TVB《萬千星輝頒獎典禮2025》今日（2026年1月4日）於澳門上葡京綜藝館舉行，事前有傳總經理（節目內容營運）曾志偉將會離任總經理職務，轉以顧問身份與TVB合作，而TVB將在今晚典禮上增設環節答謝曾志偉多來對TVB的付出，更會向他頒發一個重量級獎項。
當大會頒發完「最佳劇集獎」予《新聞女王2》後，由電視廣播公司主席許濤發言：「大家好，首先我哋大家再一次恭喜今晚所有得獎嘅台前幕後，而家頒獎禮嚟到最後一個環節，而今年我哋特別增加咗一個獎項，萬千星輝榮譽傳奇大獎，向一位傳奇級嘅人物致敬。呢位重量級嘅人物，喺過去幾十年，為TVB作出咗重大嘅貢獻，其實唔止係TVB，甚至乎喺全港嘅演藝界，佢一直都係出心、出力，佢演出過，佢製作過嘅作品，為香港嘅市民帶嚟過無數嘅歡樂，佢亦都提拔咗一代有一代無數嘅演藝界人才無論係過去，現在，或者將來佢都永遠會係TVB最重要成員之一！講到呢度，呢位得獎者應該都呼之欲出㗎啦，但係，等一等，我哋準備咗一條片，正式咁同大家宣佈，大家睇睇片。」之後螢幕上播上一條由王祖藍旁述，回顧其整個演藝生涯的短片，歌頌他對影視界及TVB的貢獻。
之後由好友譚詠麟頒發這個獎項，曾志偉說他事前保密功夫做到足，更謊稱自己出了埠，而譚詠麟在台上表示：「曾志偉係我所認識嘅朋友入面，最唔守時嘅一個，因為佢可能係交遊廣闊，或者係百足咁多爪，佢一瞓醒之後就周圍約人，所以想見佢直程好似睇街症咁。而且呢，佢每一個會都唔會限時間，所以一個遲咗之後，可能下面嗰啲就好遲，一路褪，所以成日都唔守時，仲有佢會自己打電話話俾你聽，我而家轉過彎嚟㗎喇，呢個彎叫『大亞灣』。其實我都好奇怪，志偉，點解無線總經理呢個職位，真係好『踢』腳， 責任重大，點解會做嘅呢？我問佢，佢就話俾我聽，唔知點解我覺得TVB好似係我嘅初戀情人咁樣，我一定要返嚟幫佢，就係憑着呢種信念，佢竟然會每一次開會，八點前就得喺度，亦都係佢呢種咁嘅堅毅，令到綜藝節目有聲有色，大家有目共睹。有一日如果大家喺街嗰度見到志偉，不妨走埋去同佢講聲，『曾生！多謝你！』多謝你咁多年為我哋做咗咁多好嘅節目，志偉係一個好眼淺嘅人，喺嗰個moment，佢就會兩行眼淚，喊到收唔到聲，好似老人家蕩失路咁，志偉，今日容許我喺度，以觀眾身份唱隻歌俾你聽好冇？」然後譚詠麟清唱出關正傑一首《相對無言》，深情跟志偉對望，唱出「朋友　記得那天共你初初見面　談到你的理想　並祝他朝兌現」全場藝員同事則為曾志偉站立鼓掌。
曾志偉發表感言，他說：「多謝多謝多謝！除咗多謝都係多謝大家，好多謝大家，想同大家同事講，你哋可以坐低，唔使一定企起身，好多謝大家嘅尊重，好多謝你哋。公司今次頒呢個獎俾我，我好多謝好多謝公司，因為呢個係一個新嘅獎，叫做『榮譽傳奇』，我覺得呢個獎最特別嘅就係last個字——『奇』，奇就奇在五年前我答應嚟做經理呢個位，我同朋友研究過，佢哋猛咁同我講，話電視係一個夕陽嘅行業，唔做唔輸，唔好衰收尾啊志偉。但係我回心一諗，我從影50幾年，其實我好多所見所聞，所學所做，我係好想同我哋嘅同業分享，返嚟TVB我就係呢個目的。第二就係話，其實我行勻成個世界未見過一個電視台好似TVB咁，超過八成嘅電視觀眾，係睇緊同一個電視台叫TVB， TVB唔只係一個電視台畀娛樂大家，係肩負社會責任。就係因為咁，TVB先至有我哋祥哥嘅《東張西望》，每日每夜同我哋香港人伸張正義，好難得，我哋做一啲節目，係為我哋中年人，比個平台佢哋去追夢，《中年好聲音》，如果有音樂夢嘅，可以有《聲夢》，可以有《聲秀》，仲有我哋為大家介紹國內所有發展，有花哥嘅《無窮之路》，呢啲種種嘢都係想同我哋社會去連接，去比正能量大家，希望大家喺香港能夠收到一個正能量嘅訊息，呢個係TVB要做嘅嘢，呢個就係我哋聯同TVB所有同事一齊肩負嘅責任。
曾志偉續說，五年來得到大家支持，是自己最歡迎的事，之後宣布卸任總經理一職：「去到今日，其實我都覺得自己有啲江郎才盡，亦都係時候應該卸任落嚟，畀我哋同我一齊走嘅年輕一輩，你哋繼續再行，再將TVB發揚光大，再肩負呢個責任。所以今日，喺呢個咁難得嘅場合，我能夠攞到呢個獎，亦都係我同大家講，我係需要喺呢個職位裡面暫時退落嚟，不過通常攞獎都會多謝一啲人，我都唔例外，第一個我要多謝嘅，係呢五年嚟同我一齊並肩作戰嘅，我哋所有TVB嘅同事！有你哋，呢五年先做到呢啲節目，多謝你哋！第二個我要多謝嘅係，其實喺台慶、喺所有大型節目大家都會睇到，我係不斷話俾大家聽，其實TVB係有一班喺度做咗10年、15年、20年，不斷努力，但係默默耕耘都可能冇名，但係今日能夠企喺度成為大家所鍾意嘅藝人，其實佢哋係付咗好多好多辛酸，付咗好多努力，成為今日嘅藝人，有佢哋先有今日嘅TVB，先能夠提供更多娛樂俾大家，好多謝各位藝員同事！最後，當然要多謝……其實五年來，你話辛唔辛苦，當然辛苦，但每一次無論我喺外國返嚟，或者我喺街行緊，有人行返轉頭揸住我隻手話『曾志偉，多謝你』，我話多謝我咩呀？我唔識佢㗎喎，佢話『好多謝你帶咗咁多好睇嘅節目畀我哋，帶咗歡樂畀我哋。』淨係呢句說話，就已經係呢五年我喺TVB做嘢嘅動力，所以有需要多謝每一位香港嘅觀眾，多謝你哋，希望你哋繼續支持TVB，多謝！」最後他向全場鞠躬。 收起d

@TVB官方微博
【萬千星輝頒獎典禮2025】最佳劇集出爐！
由 @麦兆辉Alan 、@方中信alex 宣佈：
恭喜【最佳劇集】得主：《新聞女王2》
#新闻女王2最大赢家# #佘诗曼四封TVB视后##新闻女王2获TVB最佳剧集# #新闻女王2揽TVB九大奖项#

@羅仲謙是羅子溢感謝每一個位投票嘅朋友，每一票對於我、對於作品嘅製作團隊嚟講都係一個好大嘅鼓勵！一班由細睇到佢地大嘅支持者，你地每一句說話我都有記喺心，多謝你地！🌟
家人嘅鼓勵係我最大嘅原動力❤️！ 繼續努力，創造更多令人感動嘅角色，希望你哋會記住《金色森林》嘅高深-羅子溢

【明周】羅子溢不敵黃宗澤失視帝　 楊茜堯：你已是我們心中的No.1
羅子溢昨晚在鏡頭前展示一對子女給他畫的No.1獎杯。
羅子溢在《萬千星輝頒獎典禮》自2020年起五度獲提名最佳男主角，今年憑《金式森林》高深一角更被視為大熱之一，羅子溢昨晚（4日）在開場時受訪，已展示一對子女親手畫給「爸爸」的No.1獎杯，甜在心頭。
可惜羅子溢最終敗於黃宗澤的《新聞女王2》手下，五度與視帝擦肩而過。太太楊茜堯隨即在今日凌晨，於社交網發文贈花安慰老公，卡片寫上：「老公：你已經是我們心中的No.1」，並留言：「獎項只是一個形式，為你錦上添花，你的努力和堅持早就勝過一切，過程裏收穫的成長才更加珍貴，屬於你的高光時刻，正在路上…加油！ #最佳男主角 #沒有最好只有更好。」網心亦紛紛留言，大讚：「高深呢個角色已經深入人心，羅子溢已經係好多觀眾心目中嘅最佳男主角」。
楊茜堯發文贈花安慰老公。收起

萬千星輝2025｜羅子溢失落視帝　連續兩年被捧為大熱卻臨門撻Q
《萬千星輝頒獎典禮2025》「最佳男主角」結果出爐，最終由黃宗澤憑《新聞女王2》封為視帝，憑《金式森林》入圍五強的羅子溢大熱倒灶，回巢6年後依然未能奪得視帝。羅子溢從2005年由電影入行，到2008年加入無綫（TVB），羅子溢中間離開過幾年時間，2019年正式回巢。
新聞女王2掃9個獎成大贏家羅子溢在《金式森林》表現出色。（官方圖片）
羅子溢呢個嘲諷式勝利笑容正呀！（官方圖片）
羅子溢入行前做救生員
羅子溢中七畢業後，曾報讀救生員課程並在會所泳池擔任救生員，雖然這段經歷為他維持生計，但他始終將演藝事業視為長期目標。2005年，他被電影公司發掘，選擇進入演藝界，並於2008年簽約無綫電視，開始了他的影視雙線發展。羅子溢的成名之作是2008年參演的《盛裝舞步愛作戰》，當然最出名一定是《On Call 36小時》，受到了觀眾的廣泛喜愛和認可，他所飾演的角色「洋蔥」深入人心，為他贏得了多個獎項提名及獎項，包括2012年的MY AOD我的最愛頒獎典禮的最愛電視男配角獎，亦因此劇認識了老婆楊茜堯。
羅子溢在《盛裝舞步愛作戰》所飾演的角色「洋蔥」深入人心。（劇照）
羅子溢在《陀槍師姐2021》感情戲交到貨，做臥底時一些微表情也見心思。（《陀槍師姐2021》截圖）
羅子溢楊茜堯戀情被嘲諷
羅子溢與楊茜堯的戀情外界一直不看好，甚至覺得男方是貪圖女方的名聲，但羅子溢覺得對方為自己付出很多，由拍拖到結婚初時都不被看好，但楊茜堯不受外間影響，繼續相信他，他非常感動，他曾接受《香港01》訪問時說：「我好多謝太太，佢喺我最平平淡淡，唔上唔落嗰陣，佢都選擇同相信我，譬如嗰陣時有啲唔好嘅聲音，『你同佢一齊都係為咗增加自己知名度啫』，坦白講，嗰陣時的確大家位置有高有低，佢知名度比我高，會有好多呢啲聲音出現，或者話我利用佢，但佢依然相信我，同我結婚生小朋友，之後減產，如果唔係同我結婚，佢成就會更加大，更多出色作品，所以我好多謝佢。」
羅子溢與楊茜堯的戀情外界一直不看好。（IG圖片）
楊茜堯(前名:楊枱)及羅子溢(前名:羅仲謙)收起

羅子溢失落視帝唔見影　原來被頒獎盃攞「最佳男主角」
小生羅子溢憑主演《金式森林》被推為台慶頒獎禮視帝大熱，卻與獎項擦身而過，落敗給主演《新聞女王2》的黃宗澤，令不少網民戥他不值。有指子溢完騷後即不見人影，原來是他有大批來自內地、新加坡及香港等地的粉絲昨晚到場應援，賽後他即爭取時間與大家見面聚會，席間一眾粉絲向他送贈迷你獎盃和鮮花等禮物，直言他一早已是影迷心目中的「最佳男主角」。
談到敗給黃宗澤，子溢受訪大方回應：「賽果絕對公平，恭喜所有得獎者，我喺澳門參加咗個好暖心同開心嘅派對。大家唔使擔心，明年我會再接再厲，依家做好手頭上嘅工作報答大家嘅厚愛先啦。」對於太太楊茜堯送贈巨型啤啤熊幫他打氣，子溢坦言事前並不知情：「佢成功製造咗驚喜畀我。（咁對仔女手繪卡呢？）我老婆教佢哋整嘅，係咪好想知內容呢？大女心心寫咗『爸爸好叻，你係太陽，我係小草』。」難怪教子溢感動非常。
及後子溢再於社交平台晒與粉絲聚會照，並留言：「感謝每一個位投票嘅朋友，每一票對於我、對於作品嘅製作團隊嚟講都係一個好大嘅鼓勵！一班由細睇到佢哋大嘅支持者，你哋每一句說話我都有記喺心，多謝你哋！家人嘅鼓勵係我最大嘅原動力！繼續努力，創造更多令人感動嘅角色，希望你哋會記住《金式森林》嘅高深-羅子溢。」
羅子溢失落視帝後唔見影。
原來被頒「最佳男主角」。
一眾Fans頒畀佢。
女兒同老婆楊茜堯寫咗心意卡畀佢。
一定冧晒啦！收起

【明報即時】羅子溢失落視帝 曬仔女賀卡感激粉絲 稱家人是最大原動力
羅子溢雖失落視帝，但仍有粉絲及家人鼓勵。（Ig圖片）
羅子溢昨晚（4日）未能憑《金式森林》獲視帝，敗給雙料視帝黃宗澤，羅子溢太太楊茜堯在社交平台發文安慰他，而子溢今天（5日）在社交平台發文分享感受，並展示仔女送給他的賀卡，他寫道：「感謝每一個位投票嘅朋友，每一票對於我、對於作品嘅製作團隊嚟講都係一個好大嘅鼓勵！一班由細睇到佢地（哋）大嘅支持者，你地（哋）每一句說話我都有記喺心，多謝你地（哋）！家人嘅鼓勵係我最大嘅原動力！ 繼續努力，創造更多令人感動嘅角色，希望你哋會記住《金色（式）森林》嘅高深-羅子溢」。
（即時娛樂）收起

曾志偉自爆5度請辭　自嘲負責使錢：我係敗家仔
宣布卸任TVB總經理（節目內容營運）之職的曾志偉受訪，透露原來任職的5年內，先後5度申請辭職，且笑言：「今次終於成功嘞，接任人交由主席許濤決定，我自己畀咗少少意見，但冇畀人選。」至於他出任新成立的諮詢委員會召集人，他透露會向外求才，事關不想影響無綫內部人手調配。
回顧5年任職高層，曾志偉坦承至今仍未適應朝九晚五的生活模式：「況且主力做電視後，我好耐都冇休息過，台慶、港姐等大騷接住做，真係冇放過假，加上呢個職位唔可以亂講嘢嘛。（咁畀自己幾多分？）五十零分，麻麻哋，其實我唔擅長做管理，最鍾意都係幕前工作，嚟緊都會做番。（點解今次辭到職？）我講咗要陪仔女及家人，況且我都培育到一班可以接手嘅同事。（你任內令無綫業績轉虧為營喎。）我係敗家仔，負責使錢，初初乜都唔識就係大花筒，做落先識慳錢㗎。」
曾志偉自爆曾5度請辭。
曾志偉自嘲負責使錢。
曾志偉自評任期內值50分。收起02:05

羅子溢失視帝贏幸福　楊茜堯贈花高呼：我心中No.1
《萬千星輝頒獎典2025》的「最佳男主角」戰況相當激烈，最終由黃宗澤憑《新聞女王2》奪得「最佳男主角」成雙料視帝，賽前大熱羅子溢失望已回。不過台上失利，台下幸福，羅子溢獲視后太太楊茜堯準備熊仔造型藍紅玫瑰作安慰，又有卡片寫上：「老公：你已經是我們心中的No.1」認真Sweet爆！楊茜堯更感觸留言鼓勵老公繼續加油，高光時刻正在路上：「獎項只是一個形式，為你錦上添花，你的努力和堅持早就勝過一切，過程裏收穫的成長才更加珍貴❤️屬於你的高光時刻，正在路上……..❤️加油❤️」相信羅子溢定會收拾心情，未來再接再厲。
羅子溢爭視帝大熱倒灶。
好在有嬌妻楊茜堯鼓勵！
心中No.1！
屬於老公嘅高光時刻正在路上。
PS太溫馨了，子溢係我心中視帝收起

【明報即時】曾志偉任職5年自言江郎才盡 將卸任無綫總經理職務
無綫總經理（節目內容營運）曾志偉在《萬千星輝頒獎典禮2025》尾聲獲頒「萬千光輝榮譽傳奇」大獎。（TVB網上片段截圖 / 明報製圖）
無綫總經理（節目內容營運）曾志偉，在今晚（4日）《萬千星輝頒獎典禮2025》的尾聲獲頒「萬千光輝榮譽傳奇」大獎，他同時宣布會卸下總經理一職。無綫特別安排好友譚詠麟驚喜現身頒獎，譚詠麟唱出一曲《朋友》送給曾志偉，並說︰「曾志偉係我所認識嘅朋友入面，最唔守時嘅一個，佢可能係交遊廣闊，或者係百足咁多爪，佢瞓醒之後就周圍約人，所以想見佢好似睇街症咁。而且佢每一個約會都唔會有限時間，所以一個遲，第二個就好遲，所以成日都唔守時。仲有，佢會自己打電話話畀你聽『轉過彎就嚟』，而呢個彎叫『大亞灣』。我都好奇怪，志偉，點解無綫呢個職位責任重大，你會做？佢就話畀我聽，唔知點解覺得TVB好似初戀情人咁，一定要返嚟幫佢。就係憑住呢種信念，佢竟然每一次開會8點前就坐喺度，亦都係呢種堅毅令到綜藝節目有聲有色，大家有目共睹。」
曾志偉接過獎座後說︰「好多謝公司今次頒呢個獎畀我，呢一個係新嘅獎，叫『榮譽傳奇』。呢個獎最特別一個字就係最後一個『奇』字，奇就奇在我5年前答應嚟做總經理呢個位。我同啲朋友研究過，佢哋同我講電視係一個夕陽行業，唔做唔輸，唔好衰收尾。我從影50幾年，好多所見所聞所學所做，我好想同我哋嘅同業一齊去分享。返嚟TVB，我就係呢個目的。第二，我行勻全世界未見一個電視台好似TVB咁，超過八成嘅電視觀眾係睇緊同一個電視台叫TVB， TVB唔係淨係一個電視台娛樂大家，係社會責任。就係因為咁，TVB先至有《東張西望》同香港人伸張正義；我哋做一啲節目係為中年人，畀個平台佢哋追夢，所以有《中年好聲音》。年輕人如果有音樂夢，可以有《聲夢》、《聲秀》；仲有為大家介紹國內所有發展嘅《無窮之路》。呢啲種種嘢都係想同我哋同社會連接，帶正能量畀大家，希望大家喺香港能夠收到一個正能量嘅信息，呢個係TVB要做嘅嘢，亦都係我哋連同TVB所有同事一齊肩負嘅責任。」
曾志偉續說︰「5年來得到大家嘅支持，呢啲節目大家鍾意，係我最歡欣嘅事。去到今日，我都有啲江郎才盡，係時候卸任落嚟畀一齊行嘅年輕一輩，再將TVB發揚光大，肩負呢個責任，所以今日我係呢個咁難得嘅場合，同大家講我需要喺呢個職位暫時退落嚟。」他感謝5年來一同並肩作戰的TVB同事、藝員同事及觀眾，希望大家繼續支持TVB。
（即時娛樂）收起

台慶頒獎禮︱何廣沛憑《新聞女王2》奪「最佳男配角」
《萬千星輝頒獎典2025》的「最佳男配角」獎項，賽前戰況十分激烈，各位入圍者均實力擔當。最終由何廣沛憑《新聞女王2》奪得「最佳男配角」，眾望所歸。宣布一刻，視后佘詩曼在台下即上前擁抱，以示鼓勵。
何廣沛得獎爆喊。
擁抱祝賀。
一度激動到講唔到嘢。
不忘多謝Man姐！
得償所願。收起

台慶頒獎禮︱吳業坤葉蒨文膺「飛躍進步男、女藝員」
《萬千星輝頒獎典禮》「飛躍進步男、女藝員」由前輩米雪和陳松伶（松松）做頒獎嘉賓，二人一開口便表示「大家好！好耐無見」，並互笠高帽，松松表示：「飛躍一定無人及你，因為TVB你未攞過新人和女配角獎，一嚟就攞最佳女主角獎。」米雪就說：「唔敢當，你叻啲，一出道就做女主角，到依家都係，最近又開演唱會。」松松趁機宣傳二月在港舉行的演唱會，表示會大唱經典歌似開派對。結果飛躍男由吳業坤獲得，飛躍女就由葉蒨文得獎。
吳業坤宣布獲獎一刻，激動在座位爆喊，真情流露，喊住上台攞獎，松松都忍不住大笑，吳業坤在2015年獲得《勁歌金曲》最佳新人獎時，爆喊至眼鏡霧化成為經典，今次眼鏡沒有霧化。他激動地表示在演藝這程車16年，兜兜轉轉，自言TVB養了他咁多年，好感謝樂易玲照顧，希望照顧到自己退休為止，感謝曾志偉和鍾澍佳支持外，又多謝太太，笑言：「今晚飲少少返。」，他說：「由《超級巨聲2》開始，做過兒童節目，成就今日的自己，每個人不同，有啲人贏在起跑線，有人做棋流羅，人生無終點，只要爭氣行下去，就會見到風景，15前吳業坤的名畀人感覺好低能，希望15年後大家聽到呢個名係專業和認真。」
葉蒨文台上感謝《愛‧回家之開心速遞》團隊，由第一集開始做8、9年，陪伴着觀眾睇電視食飯，見證小朋友讀書成長，9年時間不錯，感到做藝人好有意思，而《女神配對計劃》大豐收，多了很多女粉絲，欣賞自己的價值觀，令她飛躍很多：「我都要多謝GM（男友曾展望）和GM媽咪煲湯。」葉蒨文受訪時表示獲獎感到好開心，自言入行10年，以平常心面對獎項，反而《女神配對計劃》攞到「大灣區最喜愛TVB綜藝及資訊節目」感動到喊，自己攞獎就好平淡，因為好享受過程，問到GM失落飛躍男嫌美中不足？她說：「係嘅，有嘅，聽到唔係佢，自己都有啲眼圈一紅，仲激動過自己攞獎。（點呵番GM？）睇吓佢需要咩?咩都答應要求。」
吳業坤以捆綁式拉票撐王敏奕女配，王敏奕於後台睇到吳業坤攞「飛躍男藝員」十分開心。
葉蒨文獲飛躍進步女藝員。
吳業坤獲飛躍進步男藝員。
激動爆喊。
多次入圍終得獎。
捱出頭來。
拍檔王敏奕為他感高興。
入行16年的吳業坤在《萬千星輝頒獎禮》上首奪「飛躍進步男藝員」獎項，他接受訪問時表示：「用咗10幾年攞呢個獎，真係好感動，明白係要用時間浸，攞獎時有好回憶，由歌唱比賽《超級巨聲》開始至依家。（公布獎項前，好緊張喎？）係呀，當時好緊張，要咬牙切齒先可以紓緩到情緒，知自己攞獎時好醜樣，但我想畀大家知道我好畀心機同努力，不過今次攞奬，眼鏡冇起霧，因為換咗其他品牌嘅眼鏡，太太喺屋企支持，都已經同太太講咗今晚會飲多少少。」
吳業坤好感動。
得咗啦！
王敏奕於後台睇到吳業坤攞「飛躍男藝員」十分開心。收起+3