无怨无仇何用怕 张国荣如常做人
来源：1992 明报
文：阿吉
昨日，我地六十几人分两班船赴澳门，此去是采访张国荣、周星驰他们往澳门赛马会颁一项名为「永高」杯的奖项。这个奖项颁给第三场的冠军骑师、练马师和马主。
吃中午饭时，我与张国荣坐在一起。坐下未几，有个人走过来说：「张生，我系负责呢度嘅保安，亦即系你嘅保镖。」张国荣轻轻望了他一眼，应了一声：「嗯！」，没有再说。
我问：「Leslie，发生了暴力劫底片，并声言系针对你张国荣的，你惊唔惊呀？」
「我唔惊。阿吉，学你话斋，我同佢哋又无仇，佢哋对付了我，又唔会得益。惊亦唔惊得咁多，我做呢行咁多年，乜嘢未见过，无得惊嘅。」
张国荣话：「我相信打电话去威胁，话张国荣上一套戏就搞一套，系有人恶作剧。劫底片嘅事未必同我有关，话有人请我拍戏，永高拒绝了，呢件事我唔知。我同百鸣讲，既然系咁，我哋解约，百鸣话唔得，如果咁都俾人威胁到，我哋做正行生意嘅，重使企，佢哋咪更得戚？百鸣话唔应该退缩。」
张国荣话：「阿吉，你地传媒更加要支持我地，咁搞法，学发仔话斋，所有红小生都会引退，电影更加无得做。」
随后张国荣话：「我同一间外国公司有经理人合约，即使有人屈到我拍戏，佢哋亦无法子推出公映。实在无办法，我返加拿大唔拍戏。」又话：「我返来拍戏系因为我钟意拍戏。」