今日去白云山行山...人山人海...但发觉迎面而嚟嘅都系讲普通话...基本上我哋系白云山嘅全过程...冇听过一句广州话...
我老豆话而家嘅广州好似俾人蚕食咗咁...好似变晒外省人嘅天下...

我老豆系78年考上中山大学...系台山(我乡下)出嚟广州嘅...果阵佢出嚟冇几耐就识晒讲广州话...果阵唔同而家...无电视呢个传播媒介...所以佢出广州之前基本上都冇点听过广州话...但因为果阵嘅广州人多...除咗大学入面都冇乜外省人...所以佢好快都学讲到几标准嘅广州话同普通话(因为中山大学基本上系外省人多嘅)...

但而家呢...我而家好多大学同学...小学就出广州读书...到咗而家仲一口普通话...对粤语得个识听唔晓讲...因为话由小学开始就上课落课都讲普通话...出街买嘢又个个讲普通话...哎...

我阿妹而家9岁...读紧三年级...佢讲嘅广州话已经唔系好准啦...因为佢话佢学校要求全部人都要讲普通话(无论上课落课...总之系学校里面就要讲普通话)...咪先就扣分...一扣分个班就冇先进班...老师就要佢写检讨...阴公...

所以真系有D担心咯...咁搞法...连学校政府都打击粤语...以后仲会唔会有人识讲..?

但起码系外国就唔需要担心...粤语系外国仲好通行...好似我哋台山系著名侨乡...基本上大半个台山都系国外...美加...佢哋都话华人系出面都系讲粤语嘅...咪先讲普通话会俾人睇唔起...(毕竟系外国系香港同广东人多) 所以而家返台山见D返嚟玩嘅华侨...佢哋都唔讲台山话...都系讲广州话...

可惜连外国仲咁受捧嘅语言...系呢度就受到严重打击...前排仲系广州吧见到有人死闹粤语系"土语"...真系激气...

怕有日粤语会消失.........................希望唔好啦...