【新闻】20140203 oncc 张智霖扬言同魔童马尔代夫裸泳

【on.cc东网专讯】 张智霖（Chilam）现身机场，准备出发到马尔代夫度假，吸引不少fans影相，身为廿四孝老公加爸爸的他，一支公为老婆袁咏仪及魔童办理check in手续，问他为何不让传媒拍摄一家三口温馨照片？他说：「阿靓（袁咏仪）去咗买嘢。我哋仲带咗屋企啲过年食品过去，唔好浪费。（靓靓带咗几多套泳衣？）唔知呢！我就想同魔童裸泳，（预埋阿靓？）唔知佢够唔够胆，我都要搵个适当时候，可能拣夜晚。（顺手帮魔童添个弟妹？）顺其自然啦！」
Chilam提到老板萧定一女儿十分喜欢他，他说：「呢个16个月大嘅小妹妹，已经做咗我嘅超级fans，我怀疑签阿一，好大程度系为咗娱乐佢个女。其实同阿一合作，成绩好令人鼓舞，希望新一年旗开得胜，有好多计划，可能喺马尔代夫其实都系开会多，不过离开香港心情都会relax啲嘅！」

张智霖一家三口出发去马尔代夫。



张智霖向大家say goodbye。

bye完右边再bye左边。
张智霖入闸时除下眼镜。