姜濤近日與林峯在快餐店周年活動演出中碰頭，兩代男神合照成為熱話，他則笑說：「佢係我男神，我男仔啫，好榮幸可以同林峯前輩影相，我特登睇佢綵排，佢係我偶像，細個去salon剪佢個頭，兩邊剷青、斜陰。」他指林峯是他兒時偶像，最深印象是對方在劇集《溏心風暴》系列中的「管家仔」角色以及歌曲《愛不疚》：「唔記得劇情，有兩個角色爭一個女仔，初時個女仔唔係揀林峯，揀咗黃宗澤，嗰陣好鍾意《愛不疚》呢首歌。」問到可有趁機邀請林峯合作？他則指沒有這個膽量，只是托公司找他合照，也沒有機會傾偈，但又在廁所碰面。