各位可以写低你哋嘅日记。不过要按照格式
格式如下：
XXXX年XX月XX日 天气X
-------------------------------
正文
【欢迎各位嚟写日记，记低你哋新鲜嘅事情】

2014年4月8日 天气晴
今物八点半起身，第一件事就系睇下贴吧群记录，同大家讲早晨，跟住落楼去餐厅食早餐，然后复习功课（其实喺度玩手机就真）中午12点去食午饭，之后翻到宿舍同啲同学玩网游，跟住继续温书，一直到宜家准备去食晚饭，就系咁多，暂时仲未到晚黑。

2014年4月8日 天气阴
宜家接近十二点，但系我仲唔想瞓觉。我仲系斗度听紧歌，学友嘅还是觉得你最好。呢几日就好似中毒咁，迷上呢首歌。
虽然我嘅又吾系新鲜事，但都算自己嘅心情啦。淡淡的忧伤……

14.04.09 天气阴天
好多人都话，爱情里面，分咗手的恋人，仲可以做朋友，其实只不过系自己呃自己嘅借口，而友谊里面，尽管系从小玩到大嘅朋友，有咗隔阂，就开始唔信任，最后怀疑对方，憎恨对方，其实都只不过系一个小小嘅误会，失去我呢个朋友，系别人的损失。而亲情里面，只要有钱，有势，你就可以大声讲嘢，想做咩就做咩，而冇钱冇势嘅你，做咩都系唔岩的。。有时候做人真系好攰的，系咁撑下，撑下，又熬过了。。只要强大点，坚强点，就可以保护自己想保护嘅人，。。。

2014.04.09天气晴
我系啱啱喺巴士度瞰到依嗰贴嘅。我都只系想讲，啲人实在系太多了。实在系冇空位畀我写日记噶啧...不过宜家翻到office唔系即刻跑嚟喽~~希望甘日，大家都顺顺利利、开开心心，咁我就安乐嗮。

20140409 不太晴
今日，我去超市买d野，买单葛时候，见到个阿伯渣住个黄瓜，临走前，仲买佐盒避孕套。忽然之间，我觉得哩个世界系充满爱嘅。

2014.04.09 天气晴
今日个天比前几日晴朗咗好多。前嗰几日返咗屋企度咗个小长假。老豆老母好早就喺碧桂园嘅度假村book咗张枱等我一齐饮茶。见到佢哋嗰一刻，个心又开始酸。佢哋两个尽管身患各种病痛，但系喺见到我嘅嗰一刻只剩低笑容。后生嗰阵，健康嗰阵，我哋都冇去珍惜彼此，呢几年俾病魔嘅各种折磨之后，大家方懂得珍惜。亲情，唔可以等，因为我哋唔会知道接下嚟将会发生嘅事，例如MH370客机嘅所有人，仲未嚟得彻道别就终结咗生命；孝顺，唔可以等，父母一日老过一日，等佢哋健康嗰阵就好快啲尽孝。有人问，点解你一个女仔仲咁搏命？原因好简单，我想我嘅父母过得再好D，赚钱畀佢哋旅游，畀佢哋挥霍，佢哋觉得开心，就系我一生最有意义嘅事情。

4.9号 晴
今日借左部手机比我后边果个仔玩，上化学果时结果区太专心比老师当场捉到！但系老师真系太好啦！比反部手机区，就系叫区落课去办公室！结果去办公室之后就讲话叫果个男仔唔好再玩，如果再发现一次就话班主任听！
爱lili啊！！！化学佬太好啦
所以我近排超中意学化学！

2014.04.10天气阴
今日系我嘅生日嚟架，不过我就冇乜感觉。同埋朝早嗰天阴成咁，都冇mood喇。唔知点解总觉得好累最近，总系想住躺埋屋企张床度，唔使起早，唔使做嘢......可惜啊，下嗰星期一我就要去广州架嘞，哩次系我第一次出差，小小紧张喔......好想返屋企训觉啊~~~~~

2014.04.10 阴
由我起床到而家，过咗3个钟又16分钟。今日早餐系炼奶花生酱多士，食咗两块已经好滞，甜到漏啊...
不过，我后悔冇吃多两块。而家，好肚饿。仲有2个钟又10分钟先吃晏。

10-04-2014
起床果时只小腿抽筋，痛到我讲粗口，但我都拐下拐下咁刷牙食早餐，眼见就黎迟到，我火力全开，准备出门口既时候时，突然感觉到一股澎湃既力量……

2014年4月10日
今日我隔离位嘅同事动作好大，于是乎我就望过去，发现佢打字嗰阵同弹钢琴个动作好似。每打一个字，只手都抬得好鬼高，我冇忍住，所以笑到碌地。未等到下昼，佢部电脑居然咁啱又坏咗，哈哈哈，我就同其他同事讲，佢系弹钢琴弹坏咗。

续10-04-2014
因为由细到大肠胃一向唔多好，所以一紧张就会想“开大”，果然如我所料，呢种汹涌澎湃既感觉又再一次袭击我，但系眼见时间所剩无几，只好奋勇出门去……
塔小巴去火车站再转地铁（香港火车和地铁已合拼，称为港铁），路程之遥远艰钜好比唐三藏取西经，路上我一直扭嚟扭去，好多人都向我投放出奇异眼光，我完全唔介意，因为我唔咁做，可怕嘅事情就会发生……
最后我捱过去啦，返工公司立即飞奔入厕所，将人生累积已久的不快与压力释放，其冲击力之大远超我想像，我坐系马桶上面终於明白，超级萨亚人（赛亚人）咁劲系有原因嘅……
　　　--来自助手版贴吧客户端

2014.04.12 由於系凌晨，我都唔知系咩天气！
我在想紧今晚会唔会失眠呢？
其实我从来都冇想过佢有可能回复返我啲留言嘅，亦都估唔到自己对哩件事啲反应系咁大。但依家啲事实就系咁。又咁啱的咁巧喺我生日嗰日复返我，于我嚟讲都系最好啲礼物喇。只可惜我依家先自瞰到啧，仲系被人告知添。唉、、竟然有点愧疚感觉。
向来对待哩滴嘢我都系好冷静同埋镇定嘅，真系唔知点解会有啲咁样啲举动~~~