洪永城虽然唔系一线小生，但绯闻仲劲过唔小小生!
齐齐由有线过档TVB嘅洪永城同黄翠如呢一对情侣档，一直都好受观众欢迎，个个都觉得佢哋系拍拖，或好希望佢哋拍拖，而据知洪永城的确系好冧翠如BB，过咗
TVB之后，更多得TVB综艺科总监余咏珊，经常安排佢两个做节目，洪永城亦即时男友上身，经常抢住照顾翠如BB，而翠如BB都明显受晒。
不过之前都有好多报道讲过洪永城其实好花心，早前佢已经同「翻版应采儿」前女友Emily藕断丝连，近日佢哋仍然被影到一齐约会，洪更搭住女方膊头，睇嚟系掟煲唔掟盖。不过今日有报道话洪永城最新搭上嘅，系曾任钟舒漫形象指导嘅Bird
Tse。
报道话Bird暗恋咗洪永城好耐，Bird知道洪同女友分手之后，就系咁搵男方，仲成日放佢两个人嘅合照上网，报道又话两个最后真系挞著咗，最近洪永城仲搬咗去天后，要去探Bird只需5分钟车程。
事后问到洪永城同前女友嘅关系，佢话:「大家有联络，我钟意呢种关系，大家虽然合拍，但应该唔会复合。」
同前女友可以咁close，依家又疑似脚踏3船，大家觉得佢系open定花弗呢?
翠如BB同洪永城真系好衬!
，跟他拼命
