头先终于听佐Jimmy以前做嘅电台节目，感觉真系好怀念~~！！！
对于 Jimmy，我本来感觉就系特别唔一样。唔知系米人都会对“初恋”都会有种执着，Jimmy就系类似我对声优嘅初恋。都唔系好记得几时开始中意佢，只系到我一发现嘅时候已经泥足深陷。大概上初中之后我对动漫系比较热衷，所以应该系果段时间对动漫各方面嘅都野都有涉猎。印象最深系睇婚纱小天使嘅时候，当洋介变佐做魔族之后连把声都变埋（之前我就已经好中意洋介果个人嘅声，都大概知道佢配过咩角色，但竟然连佢系度少少嘅变声都认唔出！当时真系小白菜啊~）。不过当我得知呢个人叫郭志权之后，就引起我对配音员嘅全面兴趣，因为我总系寻找佢嘅声，系呢个过程中我又识到好多其他配音员。果时真系唔似得宜家中意日本声优甘幸福，想几时听都可以。而且本来日本声优同香港配音员嘅待遇就差好远。果阵D网络啊，共享资源又无家阵甘发达，可以接触到佢把声嘅大概就真系只有时刻及住TVB嘅电视节目，搜索自己想听嘅声线。大概真系物以稀为贵，每一次听到都甘之如饴，可以HC半日。我记得我之前仲罗住部复读机对住部电视录低Jimmy系西游记嘅旁白~到宜家自己比较熟悉可以利用网络嘅时候，Jimmy已经离开……真系好感叹，点解香港D配音员唔可以好似日本D声优甘，甘多DRAMA甘多CD？不过呢个都系老问题，知道咩事架啦。
听完呢个电台节目，我突然发现竟然实现佐自己以前一个小小嘅梦想，就系听下Jimmy平时讲野嘅声。睇落似乎真系好简单，不过实际尼讲，果时听嘅都系角色声，电视声！细个果时有发花痴，如果可以同Jimmy讲电话几好呢~啊~今日听到竟然真系有人可以同佢讲电话！不过单系系呢个几钟头听到佢最自然最真实嘅声线就已经好满足！真系好感动~！！！勾起佐好多我对Jimmy嘅好多回忆！特别系念到以后都无咩机会再听到佢把声嘅时候特别有感触……
可能我真系唔系一个可以好坚定甘守护住Jimmy嘅人，不过我心中长留呢个人嘅位置。对我嘅影响，真系唔系一朝一夕啊……