※官恩娜坦言入行以来从来无问过屋企人钱，全部自给自足，收入不多但活得开心。
※加盟华纳后得公司重用，更打算於二○一五年登红馆开处女个唱。
※Ella跟混血医生男友Juan-Domingo Maurellet爱得简单，会拖住手行平民商场。
※跟吴卓羲的旧闻，Ella不屑一提。
※隐形富二代艺人 陈慧琳:父亲陈崇伟从事珠宝生意，在中环太子大厦开设珠宝店，家中家财万贯，有钱有势。
隐形富二代上位靠自己 一姐官恩娜唔敢挑战容祖儿
2013年5月2日
被喻为「隐形富二代」的官恩娜（Ella）犯贱，唔做千金小姐选择「捱驴仔」，纡尊降贵在独立细公司捱足八年，直至去年终於守得云开捱得出头天，以600万转会华纳唱片，由乐坛「二打六」升呢做「一姐」，身价十级跳！自信返晒。被踢爆爸爸是钻石矿矿主，Ella一直有富爸爸撑腰，她大卖口乖去为自己辩解：「我后台只得华纳唱片！打从18岁出道做Model，爸爸从来冇帮过我，咁讲抹煞我同旧公司同事咁多年来努力，对我唔公平。我相信，靠努力获得成功，生命才有意义！」
官恩娜（Ella）出道9年（计埋初入行做Model）一直默默向上游，只要有机会踏上台板作Solo演出，从来唔推job，勤力烂做，听话到冇人有！但「顺得人」原来是家底丰厚的千金小姐，最近她更月租15万进驻加多利山「明星窦」，跟富贵艺人刘德华、陈慧琳、房祖名等为邻。
「隐形富二代」官恩娜有话要说：「冇咁夸张（富有），其实爸爸香港做珠宝生意，我只系出身小康之家，食得饱、得暖，有钟意工作经已ok。父母系生意人，唔识娱乐圈事，所以从来唔会干预；而且由细到大，佢畀子女好大自由度，除非我遇到挫折，佢先至精神上支持。经济上，我可以自给自足，冇用过屋企钱，以前做Model搵得少，咪悭住使，直至近年财政状况转好，每个月更畀过万蚊做家用。其实我好悭家，只系对个电饭煲有要求，因为我净系识得煲饭，其他都冇乜所谓。」问到爸爸可有要求她承继衣？她避忌道：「我冇兴趣做生意，对珠宝又无研究，都系交俾妹妹接手打理家族生意。」
负面新闻感麻木
做艺人虽然好辛苦，日日忙到爆，但成功感好大，辛苦得有价值！「就算最艰辛时候我都冇气馁过，我真系好享受演出。唯一最唔开心09年30岁生日，竟然有报道话我将村屋当私窦，招待唔同国籍男士，好委屈，感觉好似世界好邪恶，事实竟被扭曲了，经此一役，依家反而对负面新闻感到麻木，冇乜上心。」
2015年登陆红馆
去年Ella加盟华纳唱片旋即获捧为一姐，公司花费30多万安排她与助手、发型、化妆师等10人飞往台湾拍摄最近派台新歌《So In Love》MV，预计6、7月会出碟，还会狂接广告及接拍大陆剧，开拓网上平台市场，2015年登陆红馆举行处女个唱。她战战兢兢说：「一姐只系封号，但我受唔起，太夸奖啦，最重要系努力，我冇谂过要挑战天后容祖儿，都系做好自己，做好音乐，按部就班啦。我有搵老师学唱歌，自我增值嘛，希望有进步空间。」
10年期票赠男友
在感情路上，Ella曾被吴卓羲触痛过，幸而今时今日，她感情事业皆得意。旧事不须记，她不屑一提：「做人要向前行，期待明天有好事发生，依家系人生最开心时候。」虽然今年33岁，跟拍拖4年的医生男友Juan感情稳定，但Ella未有结婚打算，还开了10年期票给男友，预告他等得就等：「以前冇方向，会全副精神投入拍拖，家阵事业系我一部份，我冇兴趣做医生太太，亦想要空间，唔希望玩同居。如果佢唔接受、唔欣赏我咪算咯，我相信缘份，更加唔怕佢会有女埋身，做女人要有自信心，日日提心吊胆压力会好大，最重要系讲求两个人相处，要互相扶持，所以我会俾超级大自由度佢，唔会check佢电话、facebook同email。不过，讲到底，佢唔太钟意我出外工作太耐，但我唔会理会咯。」
采访：方骞平 摄影：谭壹致
发型：Eve Chiu@Queen's Private i
服装：collect point
场地提供：dream caf
