【明明·很爱你】·新闻·冲上云霄2小生外援内斗林峯Chilam踢走马

考虑要不要发
大家看看就好
尽量不要提及其他艺人
感恩

《冲 2》小生外援内斗　林峯 Chilam踢走马明
2011年10月12日
挖角潮停唔到， TVB要打赢仗，除咗要狂加人工留低班小生花旦，仲要出动友情牌力邀重量级外援回巢，少啲诚意都冇得倾。
要吸引好演员同广告商， TVB打算於下年为《冲上云霄》及《金枝欲孽》两部经典剧开拍续集，可惜事隔 7、 8年，当年主角一系离巢一系息影，要原班人马开拍近乎零可能。其中《冲 2》三位主角吴镇宇、马德钟及陈慧珊全部唔愿返 TVB， TVB惟有安排张智霖及亲生仔林峯加入，反而第一集有份做「 S4」、仲系 TVB小生兼亲生仔的马国明竟然被 out，上周更连节目巡礼都冇份拍！难怪马明呻到树叶落：「我都好想拍，不过冇人搵我！」
03年的《冲上云霄》收视最高 37点，当年有吴镇宇及马德钟两大型仔机师压阵，加上剧集有国泰赞助，可以飞意大利、澳洲及北海道拍外景。不过出年拍续集，有传国泰计过条数后拒绝再玩， TVB惟有转搵专门提供短途的香港快运，欧洲靓人靓景随时冇晒！

不感兴趣

开通SVIP免广告

马明：我好想拍
赞助商缩沙，三位经典主角亦冇影。马德钟已约满无线，饰演 Vincent一角亦於上集死去；陈慧珊专心凑女；「 Sam哥」吴镇宇则转返内地拍剧搵「人仔」对无线剧兴趣不大，四个主角得番亲生女胡杏儿有得留低。
铁三角各散东西，当年的「 S4」亦被拆散。离巢陈键锋冇份唔出奇，奇在与黄宗泽及吴卓羲同属亲生仔的马明竟然人间蒸发，配角都冇得捞！摆明唔得宠，马明周一接受访问时忍唔住向本刊呻：「我好想拍续集！不过到目前为止都冇人搵过我，我都唔知点解，可能家只系拍巡礼，剧本同人选都未定，希望到时我有份拍啦！」

明明当年系「 S4」之一备受力捧，点知马明家竟然俾同辈吴卓羲骑住，二人在即将开拍的 40集长剧《名媛望族》又合作，继续争餐死！
------
唉....什麼报导

都还没开拍呢

8万请外援
重头剧唔预马明，无线却搵林峯空降做主角，更安排佢同张智霖争胡杏儿，戏分极重，两个亲生仔待遇差天共地。
除派出皇牌林峯，无线眼见 Chilam同杏儿上年在《鱼跃在花见》的情侣档受欢迎，决定以 8万一集利诱 Chilam顶替吴镇宇。无线罕有天价，但 Chilam话仲未落实帮手打仗，「无线方面好有诚意，不过剧本都未出，一切言之尚早，拍唔拍我仲未决定，点都要睇咗剧本先！」