以下係一啲我平時喺生活中留意到嘅一啲粵語嘅現狀：好多後生一輩嘅人對粵語嘅態度唔在乎，老一輩嘅人對母語使用嘅理所當然。舉個例：我阿妹，一個98年嘅大姑娘，平時生活都係用粵語嘅，係一個純粵語人士，但係可能係受到普通話影響，有好多粵語唔識嘅字會借用到普通話嘅讀音或者自以為係就OK喇，完全唔會深究呢個字嘅真正發音係乜嘢，甚至如果你話個正確讀音畀佢聽佢係習慣唔到嘅呢佢就會敷衍了事或者依然故我，而且因為而家流行嘅趨勢慢慢畀大陸帶住喇，所以佢而家睇嘅節目、聽嘅歌亦都慢慢開始內陸化喇，就連一啲口頭禪都變咗一啲普通話嘅流行用語喇，其實唔止我阿妹，就連一啲我身邊嘅80後、90後嘅朋友都有呢個趨勢，噉係咪講明粵語人群再唔做返啲嘢去捍衛我哋嘅母語嘅話粵語就會喺我呢一代game over呢？而老一代人明明就收藏住我哋粵語嘅瑰寶嘅單係點解就唔攞出嚟share一下呢？有得講自己嘅母語唔係理所當然㗎，或者講得衰啲嘅你可能就嚟聞到板香唔係好care咋，但係我哋嘅後代呢？有好多時啲人淨係掛住搵錢搵錢，想話留多幾個錢畀啲仔女，但係如果你連自己最珍貴嘅財富都唔留畀仔女嘅留再多嘅金銀珠寶又有咩嘢用吖