有话儿 煇煌点将录(作曲家顾嘉煇)

现年81岁的音乐大师顾嘉煇活了大半个世纪，历尽人生百态，童年蜗居木屋区的他捱过贫苦煎熬，力争上游爬上作曲家之路，视荣耀如过眼浮云，当年的M.B.E.和铜紫荆勋章都不记得放何处去，曾经的好拍档黄霑、罗文、邓丽君、张国荣、梅艳芳都已撒手尘寰，今日的煇哥忘尽心中情，任笑声送走旧愁。
撰文：余燕仪

有华人的地方，就会听过顾嘉煇的歌曲，今日的煇哥名利双收，但少年时他曾捱过咸酸苦辣：「嗰个年代大家都几穷吓，因为有啲意外，爸爸走咗去第二度，冇人负责屋企，自己都停咗读书，靠家姐（顾媚）唱歌赚钱维持一家生活，之后家姐同男友嚟香港，我哋再落嚟，但搵屋好困难，要住木屋区。」现在的煇哥有名有利，人人以为他赚了几桶金，煇哥却说：「梗唔系啦，家都冇乜钱，唔系谦虚，只系唔使点做嘢，唔使为钱担忧。」

■煇哥赞张国荣歌又好，人又好，样又好，可能太完美令上天妒忌。

■当年阿梅参加新秀，煇哥有份做评判，之后亦陪阿梅去日本宣传。《壹周刊》图片

■煇哥盛赞罗文音域广，会作些高难度的歌让他发挥。

视名利如浮云多年来，煇哥在乐坛获奖无数，更曾於82年获英女皇颁授M.B.E.勋章，98年获港府颁授铜紫荆勋章，以为煇哥将它们放在玻璃柜内珍藏，岂料他却来一个反高潮：「好多奖都摆咗喺纸皮箱，放喺家姐温哥华屋企嘅仓仔，有啲捐咗畀香港机构，唔记得边间。」就算是M.B.E.和铜紫荆勋章，煇哥亦云淡风轻说：「我都唔知摆喺边，有时好需要搵出嚟影相都搵唔到。」是否视名利如浮云？煇哥笑说：「我对呢啲嘢冇乜所谓。」

煇哥的作品逾二千首，曾合作过的歌手粒粒巨星，究竟哪位最难服侍、最奄尖？为人厚道的煇哥，闻言即面有难色说：「写出嚟好似唔系几好，如果一定要讲，徐小凤就系比较要求多啲嘅人，即系练习时候要求比较严格，呢样唔啱嗰样唔啱又要练多次，反而同我最夹系叶丽仪，罗文都好好，佢音域好广，帮佢作啲歌中段会唱得好高，特登畀机会佢发挥。」

巨星殒落欷歔当年郑少秋可以跟罗文同唱剧集《书剑恩仇录》主题曲，原来是由秋官前妻沈殿霞一手主导，煇哥爆出这个小秘密：「阿秋系后期阿肥一定要我搵佢唱，其实嗰时罗文已经唱咗好耐罗，阿肥一定要阿秋唱《书剑》，大家有啲拗撬，咁当时喺我印象中，阿肥帮得阿秋好紧要。」边个唱得好啲？直肠直肚的煇哥说：「咁梗系罗文唱得好啲啦，嗰时阿秋仲系新人。」
曾跟煇哥合作的巨星，有多位虽然年纪比煇哥轻，反而比他早走一步，真的令人欷歔！除了罗文外，85年煇哥跟黄霑联手为张国荣炮制经典歌《当年情》，张国荣於03年跳楼身亡，煇哥感慨说：「佢唱歌又好，人又好样又好，样样都冇得弹，可能太好关系上天妒忌，所以咁早走咗，真系好可惜，虽然平时我哋好少来往，但佢对我好好。」

同於03年死於子宫颈癌的梅艳芳，《心债》和《交出我的心》都是煇哥的作品，他说：「阿梅唱歌好好，佢初出道参加新秀，我有份做评判，佢行出嚟成个大歌星咁，好有款。」
■煇哥曾跟家姐顾媚、弟弟顾嘉锵（左）合作搞画展筹款。资料图片

■当年郑少秋有份唱《书剑恩仇录》主题曲，原来是前妻沈殿霞出力相助。

终年42岁的宝岛歌后邓丽君，亦曾唱过煇哥的作品，他说：「好可惜唔能够作多啲歌畀佢唱，只有《风霜伴我行》，但当时唔系好hit，黄霑作畀佢嗰啲hit过我。」提起八年前离世的好拍档黄霑，煇哥很感伤：「当然挂住佢，提起佢好唔开心，因为我哋写词同作曲都好夹，家好似冇咗一半助手！我哋好好朋友，我唔钟意讲嘢，有佢绝冇冷场，我钟意有佢喺度，我唔知佢点谂，相信佢都钟意有我喺度。」

盼开个人画展对於黄霑生前饱受肺癌折磨，煇哥叹气说：「我知道佢去北京搵人医，但佢唔会喺我面前提，佢性格咁活跃，估唔到咁后生就去咗。」年过80的煇哥仍老当益壮，他说：「我唔似黄霑咁钟意食嘢，有又得冇又得，但我相信黄霑就唔系，我次次喺温哥华返嚟，佢都带我周围去食嘢，成日请我去福临门。」
问煇哥还有甚麼追求？他说：「我仲有一个愿望，就系自己开画展，五年前我哋三姐弟开过一个画展，所有画都卖晒，原因我相信当时目的系筹款，所以我想试验一下，睇吓系咪咁好卖，作曲去到呢个阶段，人人都认识我，想睇吓画画方面系咪一样。」
(全文完)