, 明顯冇睇套戲，什麼大陸feel 我唔care, 大陸一樣有好演員，一樣可以拍到好電影。
-我岩岩今日睇左 我覺得幾好睇 d對白都幾好笑 諗左好耐睇邊套賀歲片好 好在冇簡錯 支持星爺 輕輕鬆鬆笑吓咪幾好 祝大家新年笑口常開
-劇本完整 劇情推進流暢 演員恰如其份，我自己特別喜歡 女主角用親身被呃經歷，用係面試上 而且係演哂呃與被呃兩個身份，絕對係神來之筆。

差評：
-唔建議睇，見到好多人睇左廿分鐘左右就拉隊離場，自己都睇左三十分鐘左右頂唔順離場
-唔使錢都唔會睇，浪費時間！
-全部用晒大陸演員.香港人睇點都格格不入..上2次美人魚..西遊記都勁失望..睇網上預售入座率唔錯..靠星爺名氣
-星爺根本就係拍套大陸電影，賣埠俾香港。唔明點解好多人仲係話無香港情懷，由始至終都無話針對香港市場。又唔見幾年前劉偉強幫大陸拍建軍大業要有香港情懷。
拍得多笑位又話低俗，有劇情又話唔好笑不如睇返國產007。我係星爺都理鳩你走去拍大陸電影啦。

首先發張票

看完香港一些影評，自己寫下感想先
今天下午和兒子去了看新喜剧之王，由於看了部份影評去看，有點擔心，但看完後祗可以説新喜剧之王十分好看。出來後問身旁的孩子好看嗎，如果十分滿分，你㑹給多少分，他竟然反問我给多少分，我說8.5分，他接著說最少都有九分啦，勁好笑，而且有一場我哭了出來，真的十分好睇，我望著他說其實我想比再高啲分，祗是驚年青人看後會不喜歡，又怕你覺老套，他說王寶強真的好好笑，尤其女主角父親演出十分出色。

香港媒體普遍用國內，等於英文mainland，本身無任何貶意

今次故事內容都幾豐富，開始女主角以為被車撞到是騙子，仲教他應該點樣演，已經帶出她是演戱痴，雖然女主角唔夠靚，但十分切合茄喱啡角色。

https://www.zhihu.com/question/304087708/answer/590761494
這篇新喜評論十分不錯

又一篇不錯的香港評論：
啱啱睇完呢套 喜劇之王2 有以下感想 我覺得周星馳已經昇華到另外一個 位置 佢拍嘅電影已經唔再局限於佢自己 其實我哋亦都應該跳出自己嘅框框睇戲 一套戲 我覺得係今年裏面最好睇嘅一套戲 感動位做得非常之好因為唔係佢自己做主角 佢可以令到平平無奇嘅一個女仔， 拍得出神入化，演技出眾 ，王寶強只不過係配角 特別係佢爸爸嘅角色 非常咁搶戲 唔通我哋依家仲睇返張衛健 係咁喺度長篇大論up自己個名就覺得好好笑嗎 ! 其實拍電影一定要與時並進 我承認 呢套戲係好多位係大陸嘅笑話 因為我哋唔識聽 唔代表要唔認同人哋!

繼續：
我最鍾意星爺同柏芝配音果段，d回憶番曬黎，因為真係好想睇番星爺做演員，先唔好講演技，我唔係專業，根本冇資格評論演員，星爺必定係香港演員入面最岩人睇既演員，唔好同我講周潤發，梁朝偉，黃秋生果d，因為佢地拍既戲你唔會睇完又睇，睇完再睇，星爺既戲閒閒地3次，正常10次，80後廿次以上係基本，你話佢做演員成唔成功？
最後講番套戲，好睇，星爺今次有火，我夠膽講如果星爺佢自演，套戲又上左神枱

今次風水輪流傳，香港人鐘意內地拍的片，內地人就説垃圾。
繼續貼香港看完後的評論
-多年前星爺開始想擺脫純搞笑，行笑中有淚的路線以來拍得最出色的一套戲，個人來說比喜劇之王拍得更好，亦係近年賀歲檔期最好睇的港產片，誠意推介
-其實d人話周星馳貪錢炒冷飯騙觀眾入場，多年前周星馳係柴靜訪問已經講過，假如佢係貪錢，為什麼佢自己不主演，係人都知道周星馳主演甚至只係客串都一定會更賣座，假如佢係貪錢為什麼佢唔咁做 ？

一段超正的暗黑意思評論：
本来睇完新喜剧之王后，我同好多人一样觉得只係一部好普通既励志片，直到我睇到楼主个post，我先发现完来我冇认真去睇呢部戏，但我同楼主既分析有小小分别，不喜勿插：
1.雨中炒车的确係部戏转捩点，炒车前故事有逻辑，炒车后就冇逻辑，炒车前好写实咁讲做茄哩啡有几辛酸，冇机心对人被骗，努力做事得不到重视，但炒车后所有事都如主角所愿，被主角所吓的偶像因事件爆红，仲会感谢她，王宝强连主角名都唔知但突然找到主角，戏中从没讲主角有报名星爷选角但入选（戏开头有讲佢好钟意星爷既喜剧之王），选角会上主角咩都唔点只会演戏但选上左，表演反击男朋友的戏得到评审肯定，颁奖礼父母既感动，朋友想攀关係但唔成功，旧男友既失望，辱骂她的导演同偶像颁奖，加上李小龙既出现，而且播返佢一直辛苦做茄喱啡既片段，但从未讲佢得奖既电影，据情变得天马行空，好明显就係主角自己发既一场美梦。
2.加上每次主角听到天鹅湖音乐既时候，都係处於一种超越现实既幻想中，第一次在车上食饭盒时听，佢幻想有演戏机会，第二就係炒车前佢想逃避现实，第三左就係攞奖时，每次都幻想丑小鸭变天鹅。
3.而且喜剧既核心就係悲剧，叫得喜剧之王实际就係悲剧之王，有睇第一辑就知，点会有happy ending，星爷一直都用喜剧包装现实残酷，大话西游、少林足球及功夫等等，我相信新喜都唔例外，相信星爷可能担心呢套戏係贺岁片，又係内地播，如果拍得太悲太反映现实，会被政治审查，所以先剪得比较简略隐诲，所以呢部戏构思係相当精妙。
4.但亦有差评既地方，就係选角方面，部分二，三线演员演技真係同茄喱啡无分别，导演同富二代演技普通到极点，完全冇喜感，张全蛋亦都做唔出酱爆哥种自然傻同滑稽，同港產片哥班完全无得比，直接令呢部戏吸引力下降。

电影是世界大同，当然谁的出品好，而且触动观众口味，自然会卖座。