亲爱既老公：
我霖得好清楚，我觉得我地都系分开比较好。我地结婚都成7年咁耐，咁多年黎，我都好俾心机去做个好老婆。不过就系琴日，我接到你公司打过黎既电话，知道你炒左你老细鱿鱼，讲真果句，我对你既将来表示担忧。
上个星期，我去做头发，Set左个新Look，买左件好sexy既睡衣，仲煮左D你中意食既嘢添。点知你翻到黎，食左果两分钟就去左睇电视，睇完就直接上床训觉，show都唔show下我。我系几咁渴望你可以揽下我，同我讲声：老婆，你今日好靓，我爱你。
就算系呃我都好过冇！
不过点都好，我都系选择咗要离开你，我走啦，你自己保重！
PS:你唔洗黎揾我，我系唔会翻黎噶啦。我已经搬咗去同你个friend 伟文一齐住，我要同佢重新开始一个属于我美好既人生。
你既前任老婆……
老公回信
亲爱既前任老婆：
收到你既分手信，我真系伤心欲绝。冇错，我地系埋一齐已经七年。不过你究竟系唔系一个好老婆，我有D疑问咯。
我去睇电视只不过系唔想听你系度吟吟沉沉，不过睇黎冇咩用。的确，我有留意到你剪短咗头发，不过我见到你个所谓既新Look之后第一印象就系你成个男人婆咁。你知我最水皮就系讲大话，不过又费时hurt你（揾交嗌咩），所以我宁愿当冇睇到，费时讲多错多。
你果晚餐饭睇得出系花咗唔少心思，不过，唔知究竟系你唔记得，定系你煮饭果阵将我当成咗伟文，我想讲，我已经唔食猪肉十几年噶啦。
仲有，可能你冇围意啦，你果套新买既睡衣唔记得剪左个价钱牌，上面标住4999蚊。其实就系你买睡衣既前一日伟文问我借左5000蚊，可能真系咁啱得咁巧啦！
点都好啦，我心里面仲系好爱你噶。所以系我知道自己买既彩票中咗三亿大奖之后，就即刻翻公司辞咗份工，仲买咗两张机票，霖住同你去夏威夷补翻个蜜月。不过我翻到屋企果阵，霖唔到你已经走咗。后尾我去律师楼帮你问咗如果离婚我要分几多身家俾你，仲俾律师睇咗你留俾我既果封信，点知距就系讲咗句：你一蚊都唔洗分俾佢。我冇照律师讲既做，你知我做人冇咁绝，我得灯留咗100蚊俾你，记得买多几支眼药水，以后每日喊完都可以滴翻D！
就写到呢到，保重！
PS：唔记得以前有冇同你讲过，我呢世人最好既朋友—伟文，佢系一个变性人，佢十年前原本系一个女人，后尾去咗……你明噶啦!
你既前任老公上…