粵語：我個人覺得，其實本身粵語係毋適合用簡化字既，因爲好容易造成誤讀。
另外講講粵語文體大致來睇分誒幾種。
通用：我個人覺得，其實粵語本身是不適合使用簡體字的，因爲會容易造成誤讀。
以下我們來講一下粵語文體相關其大體分類。

第一種　粵白，又叫粵語白話文，亦就係網路上面用個哋，會有好多時候都混雜咗外來語，主要係英文同日文。
點解叫粵白，因爲係直錄粵語口語（廣州白話）爲文，不可以叫「粵文」，而要叫「粵白」！
之後我有時間多介紹。
第一種　粵白，又叫粵語白話文，也就是網絡上面用的那些，很多時候都會摻雜一些外來語，主要是英文還有日文。　那麼爲甚麼叫粵白了？就是因爲是直錄粵語口語爲文，不可以叫「粵文」，而祗能叫做「粵白」。

第二種　粵文，又叫粵語書面文，幾乎失傳，我都毋知道點解釋渠係咩來既。
（粵文，又叫粵語書面文，幾乎失傳，我都不知道如何解釋他是甚麼東西）
其實粵文日日都被人當做粵語白話文既簡稱，我個人覺得毋太算數。文體比較複雜，我去搵咗一下資料。
（其實粵文天天都被人用作粵語白話文的簡稱，我個人覺得不太對，不太貼切。文體會比較複雜，所以我去找了下資料）
引用文章https://hk.news.yahoo.com/blogs/sandwich/%E6%9C%89%E7%B2%B5%E7%99%BD%EF%BC%8C%E7%84%A1%E7%B2%B5%E6%96%87-044430016.html 香港雅虎新聞
粵語詞彙古雅，粵語語法是古漢語語法，本來就可入文，故此香港人應該提倡的是包涵粵語語彙及語法的通用中文，而不是粵文。例如香港人可以寫「食飯」、「飲水」、「去九龍」而不一定要寫「吃飯」、「喝水」和「到九龍去」。粵語體的中文，應該在日常交流（例如網絡、報紙），小說創作這些語域（register）較低的場合鍛煉，經歷北方白話文的口語成文過程，在慢慢提升到較高的語域，例如通告和公函，然而法律、記錄、學術等高語域的語文，仍以淺白文言為之，這是由於文言的語義穩定，而且遇到爭議的時候，可以訴諸歷代文獻，將詞義釐清。
雖然有哋斷章取義，但係請大家認真睇睇，最好到原來個網站睇。
（雖然有點斷章取義，但是請大家認真看看，最好到原來的網站去看）
另外有個毋錯既文章想全數引用但係需要允許。
（另外有一個不錯的文章想全數轉載，但是需要允許。）
地址：https://www.facebook.com/notes/taku-ry%C5%AB/%E7%B2%B5%E6%96%87%E6%9B%B8%E5%AF%AB%E5%8E%9F%E5%89%87%E5%88%9D%E6%8E%A2-%E7%AC%AC%E4%BA%8C%E7%A8%BF/1401479586777726/

第三種　舊三及第，係指一種混合咗文言文，粵語白話文，通用漢語（官話書面語）而成既。
（舊三及第，是指一種混合了文言文，粵語白話文，通用漢語（官話書面語）而成的一種文體）
第四種　新三及第，係指一種混合咗外來語，粵語白話文，通用漢語（官話書面語）而成既。外來語同樣以英文同日文爲主打。
（新三及第，是指一種混合了外來語，粵語白話文，通用漢語（官話書面語）而成的一種文體。外來語同樣還是以英語和日語居多）
引用文章：
所謂「三及第」，是指由文言、白話文、粵語混合而成的一種別具風格的文體。後來，文言成分減少，甚至「銷聲匿跡」，代之而起的是外語，包括英語、日語等辭匯。前者，論者呼之為「舊三及第」，後者呼為「新三及第」。
參考咗http://paper.wenweipo.com/2011/05/17/OT1105170014.htm　文匯報

如此有道理既文章竟然無丁人，連個人都無，扯火！

老細繼續 我係聽眾

有冇渠道去學習粵語拼音 想正音

没有误读，只是有些人不懂正字和乱入懒音而已

之前有位先生講到，粵語注音既問題。
其實注音誒個問題一哋都唔係重點，可以講，母語人根本係唔需要注音既。

我係港澳人士出身，我細細個個陣，根本就唔知道咩叫注音，查字典我哋第一直覺係搵同音字，無同音字或者唔識既字就搵爹哋媽咪教我讀。誒個先係中國咁多語言既學習方式，屬於我哋母語人士既學習方式。
但係因爲廣東個邊既人幾乎唔會注重母語教育，又用埋完全唔適合粵語既簡筆字，真係唔知點講好。最衰既係，哋父母啊，親朋好友無事發嚎係度用官話，抵粵語衰退啦，有哋甚至死都要覺得冬瓜好，唔食下絲瓜。撞鬼咯，絲瓜有咩蘇州嘢搞到你唔肯食啊，自己日日食既都唔食。廢話講得有哋多啦，我哋你繼續講翻正題。
老係講國內唔好，我哋就講下臺灣人啦，臺灣人有一部分係用臺語既，我問你，渠哋講臺語使毋使學注音咧，當然唔使啦，渠哋學外語例如官話先要用注音啦。另外有件事我都唔明白，點解好好哋一定要母語人士學注音，你老闆有同音字，有老人家教你，仲有網路資源，你用條閪注音咧，又唔係外語。

其實講咗咁多廢話，我都係會講一句，學粵語，毋需要注音。@狄亚高哥斯达

其實我點解話粵文失傳咧，其實係因爲使用人數小而且難度高，同文言文一個級別既嘢來既。
另外你知道點解會日日統一文字，係古代既思想留哋既，我哋如果毋同意粵語有個正式既文字，更加毋可能推廣，一個祗有白話文無書面語既語言點樣去推廣咧？
係誒個之前　我哋先講下粵白，即係粵語白話文。
我誒個人唔係好識講，請熱血時報既文章來講講，點解要摞香港既文章咧，簡單，香港粵語有官方地位，環境亦係粵語爲主。
（鏈接：www點passiontimes點hk/article/03-05-2014/9337）
摘自熱血時報我哋需要一場粵語新文化運動
保衛粵語，我哋最近打鑼打鼓咁做，粵文呢？
白話文唔係新鮮事
南北朝起，文言開始分離，古人開始無法我手寫我口。手口不一令古代文人覺得頗爲唔自在，所以唐代開始，出現咗通俗嘅口語文體：變文。因爲中華文化泥古嘅幽靈纏繞不去，書寫同口講漸行漸遠。到明代，白話文學已經出現經典嘅四大名著，成爲中華文學嘅一塊重要基石。
新文化運動後，我手寫佢口
眨下眼去到近代，西學衝擊下掀起咗波瀾壯闊嘅五四新文化運動，喺幾代文人深耕之下，現代白話興起，革咗文言文條老命。 當時全國各地文人積極呼應「我手寫我口」原則，各地語言入文百花齊放。但漢人受大一統思想荼毒太耐，好快因爲政治正確，北方白話文抹平晒各地剛剛泛起嘅地方語文波紋。 我哋為咗能夠我手寫我口而推行新文化運動，廢除咗文言文，但事實上，對於非北方官話母語嘅南方漢人嚟講，情況根本冇改變，換湯唔換藥。
手不對口，周身唔聚財
打開WHATS、非死不可，上網上討論區，相信九成以上嘅香港人文字，都係直白嘅粵語白話文。明明我哋從細就學習「書面語」，應用絕對冇難度。但香港人偏偏咁犯賤，走去用一套冇標準可言，約定俗成嘅文字。箇中嘅因由，幾何有人思考過？
其實理由好簡單，因爲用文言文或者北方白話文，根本冇法完美咁表達我哋心入便嘅諗法同感受。
每個人一出世學識母語之後，佢就會用佢嘅母語思考，所以一切喜怒哀樂，都係用母語作爲基礎。當我哋寫文，往往要係腦入便進行一次翻譯，變成北方話爲主體嘅官話白話文。係翻譯之後，無論文法、語氣、用詞都截然唔同。相信大家都有試過，如果你朋友突然用“書面語”同你講嘢，你往往會覺得一定發生咗某啲事，令到佢語氣非常嚴肅認真。係日常交流範疇，官話白話文並非我哋常用嘅語境（Language register）。
喺文學創作領域，能夠抒發自身感情，令讀者產生共鳴、身同感受者爲佳作。我哋係寫作嘅時候往往無法良好咁抒發我哋自身，就係因爲俾「書面語」嘅框框困住。如果我哋能夠打破呢個框框，香港文學必定有一番新面貌。
標準規範，邊個釐定
喺學校我哋經常俾人捉錯字別字，誰不知係漢字歷史上根本就冇一個硬性標準，只有約定俗成嘅通用標準。文字係溝通媒介，本身並冇對錯。如果我哋用粵語字同詞彙喺寫作入便係錯，咁點解簡體字又可以接受？粵語字嘅出現可以追溯到幾百年前嘅粵語文學同戲劇劇本，好多一直沿用至今。好多簡體字嘅歷史相對更加短淺，例如個「卫」字就係共產黨發明嘅象形字（註），毫無歷史脈絡可言。相對而言，「係」字喺文言文入便用咗上千年，成個中國無論南北都用，直到新文化運動用「是」代「係」。而家喺學校做功課考公開試，寫「卫」可以接受，但寫「係」必定招致一個大交叉，加一句不能用口語嘅評價。孰是孰非，邊個話得準？喺教育排擠下，粵文同粵字係民間仍然擁有巨大生命力而且不斷發展，可見粵文可以有好大嘅發展空間。
交流溝通，不足為礙
反對者可能會講，官話白話文係現代華人共同溝通用嘅文字，粵文會窒礙華人之間嘅溝通。
首先我哋要諗下我哋寫作想同邊個溝通。如果我係寫俾香港人睇，基本上係唔會有任何問題，因爲溝通只限於粵語母語使用者。就好似你喺香港唔會無啦啦同本地朋友講普通話一樣，如果有人話你喺屋企講廣東話，會窒礙同大陸同胞嘅交流，你即刻覺得佢代表香港政府發言啦！再者，究竟北方人係唔係真係睇唔明粵文呢？雖然我哋有好多粵語字，但絕大部分嘅詞彙都相似，而且粵字本身同官話白話文有對應關係，北方人只要學十零個粵字，就可以流暢閱讀並掌握文意。
係 <<< — >>> 是
哋 <<< — >>> 們
嘅 <<< — >>> 的
等等
如果溝通交流係構成一個合理理由嘅話，點解我哋當初要廢除文言文呢？大家唔好忘記文言文曾經係東亞文化圈嘅共同書面語，無論中國南北、越南、朝鮮同日本，識字嘅都可以用文言文交流，打破語言藩籬。更進一步，英文可以話係世界通行嘅共同語，其次係西班牙文同法文。如果溝通真係咁重要，點解我哋唔廢除中文，全盤西化呢？
講到底，點解我哋要委屈自己，去遷就其它地方嘅人呢？明明我哋好多時候書寫嘅時候對話對象都係同聲同氣嘅香港人，偏偏要係自己腦入便先翻譯成爲書面語，然後讀者再係心入便翻譯返做廣東話，成件事係好累贅好戇居。
粵文應進入更高語域
喺語言學入邊，會根據語言嘅用途劃分唔同嘅語域（language register），譬如英文都有分正式（formal）、半正式（semi-formal）、俗語（slang）、粗俗（vulgar）等多個層面，就好似你寫英文信件畀法官唔會寫「Hi there!」而會寫「Dear Magistracy」一樣。同樣情況都可以套用係粵文，經過多年香港社會發展之後，粵文已經盤踞日常生活嘅通俗語域，但高階嘅文學同正式語域依然係白話文同文言文嘅天下。舉個例子，粵語流行曲作為本地文學嘅代表，其文法詞彙依然係以官話白話文為主流，雖然有小部分例子如許冠傑嘅《半斤八兩》徹底使用粵文作爲譜詞語言，但主流歌曲一但出現口語化嘅粵語辭彙，大眾會覺得奇怪同唔自然。但歸根究底，呢個只係長時間耳濡目染下嘅偏頗印象，一如五四運動之初，北方推行白話文都俾人批評唔入流，直到好多文學家用力推廣，先扭轉大眾嘅印象。
本土文學係香港其實尚屬萌芽時期，隨住網絡小說嘅興起，畀咗好多機會新一代作家去打破傳統出版及媒體嘅壟斷，用自己熟悉親切嘅語言文字去寫出心中所想。
本土文學，自由嘅土壤
同北方五四運動一樣，我哋並唔需要拘泥於寫作嘅方法同方向。無論你用正字俗字，夾雜文言定夾雜北話，有廣闊嘅空間去嘗試開拓。呢個係一個文學嘅新領域，而我相信，通過無數嘗試，最終會煉成好正嘅粵語新文學，文法用字都會約定俗成。呢個係一塊新既瘦田，耕開有人爭！ 註：譚慶生提出商榷，「卫字係象形字」呢個講法相傳係南懷瑾講的，只係都市傳說，日語片假名「ヱ」古已有之，從「惠」字而來，「衛」略寫為「卫」應是借用「衛」之日語音讀「ヱイ」，估計清末民初留日學生眾多時已傳入中國。
- 熱血時報網站連結 www點passiontimes點hk/article/03-05-2014/9337
- Copyright © 2017（我睇到誒個放心轉曬過來啦）

係搵粵文相關既嘢時候睇到一個就係講誒哋嘢既人，大家可以去睇睇
https://hk點news點yahoo點com/blogs/author/%E9%99%B3%E9%9B%B2/

好文，我求其頂頂先